مەملەكەت باسشىسى پارلامەنت سەناتىنىڭ تٶراعاسى مەۋلەن ەشٸمباەۆتى قابىلدادى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
كەزدەسۋدە ەل پرەزيدەنتٸنٸڭ تاپسىرمالارىن زاڭنامالىق تۇرعىدان قامتاماسىز ەتۋ مەسەلەلەرٸ قاراستىرىلدى. سەنات تٶراعاسى مەملەكەت باسشىسى قاسىم-جومارت توقاەۆقا قابىلدانعان بٸرقاتار زاڭدار جٶنٸندە, سونىڭ ٸشٸندە, رەسپۋبليكالىق بيۋدجەت تۋرالى زاڭعا ەنگٸزٸلگەن ٶزگەرتۋلەر مەن تولىقتىرۋلار, سايلاۋ تۋرالى زاڭعا ەنگٸزٸلگەن تٷزەتۋلەر تۋرالى ايتتى. مەملەكەت باسشىسى اتالعان زاڭدارعا قول قويدى.
جوعارعى پالاتا كۆازيمەملەكەتتٸك سەكتورداعى ساتىپ الۋلاردى رەتتەيتٸن زاڭ قابىلدادى. قازٸرگٸ ۋاقىتتا ەلەۋمەتتٸك كەسٸپكەرلٸكتٸ دامىتۋ, سالىق كودەكسٸنە ٶزگەرتۋلەر مەن تولىقتىرۋلار ەنگٸزۋ جەنە باسقا دا زاڭ جوبالارى دەپۋتاتتاردىڭ قاراۋىندا جاتىر.
مەۋلەن ەشٸمباەۆتىڭ مەلٸمەتٸ بويىنشا وسى سەسسييا باستالعالى بەرٸ سەناتورلار 12 زاڭ جوباسىنا باستاماشى بولدى. ونىڭ 3-ٸن پارلامەنت قابىلداسا, 4-ۋٸ سەنات پەن مەجٸلٸستٸڭ قاراۋىندا. تاعى 5 زاڭ جوباسى دەپۋتاتتاردىڭ باستاماسىمەن ەزٸرلەنٸپ جاتىر.
سەنات تٶراعاسى پرەزيدەنتكە پارلامەنتارالىق ىنتىماقتاستىقتى دامىتۋ, رەسەي, ٶزبەكستان جەنە باسقا دا ەلدەردٸڭ زاڭ شىعارۋشى ورگاندارىمەن بايلانىستاردى نىعايتۋ جٶنٸندە ايتتى.
سونىمەن قاتار مەۋلەن ەشٸمباەۆ مەملەكەت باسشىسىنىڭ تاپسىرماسى بويىنشا ەزٸرلەنگەن «اشارشىلىق. گولود. 1928-1934. دەرەكتٸ حرونيكا» جيناعىن ۇسىندى. اتالعان ٷش تومدىقتا قازاقستانداعى كٷشتەپ ۇجىمداستىرۋدىڭ قاسٸرەتتٸ تاريحىن باياندايتىن مىڭنان استام ارحيۆ قۇجاتتارى جيناقتالعان.
