قازاقستاندىق بالۋان نۇريسلام ساناەۆ توكيو وليمپياداسىنىڭ ەركٸن كٷرەس جارىسىندا فينالعا شىعا المادى, - دەپ حابارلايدى "ۇلت اقپارات".
جارتىلاي فينالدا ساناەۆ ٷندٸستاندىق كۋمار راۆيمەن كەزدەستٸ. قازاقستاندىق بالۋان قارسىلاسىن 9:2 ەسەبٸمەن جەڭٸپ تۇرىپ, جاراقات الىپ قالۋىنا بايلانىستى سوڭعى سەتتەردە قارسىلاسىنا ەسە جٸبەرٸپ قويدى. ەندٸ ول قولا مەدال ٷشٸن تارتىسقا تٷسەدٸ.
بۇعان دەيٸن شيرەك فينالدا ساناەۆ جاپون يۋكي تاكاحاسيدەن باسىم تٷسكەن. ال 1/8 فينالدا ساناەۆ گۆينەيا-بيساۋ ٶكٸلٸ ديامانتينو يۋنا فافەنٸ سەنٸمدٸ جەڭگەن ەدٸ.
30 جاستاعى ساناەۆ رەسەيدٸڭ چادان قالاسىندا تۋعان. 2014 جىلى قازاقستان ازاماتتىعىن الىپ, اقتٶبە وبلىسى اتىنان ٶنەر كٶرسەتە باستادى. 2016 جىلى ريو وليمپياداسىنا قاتىسىپ, العاشقى جەكپە-جەگٸندە جەڭٸلگەن. بٸراق كەيٸن جۇبانىش جەكپە-جەگٸنە شىعىپ, تاعى دا قارسىلاسىنا جول بەرگەن ەدٸ.
كەيٸن 2017 جىلعى ەلەم چەمپيوناتىندا كٷمٸس, 2019 جىلى قولا مەدال العان. 2018 جىلى ازييا چەمپيونى اتانعان.
ەسكە سالايىق, قازٸر قازاقستان قورجىنىندا تٶرت مەدال بار. دزيۋدوشى ەلدوس سمەتوۆ, اۋىراتلەتتەر يگور سون مەن زٷلفييا چينشانلو قولا مەدال يەلەنگەن بولاتىن. ال بٷگٸن بوكسشى قامشىبەك قوڭقاباەۆ جارتىلاي فينالدا جەڭٸلٸپ, قولا مەدال العان.
