مەملەكەت باسشىسى قاسىم-جومارت توقاەۆ قىرعىز رەسپۋبليكاسىنىڭ پرەزيدەنتٸ سوورونباي جەەنبەكوۆپەن ەكٸجاقتى ىنتىماقتاستىقتىڭ ٶزەكتٸ مەسەلەلەرٸن, سونداي-اق, جامبىل وبلىسى قورداي اۋدانىندا بولعان وقيعانى تالقىلادى.
بۇل تۋرالى اقوردانىڭ باسپاسٶز قىزمەتٸ حابارلادى.
قىرعىزستاننىڭ كٶشباسشىسى قازا بولعانداردىڭ جاقىندارى مەن تۋىستارىنا كٶڭٸل ايتىپ, زارداپ شەككەندەردٸڭ تەزٸرەك ساۋىعىپ كەتۋٸنە تٸلەكتەستٸك بٸلدٸردٸ.
قاسىم-جومارت توقاەۆ سوورونباي جەەنبەكوۆكە قولداۋ كٶرسەتكەنٸ ٷشٸن ريزاشىلىق بٸلدٸرٸپ, ەكٸ ەل اراسىنداعى تاتۋ كٶرشٸلٸك, سەرٸكتەستٸك پەن وداقتاستىق ورتالىق ازييا ايماعىنداعى تۇراقتىلىقتى ساقتاۋدىڭ ماڭىزدى فاكتورى سانالاتىنىن اتاپ ٶتتٸ.
