توكيو وليمپياداسىندا قازاقستاندىق سەكەن بيبوسىنوۆتىڭ (52 كەلٸ) جارتىلاي فينالدا كٸممەن كەزدەسەتٸن بەلگٸلٸ بولدى, دەپ حابارلايدى "ۇلت اقپارات".
ەسكە سالساق, بٷگٸن شيرەك فينالدا قازاقستاندىق سپورتشى يسپانييالىق گابريەل ەسكوباردان 3:2 ەسەبٸمەن باسىم تٷستٸ. ەندٸ ونىڭ جارتىلاي فينالداعى قارسىلاسى - ۇلىبريتانييالىق گالال يافاي.
ول 1992 جىلى 11 جەلتوقساندا دٷنيەگە كەلگەن. بۇدان بۇرىن دٷنيەجٷزٸلٸك دەڭگەيدە جەتٸستٸككە جەتە قويعان جوق.
گالال يافاي بٷگٸن شيرەك فينالدا ەلەم چەمپيوناتىنىڭ ٷش مەرتە جٷلدەگەرٸ اتانعان كۋبالىق بوكسشى يوسۆاني ۆەيتييانى 4:1 ەسەبٸمەن قاپى قالدىرىپ كەتتٸ. ودان بۇرىن ارمەنييالىق كوريۋن سولومونياندى, ودان كەيٸن زامبييالىق پاتريك چينەمبانى جەڭدٸ.
جارتىلاي فينال 5 تامىز كٷنٸ ٶتكٸزٸلەدٸ.
ەسكە سالساق, بيىلعى وليمپياداعا بوكستان ەرلەر قۇراماسىنان 8 سپورتشى باردى. سەكەننەن ٶزگە بۇدان بۇرىن جارتىلاي فينالعا قامشىبەك قوڭقاباەۆ (91 كەلٸدەن جوعارى) شىققان بولاتىن. بٷگٸن تاعى بٸر قازاقستاندىق زاكير سافيۋللين (63 كەلٸ) شيرەك فينال ويىنىن ٶتكٸزەدٸ.
