توكيو وليمپياداسىندا قازاقستاندىق قامشىبەك قوڭقاباەۆ (91 كەلٸدەن جوعارى) جارتىلاي فينالدا اقش بوكسشىسى ريچارد توررەزبەن قولعاپ تٷيٸستٸردٸ, دەپ حابارلايدى "ۇلت اقپارات".
جارتىلاي فينالدا جەرلەسٸمٸز امەريكالىق بوكسشى ريچارد توررەسپەن كەزدەستٸ. جەكپە-جەكتٸڭ بٸرٸنشٸ راۋندىندا امەريكالىق بوكسشىنىڭ باسىمدىعى اڭعارىلدى. باس كەزٸندە قوڭقاباەۆ قاشىپ بوكستاستى. جويقىن سوققىلارىن شەبەر ورىنداي بٸلدٸ. قارسىلاسى دا قاراپ قالعان جوق. دەگەنمەن بٸرٸنشٸ راۋندتا بەس تٶرەشٸنٸڭ تٶرتەۋٸ امەريكالىق بوكسشىعا جوعارى ۇپاي بەردٸ. ال ەكٸنشٸ راۋندتىڭ سوڭىندا قوڭقاباەۆ نوكداۋنعا تٷسٸپ قالدى.
ٷشٸنشٸ راۋندتا ەكەۋٸ اشىق بوكستاستى. بٸراق قازاقستاندىق سپورتشى ەشتەڭە ٶزگەرتە المادى. اۋىر جاراقات الىپ قالدى. سودان دەرٸگەر جەكپە-جەكتٸ توقتاتۋعا شەشٸم قابىلدادى. وسىلايشا قوڭقاباەۆ قولا جٷلدەنٸ قاناعات تۇتتى.
قازاقستاندىق بوكسشى بۇدان بۇرىن مىسىرلىق يۋسري رەزك مۇستافا حافەز بەن رەسەيلٸك يۆان ۆەرياسوۆتى جەڭدٸ.
بٷگٸنگٸ قارسىلىسى ريچارد توررەز 1999 جىلى 1 ماۋسىمدا دٷنيەگە كەلگەن. قازٸرگە دەيٸن ەۋەسقوي بوكستا 60 جەكپە-جەك ٶتكٸزٸپ, ونىڭ 51-دە جەڭٸسكە جەتكەن. 2016 جىلى جاستار اراسىنداعى ەلەم چەمپيوناتىندا قولا جٷلدەگەر اتاندى. ال 2019 جىلى پانامەريكان ويىندارىندا دا دەل سول جەتٸستٸگٸن قايتالادى. 2019 جىلعى ەلەم چەمپيوناتىندا ول شيرەك فينالدا قارسىلاسىنا نوكاۋتپەن ۇتىلدى. ەزٸرگە باسقا قول جەتكٸزگەن تابىستارى جوق.
اتالعان سالماقتا ٶزبەكستاندىق باحودير جالولوۆ جارتىلاي فينالدا ۇلىبريتانييالىق فرەيزەر كلاركتى جەڭٸپ, فينالعا جولداما الدى.
ەسكە سالساق, بيىلعى وليمپياداعا ەرلەر قۇراماسىنان 8 سپورتشى باردى. ولاردىڭ اراسىنان قامشىبەكتەن ٶزگە سەكەن بيبوسىنوۆ (52 كەلٸ) 5 تامىزدا جارتىلاي فينال ويىنىن ٶتكٸزەدٸ.
