مەملەكەت باسشىسى قاسىم-جومارت توقاەۆتىڭ بيىلعى جولداۋى ەلٸمٸزدە, ەلەمدە ماڭىزدى وقيعالار ٶربٸپ, بولاشاققا قاتىستى بەلگٸسٸزدٸكتەر باسىم بولا تٷسكەن تۇستا جارييالاندى. سوندىقتان بولار, وسى جولداۋعا جۇرت ەرەكشە نازار اۋدارعان سيياقتى. ال جولداۋدىڭ بۇرىنعىلاردان ٶزگەشە بولعاندىعى ەلەۋمەتتٸك جەلٸدەگٸ جازبالاردان دا بايقالادى. وسى رەتتە بەلگٸلٸ عالىم, پروفەسسور, ەۋرازييا ۇلتتىق ۋنيۆەرسيتەتٸنٸڭ پرورەكتورى ديحان قامزابەكۇلىنىڭ پاراقشاسىنداعى پٸكٸرٸنە نازار اۋدارتقاندى جٶن سانادىق, دەپ جازادى قازاقپارات.
«بٷگٸن كٷندەلٸكتٸ جۇمىس بارىسىندا 30-40 اداممەن ۇشىراسقان شىعارمىن. ٸشٸندە ەرٸپتەس تە, ٶڭٸردەن كەلگەن زييالى دا, شەكٸرت-جاستار دا بار. بەرٸنٸڭ جٷزٸنەن, نيەتٸنەن سەنٸم مەن جٸگەردٸ بايقادىم. كەزدەسكەندەر: «توقاەۆتىڭ سٶزٸن تىڭدادىق. پرەزيدەنت جاقسى ايتتى. جۇرت ريزا!» - دەيدٸ. پٸكٸردٸڭ بەرٸ وسىعان ۇقساس. «ەندٸ نە بولادى?» دەپ, سارىۋايىمعا سالىنىپ جٷرەتٸن ەگدەلەۋ كٶرشٸمنٸڭ ٶزٸ بىلاي بٸر قايىردى: «توقاەۆتى تٷسٸندٸم. وعان سەنۋگە بولادى!». مۇنىڭ بەرٸ - بەيرەسمي, ادامي سٶزدەر مەن پٸكٸرلەر. بٸراق سەڭ قازاق ەلٸڭنٸڭ باياندىلىعىنا قاراي قوزعالعانىن كٶرسەتەتٸن ٶمٸرلٸك دەرەكتەر...
مەملەكەت باسشىسى جولداۋىندا قاڭتار قاسٸرەتٸنٸڭ سەبەپ-سالدارىنان بٶلەك ەلدٸڭ بٷگٸنگٸ ھەم الداعى ساياسي جەنە ەلەۋمەتتٸك تاعدىرى سٶز ەتٸلدٸ. ايتىلعان 10 باعدارداعى ۇسىنىس تا ٶمٸردٸڭ قايناۋىنان, تٸرشٸلٸكتٸڭ ٶزەگٸنەن الىنعان. ساياسي جٷيە, سونىڭ ٸشٸندە پرەزيدەنت ٶكٸلەتتٸلٸگٸ, پارلامەنت تەگەۋرٸنٸ, ٷكٸمەت كەسٸبيلٸگٸ, سايلاۋ جٷيەسٸندەگٸ ٶزگەرٸستەر, سوت پەن قۇقىق ٸستەرٸندەگٸ جوعارى تالاپ, باق پەن ازاماتتىق قوعام جاڭعىرۋى, پارتييا قۇرىلىسى, ٶڭٸرلەر سەرپٸلٸسٸ ت.ب. قاداۋ-قاداۋ ٶزەكتٸ مەسەلەردٸڭ شەشۋ تەتٸگٸ كٶرسەتٸلدٸ. يە, قوردالانعان زەرۋلٸكتٸ, تٷيٸندٸ تارقاتۋدىڭ جولى دا, جٶنٸ دە بار. بٸرٸنشٸدەن, ونى زەرتتەۋ كەرەك. ەكٸنشٸدەن, ونى شەشۋدٸڭ وڭتايلى تەسٸلٸن ۇسىنا بٸلۋ كەرەك. قاسىم-جومارت كەمەلۇلى بۇل مەسەلەدە كەسٸبي ماماندارعا يەك ارتاتىنى بايقالادى. حالىق ايتاتىن «باسشىداعى قىرىق ادامنىڭ اقىلى» - وسى. ادامىن تاپ, مامان ميىنا سالماق سال, سونان سوڭ پەتۋاسىن ايت!
پرەزيدەنت جولداۋدىڭ كٸرٸسپەسٸندە دە, قورىتىندىسىندا دا حالىق, ەل, تەۋەلسٸزدٸك مٷددەسٸنٸڭ ٶزٸنەن, قۇزىرەتٸنەن بيٸك تۇراتىنىن مەلٸمدەدٸ. بۇل - جاۋاپكەرشٸلٸكتٸڭ سٶزٸ. بەلكٸم ەل باسشىسى انتىنىڭ جاڭعىرىعى.
قاراپايىم ادامي قاسيەت بيٸك مەملەكەتشٸل قاسيەتتٸ قۇرايدى. ەل باسشىسىنىڭ «پرەزيدەنتكە تۋىس ادامدار جوعارى لاۋازىمدى بيلٸكتە بولماۋى كەرەك» نەمەسە «پرەزيدەنت جەنە لاۋازىمدى تۇلعالار بيلٸككە جەتكەندە بٸر عانا پارتييانىڭ مٷشەسٸ بولا المايدى» دەگەنگە ساياتىن ۇسىنىستارىن حالىق الاقايلاپ قابىلداعانى انىق. سونداي-اق پارلامەنتتەگٸ قازاقستان حالىقتارى اسسامبلەياسىنىڭ ورنىن شاقتاۋ مەن دەپۋتاتتىققا ٷمٸتكەرلەردٸڭ بٸر بٶلٸگٸ ماجوريتارلىق جولمەن كەلۋگە قاتىستى ۇسىنىسى دا ٶتە ٶزەكتٸ ەستٸلدٸ. بەسەكەنٸڭ اتى - بەسەكە. سايلاۋ مەرەسٸنٸڭ دە سوقپاعى تاقتايداي تەگٸس بولمايدى. سونىمەن بٸرگە حالقىمىزدى جۇرتتا قالعانداي كٷيدەگٸ سەمەي, جەزقازعان ت.ب. كەشە وبلىس بولعان ٶلكەلەردٸڭ تاعدىرى مەن الماتى ٶڭٸرٸ تۇرعىندارىنىڭ اسا تىعىزدىعى تولعاندىراتىن. ق.ك.توقاەۆ وسى تٷيٸندٸ دە شەشتٸ. ەل كارتاسىندا اباي, ۇلىتاۋ, جەتٸسۋ وبلىستارى مەن د.قوناەۆ قالاسىنىڭ تاڭبالاناتىن كٷنٸ دە الىس ەمەس. «ٶشكەن جاندى» دەگەن وسى بولسا كەرەك.
پرەزيدەنت جولداۋى ەكٸ ٷلكەن باعدارداعى ٸس-شارالار كەشەنٸن ايقىندادى: 1) ەلدٸ جاڭارتۋداعى وڭتايلى ساياسي-قۇرىلىمدىق ٶزگەرٸستەر. 2) حالىقتى ورتاق ماقساتقا جۇمىلدىرۋداعى مەملەكەتشٸل يدەولوگييالىق جۇمىستار.
قاراپايىم تٸلمەن ايتساق, «باردى ۇقساتۋ, كەمدٸ تولىقتىرۋ» بولىپ شىعادى. ەڭ باستىسى, ەسٸرە ۇرانسىز, كەۋدە سوقپاي, ماقتانشاقتىققا ۇرىنباي ەلەۋمەتتٸڭ جٷگٸن ارقالاۋدىڭ ابىرويلى, ساۋاپتى جولى. بۇل سەنٸم مەن جٸگەردٸ بەكەمدەيدٸ. جولىمىز باياندى, تٸلەگٸمٸز بايىپتى بولسىن!»
