24 تامىز بەن 5 قىركٷيەك ارالىعىندا توكيو-2020 XVI جازعى پاراليمپيادا ويىندارى ٶتەدٸ, دەپ حابارلايدى "ۇلت اقپارات".
بۇل سىنعا قازاقستاننىڭ اتىنان 25 پاراليمپياداشى قاتىسىپ, سپورتتىڭ 7 تٷرٸ بويىنشا ەل نامىسىن قورعايدى.
«پاراليمپيادا ويىندارى قارساڭىندا «قازاقستاننىڭ پاراليمپيادا سپورتىن قولدايمىز» چەللەندجٸ باستالدى. ريو-2016 پاراليمپيادا ويىندارىنان كەيٸن ەلٸمٸزدە پاراسپورتپەن اينالىسقىسى كەلەتٸندەردٸڭ سانى ارتتى, ٶڭٸرلەردە مٷگەدەك ادامدارعا ارنالعان جاڭا سپورت مەكتەپتەرٸ اشىلدى جەنە ەلوردادا ۋلترازاماناۋي پاراليمپيادالىق جاتتىعۋ ورتالىعى سالىندى. وندا مٷمكٸندٸگٸ شەكتەۋلٸ ادامدار ٶزٸنە قولايلى سپورت تٷرٸمەن تەگٸن اينالىسا الادى», - دەپ جازىلعان ۇلتتىق پاراليمپيادا كوميتەتٸ ماركەتينگ جەنە كوممۋنيكاتسييا دەپارتامەنتٸنٸڭ حابارلاماسىندا.
كوميتەت جارييالاعان چەللەدجگە قاتىسۋ ٷشٸن پاراليمپياداشىلارعا قولداۋ بٸلدەرگەن مازمۇنداعى بەينەٷندەۋ تٷسٸرٸپ, ەلەۋمەتتٸك جەلٸگە نپك @kazparalympics رەسمي اككاۋنتىن بەلگٸلەۋ ارقىلى مىنا حەشتەگتەرمەن سالۋ قاجەت: #teamkz, #kazparalympics جەنە #parateamkz.
چەللەندجگە بٸرٸنشٸ بولىپ نۇرلان قويانباەۆ, ارۋجان ساين, ماقپال يسابەكوۆا, مٶلدٸر ەۋەلبەكوۆا, بەيبٸت قورعان, ەرلان كٶكەەۆ, باقىت سىزدىقوۆا سيياقتى تانمال ادامدار ٷن قوسقان.
ەسكە سالايىق, 29 شٸلدە كٷنٸ قر پرەزيدەنتٸ قاسىم-جومارت توقاەۆ قازاقستان ۇلتتىق پاراليمپيادا قۇراما كومانداسىنىڭ مٷشەلەرٸمەن كەزدەسكەن بولاتىن.
مەملەكەت باسشىسى سپورتشىلاردىڭ تەۋەلسٸز قازاقستان تاريحىندا العاش رەت پاراليمپيادا ويىندارىنا 25 جولداما ۇتىپ, بايراقتى بەسەكەگە ٷلكەن قۇراممەن اتتانىپ بارا جاتقانىن اتاپ ٶتتٸ.
«ەلەمدەگٸ جٷز مىڭداعان سپورتشىنىڭ اراسىنان ٷزدٸك شىعىپ, وسى ويىندارعا جولداما الۋ ەكٸنٸڭ بٸرٸنٸڭ قولىنان كەلە بەرمەيدٸ. سٸزدەر بۇعان تاباندىلىق پەن كەسٸبي دايىندىقتىڭ ارقاسىندا قول جەتكٸزۋگە بولاتىنىن دەلەلدەدٸڭٸزدەر. دەمەك, ەربٸر پارا سپورتشىمىزدى قازٸردٸڭ ٶزٸندە جەڭٸمپاز دەۋگە بولادى. ٶزدەرٸڭٸزدٸ بارشا وتانداسىمىز ماقتان تۇتادى», – دەگەن ەدٸ ق. توقاەۆ.
توكيو-2020 جازعى وليمپيادا ويىندارى 23 شٸلدە - 8 تامىز ارالىعىندا ٶتكەن بولاتىن.
دٷبٸرلٸ دوداعا قازاقستان اتىنان 97 اتلەت سپورتتىڭ 28 تٷرٸنەن باق سىنادى. نەتيجەسٸندە 8 قولا مەدال جەڭٸپ الدى.
ال مەدالدار كەcتەسٸندە ەلٸمٸز 83-ورىنعا تۇراقتادى.
