جاپونييا استاناسى توكيو قالاسىندا ٶتٸپ جاتقان وليمپيادا ويىندارىندا 25 شٸلدەدەگٸ مەدالدار ەسەبٸ جارييالاندى, دەپ حابارلايدى قازاقپارات.
ايتا كەتەيٸك, قازٸر قازاقستان قۇراماسىنىڭ قورجىنىندا قوس قولا مەدال بار.
العاشقىسىن 24 شٸلدەدە دزيۋدوشى ەلدوس سمەتوۆ السا, ەكٸنشٸسٸنە بٷگٸن, 25 شٸلدەدە اۋىر اتلەت يگور سون قول جەتكٸزدٸ.
وسىلايشا ەكٸ مەدال العان ەل قۇراماسىنىڭ جالپى كوماندالىق ەسەپتە قاي ورىنعا جايعاسقانى بەلگٸلٸ بولدى.
قازٸرگە دەيٸن 40 مەملەكەتتەن كەلگەن سپورتشىلار بٸرتالاي مەدالعا قول جەتكٸزٸپ ٷلگەردٸ.
ولاردىڭ اراسىندا 2 قولا مەدال العان گەرمانييا, تٷركييا, ۋكراينا قۇرامالارى 31-34 ورىنداردى ٶزارا بٶلٸسٸپ تۇر. قازاقستان 31-ورىندى ەنشٸلەگەن.
مەدال الۋ جٶنٸنەن قىتاي كٶش باستاپ تۇر. ونىڭ ەنشٸسٸندە 6 التىن, 1 كٷمٸس, 4 قولا مەدال بار.
توكيو وليمپياداسىنان 25 شٸلدەدە مەدال العان ەل قۇرامالارىنىڭ العاشقى وندىقتاعى كەستەسٸ تٶمەندەگٸشە:
1. قىتاي - 6-1-4
2. جاپونييا - 5-1-0
2. اقش - 4-2-4
4. وڭتٷستٸك كورەيا - 2-0-3
5. رەسەي- 1-4-2
6. يتالييا - 1-1-3
7. اۆسترالييا- 1-1-1
7. فرانتسييا- 1-1-1
9. ۆەنگرييا - 1-1-0
10. تۋنيس - 1-1-0
بيىل دٷبٸرلٸ دودادا 33 سپورت تٷرٸنەن 339 مەدال جيىنتىعى ساراپقا سالىنادى. ايتۋلى الامانعا جەر بەتٸندەگٸ 206 مەملەكەتتەن 11 مىڭنان استام سپورتشى قاتىسۋدا.
قازاقستاندىق 97 سپورتشى كٷنشىعىس ەلٸندە سپورتتىڭ 28 تٷرٸنەن باق سىنايدى.
ەسكە سالساق, توكيو وليمپياداسى 23 شٸلدەدە باستالدى. ول 8 تامىزدا مەرەسٸنە جەتەدٸ.
بۇعان دەيٸن قازاقستان قۇراماسى التى جازعى وليمپيادادا باق سىنادى. جالپى العاندا 21 التىن, 28 كٷمٸس, 64 قولا مەدال الدى.
