پرەزيدەنت قاسىم-جومارت توقاەۆ جوعارعى سوت تٶراعاسى جاقىپ اسانوۆتى قابىلدادى, - دەپ حابارلايدى "ۇلت اقپارات" اقوردا باسپاسٶز قىزمەتٸنە سٸلتەمە جاساپ.
قاسىم-جومارت توقاەۆقا سوت جٷيەسٸنٸڭ قازٸرگٸ دامۋ بارىسى تۋرالى باياندالدى.
جاقىپ اسانوۆ مەملەكەت باسشىسىنا ازاماتتىق داۋلاردى سوتقا جەتكٸزبەي شەشۋ مەسەلەسٸ جٶنٸندە ايتىپ, سوڭعى 3 جىلدا جوعارعى سوتتىڭ وسى باعىتتا جٷزەگە اسىرعان جوبالارى جايلى ايتتى. ونىڭ ايتۋىنشا, بۇرىن ٸستەردٸڭ تەك 2-3 پايىزى عانا تاتۋلاسۋمەن اياقتالسا, قازٸر بۇل كٶرسەتكٸش 37 پايىزعا جەتكەن.
جوعارعى سوت تٶراعاسىنىڭ دەرەكتەرٸنە سەيكەس 2018 جىلعا دەيٸن اۋىر جەنە اسا اۋىر قىلمىستار بويىنشا بٸر جىلدا ورتا ەسەپپەن 23 ادام اقتالسا, سوڭعى 4 جىلدا 160-تان استام ازامات كٸنەسٸز دەپ تانىلعان. ياعني, كٶرسەتكٸش 7 ەسەگە ارتقان.
پرەزيدەنتكە مەملەكەتتٸك باسقارۋ جٷيەسٸندەگٸ ەكٸمشٸلٸك يۋستيتسييا تۋرالى ايتىلدى. جاقىپ اسانوۆتىڭ ايتۋىنشا, بىلتىرعى 1 شٸلدەگە دەيٸن ازاماتتار مەن كەسٸپكەرلەر قارالعان ٸستەردٸڭ 85 پايىزى بويىنشا مەملەكەتتٸك ورگانداردان جەڭٸلەتٸن. قازٸرگٸ تاڭدا ٸستەردٸڭ 55 پايىزى كەسٸپكەرلەر مەن ازاماتتاردىڭ پايداسىنا شەشٸلەدٸ.
سونىمەن قاتار كەزدەسۋدە سوت كادرلارىنىڭ ساپاسىن جاقسارتۋ, ازاماتتاردىڭ سوتتا قورعالۋىن كٷشەيتۋ, سوت ٸسٸن جٷرگٸزۋدٸ وڭتايلاندىرۋ جەنە باسقا دا مٸندەتتەر تۋرالى ايتىلدى.
