قازاقستان پرەزيدەنتٸ ۇقشۇ مەن شىۇ-عا مٷشە مەملەكەتتەر باسشىلارىنىڭ بٸرلەسكەن وتىرىسىنا قاتىستى, دەپ حابارلايدى "ۇلت اقپارات" اقورداعا سٸلتەمە جاساپ.
مەملەكەت باسشىسى ٶز سٶزٸندە سوڭعى ايلاردا اۋعانستانداعى ەسكەري-ساياسي جاعدايدىڭ تەز ٶزگەرٸپ, احۋالدىڭ تۇراقسىزدانۋ قاۋپٸ تۋىنداعانىن اتاپ ٶتتٸ.
– ۇجىمدىق قاۋٸپسٸزدٸك تۋرالى شارت ۇيىمى مەن شانحاي ىنتىماقتاستىق ۇيىمىنىڭ مانداتىنا مۇنداي سىن-قاتەرلەردٸڭ الدىن الۋ جەنە وعان دەر كەزٸندە مەن بەرۋ مەسەلەلەرٸ كٸرەدٸ. بۇل بٸزدٸڭ بەدەلدٸ ەكٸ ايماقتىق قۇرىلىم اراسىنداعى ٸس-ەرەكەتتەردٸ ٷيلەستٸرۋدٸڭ ماڭىزدى ەكەنٸن كٶرسەتەدٸ. اۋعانستاننىڭ ۋاقىتشا ٷكٸمەتٸ الدىندا اسا كٷردەلٸ مٸندەتتەر كەشەنٸ تۇر. جاڭا مەملەكەتتٸك قۇرىلىمدى قالىپتاستىرۋ جەنە جالپى ۇلتتىق تۇتاستىققا قول جەتكٸزۋ سيياقتى ستراتەگييالىق ماقساتتاردان بٶلەك كٷنكٶرٸستٸڭ كٶكەيتەستٸ مەسەلەلەرٸن دە شەشۋ قاجەت. ەكونوميكانىڭ قوردالانعان مەسەلەلەرٸنٸڭ شەشٸلۋٸ, تٷپتەپ كەلگەندە, اۋعانستان مەملەكەتتٸلٸگٸنٸڭ شاما-شارقىن ايقىندايدى. شىندىعى وسى, – دەدٸ قاسىم-جومارت توقاەۆ.
پرەزيدەنتتٸڭ ايتۋىنشا, داعدارىستان شىعۋ ٷشٸن بۇل ەلدەگٸ ٸشكٸ رەسۋرستار مٷلدە جەتكٸلٸكسٸز. بۇۇ-نىڭ باعالاۋى بويىنشا اۋعانستان گۋمانيتارلىق اپات جاعدايىندا تۇر.
– بۇل اسىرا ايتقاندىق ەمەس. جۋىق ارادا اۋعانستان اسا اۋىر ازىق-تٷلٸك داعدارىسىنا ۇشىراۋى مٷمكٸن. وسى قيىنشىلىق ورتالىق ازييا ايماعىنىڭ دا شەكاراسىن اينالىپ ٶتپەيدٸ. ونىڭ سالدارى جاھاندىق سيپات الادى. اتالعان جاعداي, ەڭ الدىمەن, تۇرعىنداردىڭ كٶشۋگە مەجبٷر بولۋىنان تۋىندايدى. الايدا, قازٸر جاي بولجام جاساۋدىڭ ەمەس, ناقتى ٸسكە كٶشۋدٸڭ ماڭىزى زور. ەلدەرٸمٸز بەن ۇيىمدارىمىز دەڭگەيٸندە اۋعانستان حالقىنا كٶمەكتەسۋ ٷشٸن «گۋمانيتارلىق كٶپٸردٸ» جەدەل تٷردە سالعان جٶن. قازاقستاننىڭ ينفراقۇرىلىمى مەن لوگيستيكالىق مٷمكٸندٸكتەرٸن ەسكەرە وتىرىپ, مۇنداي «كٶپٸردٸ» ۇيىمداستىرۋدىڭ ماڭىزدى بٶلٸگٸ رەتٸندە الماتى قالاسىندا ايماقتىق حاب قۇرۋ ۇسىنىلادى, – دەدٸ مەملەكەت باسشىسى.
قاسىم-جومارت توقاەۆتىڭ پٸكٸرٸنشە, اتالعان جۇمىستى الماتى قالاسىنا بۇۇ باسشىلىعىنىڭ ٶتٸنٸشٸ بويىنشا قونىس اۋدارعان اۋعانستانعا كٶمەك كٶرسەتۋ جٶنٸندەگٸ بۇۇ ميسسيياسىنىڭ (UNAMA) مانداتى اياسىندا جٷرگٸزۋگە بولادى. قاسىم-جومارت توقاەۆ بۇل ۇسىنىستى شىۇ مەملەكەتتەرٸ باسشىلارىنىڭ بٷگٸنگٸ وتىرىسىندا ايتتى.
– گۋمانيتارلىق داعدارىستىڭ اۋىر كەزەڭٸن ەڭسەرگەننەن كەيٸن الداعى ۋاقىتتا اۋعانستانعا تٷرلٸ باعىتتار بويىنشا بۇۇ ينستيتۋتتارىنىڭ تاراپىنان جٷيەلٸ قولداۋ قاجەت بولادى. الماتىدا بۇۇ-نىڭ ايماقتىق حابىنىڭ قۇرىلۋى بۇل جۇمىستاردى ٷيلەستٸرۋ ٷشٸن وڭتايلى مٷمكٸندٸكتەرگە جول اشادى, – دەدٸ قازاقستان پرەزيدەنتٸ.
مەملەكەت باسشىسى اۋعان مەسەلەسٸ بويىنشا ٶزارا ٸس-قيمىلدار جٷرگٸزگەندە ۇقشۇ مەن شىۇ-عا مٷشە مەملەكەتتەردٸڭ كەزەك كٷتتٸرمەيتٸن مٸندەتتەرٸن شەشۋدەن بٶلەك, كەلەشەكتٸ دە نازاردان تىس قالدىرۋعا بولمايتىنىن اتاپ ٶتتٸ.
– ساياسي جەنە گۋمانيتارلىق احۋال قالاي قالىپتاسسا دا, ادامي كاپيتالعا تارتىلعان ينۆەستيتسييا عانا ۇزاقمەرزٸمدەگٸ ورنىقتى بولاشاقتى قامتاماسىز ەتە الادى. وسىعان بايلانىستى اتالعان ەلدٸڭ ازاماتتارى ٷشٸن بٸلٸم بەرۋ باعدارلامالارىن جٷزەگە اسىرۋ ٸسٸن جالعاستىرۋ ماڭىزدى. بٷگٸندە قازاقستاندا اۋعانستاننىڭ 200-گە جۋىق ستۋدەنتٸ بٸلٸم الۋدا. اۋعانستاننىڭ جاڭا بيلٸگٸ بۇل جاستاردىڭ جوعارى بٸلٸم الۋىنا ەش كەدەرگٸ جاسامايدى دەپ ٷمٸتتەنەمٸن, – دەدٸ قاسىم-جومارت توقاەۆ.
قازاقستان پرەزيدەنتٸنٸڭ پٸكٸرٸنشە, ۇقشۇ مەن شىۇ-عا مٷشە مەملەكەتتەر اۋعانستاننىڭ جاڭا بيلٸگٸمەن بەيرەسمي ديالوگ قۇرۋعا باستاما جاساعانى جٶن.
– مۇنداي بايلانىستار تەلٸپتەردٸڭ شىنايى نيەتٸن باعالاۋعا, ايماقتىق تۇراقتىلىقتىڭ سىن-قاتەرلەرٸنە قاتىستى پٸكٸرلەردٸ قالىپتاستىرۋعا, وسى ەلمەن ساۋدا-ەكونوميكالىق بايلانىستاردى قالپىنا كەلتٸرۋگە مٷمكٸندٸك بەرەدٸ. وسى رەتتە, رەسمي تٷردە مويىنداۋ تۋرالى سٶز بولىپ وتىرعان جوق. كٶپ نەرسە جاڭا ەكٸمشٸلٸكتٸڭ الداعى ناقتى ٸس-ەرەكەتتەرٸنە جەنە بۇۇ قاۋٸپسٸزدٸك كەڭەسٸنٸڭ تيٸستٸ شەشٸمدەرٸنە بايلانىستى بولاتىنىن تاعى دا قايتالاپ ايتامىن, – دەدٸ مەملەكەت باسشىسى.
قاسىم-جومارت توقاەۆ سٶزٸن قورىتىندىلاي كەلە, شىۇ مەن ۇقشۇ-عا مٷشە مەملەكەتتەر مٷددەلەرٸنٸڭ سەيكەس كەلۋٸ جەنە ولاردىڭ بٸرلەسكەن كٷش-جٸگەرٸ ايماقتىڭ قاۋٸپسٸزدٸگٸ مەن ورنىقتى دامۋىنىڭ ٶزەكتٸ مەسەلەلەرٸن شەشۋ جٶنٸندەگٸ ورتاق ٸس-قيمىلداردىڭ تيٸمدٸلٸگٸن ارتتىرۋعا مٷمكٸندٸك بەرەتٸنٸنە سەنٸم بٸلدٸردٸ.
