توكيو وليمپياداسىندا سىنعا تٷسٸپ جاتقان تەننيسشٸ ەلەنا رىباكينا شيرەك فينالعا جولداما الدى, دەپ حابارلايدى "ۇلت اقپارات".
قازاقستاندىق تەننيسشٸ 1/8 فينالدا حورۆاتييالىق دوننا ۆەكيچپەن شەبەرلٸك بايقاستى.
قارسىلاسىن ەكٸ سەتتە 7:6, 6:4 ەسەبٸمەن جەڭٸپ, شيرەك فينالعا شىقتى.
ەندٸ ول يسپانييالىق گاربينە مۋگۋرۋسومەن تايتالاسقا تٷسەدٸ.
ايتا كەتەيٸك, العاشقى كەزدەسۋلەرٸندە ول اۆسترالييالىق سامانتا ستوسۋر (6:4, 6:2) جەنە شۆەتسييالىق رەبەككا پەتەرسون (6:2, 6:3) سىندى قارسىلاستارىن قاپى قالدىرىپ كەتتٸ.
تەننيستەن قازاقستان ەيەلدەر قۇراماسىندا بۇعان دەيٸن زارينا ديياس, ياروسلاۆا شۆەدوۆا جەنە يۋلييا پۋتينتسەۆا جارىس جولىنان شىعىپ قالدى.
سونداي-اق, بٷگٸن ميحايل كۋكۋشكين ەرلەر اراسىندا 1/8 فينالدا بەلارۋستٸك يليا يۆاشكوعا ەسە جٸبەردٸ.
بيىل دٷبٸرلٸ دودادا 33 سپورت تٷرٸنەن 339 مەدال جيىنتىعى ساراپقا سالىنادى. ايتۋلى الامانعا جەر بەتٸندەگٸ 206 مەملەكەتتەن 11 مىڭنان استام سپورتشى قاتىسۋدا.
قازاقستاندىق 97 سپورتشى كٷنشىعىس ەلٸندە سپورتتىڭ 28 تٷرٸنەن باق سىنايدى.
