مەملەكەت باسشىسى ٶز سٶزٸندە تەۋەلسٸزدٸك كٷنٸ قارساڭىندا جاستارمەن كەزدەسۋٸنٸڭ ماڭىزدى ەكەنٸن اتاپ ٶتتٸ, دەپ حابارلايدى "ۇلت اقپارات" اقورداعا سٸلتەمە جاساپ.
– بٸز ٷشٸن بۇدان اسقان قاستەرلٸ ەرٸ ماڭىزدى مەرەكە جوق. تەۋەلسٸزدٸگٸمٸزدٸ نىعايتىپ, ەلٸمٸزدٸ ودان ەرٸ ٶركەندەتۋ – قازٸرگٸ ۇرپاقتىڭ قاسيەتتٸ بورىشى. سوندىقتان بٸز سٸزدەرگە زور ٷمٸت ارتامىز. مەملەكەتٸمٸزدٸڭ كەلەشەگٸ – ٶزدەرٸڭٸز! بٷگٸنگٸ جاستار – ەلٸمٸزدٸڭ ەرتەڭٸ, ۇلتىمىزدىڭ بولاشاعى, مەملەكەتٸمٸزدٸڭ مەرتەبەسٸ. ۇرپاعىن ايالاي بٸلگەن حالىق ٸرگەلٸ جۇرتقا اينالاتىنى بەلگٸلٸ. بٸز حالقىمىزدى ەلەمگە تانىتقان ەڭ اسىل قاسيەتتەردٸ سٸزدەردٸڭ بويلارىڭىزدان كٶرگٸمٸز كەلەدٸ, – دەدٸ قاسىم-جومارت توقاەۆ.
پرەزيدەنتتٸڭ ايتۋىنشا, ەلباسى نۇرسۇلتان نازارباەۆتىڭ باستاماسىمەن ٶتكەن جاستار جىلىندا مەملەكەتتٸك ورگاندار ٶسكەلەڭ ۇرپاقتى قولداۋ ماقساتىندا كٶپتەگەن جۇمىس اتقارعان, بٸرنەشە باعىتتار بويىنشا جوبالار ٸسكە اسقان, ونىڭ ٸشٸندە, باسپانامەن جەنە جۇمىسپەن قامتۋ, ساپالى ەرٸ قولجەتٸمدٸ بٸلٸم بەرۋ ٸسٸ قولعا الىنعان.
– ەلٸمٸزدٸڭ ٸرٸ قالالارىندا جۇمىسشى جاستارعا 9 مىڭ پەتەر بەرۋ تۋرالى شەشٸم قابىلداندى. ونى جالعا الۋ قۇنى ايىنا 15 مىڭ تەڭگە عانا بولادى. بيىل 5 مىڭ ازامات مەملەكەتتەن گرانت الىپ, جاس كەسٸپكەر اتاندى. الداعى ٷش جىل ٸشٸندە ولاردىڭ سانى 30 مىڭعا دەيٸن كٶبەيەدٸ. بۇدان بٶلەك 10 مىڭ جاس بيزنەسمەن شاعىن نەسيەنٸڭ ارقاسىندا ٶز ٶندٸرٸسٸن كەڭەيتتٸ. سونىڭ باسىم كٶپشٸلٸگٸ اۋدان جەنە اۋىل تۇرعىندارىنا ارنالدى, – دەدٸ مەملەكەت باسشىسى.
قاسىم-جومارت توقاەۆ جاستاردىڭ نازارىن ولار ٷشٸن اشىلىپ جاتقان جاڭا پەرسپەكتيۆالارعا, جاس بۋىننىڭ ەلەمدەگٸ الدىڭعى قاتارلى ۋنيۆەرسيتەتتەردە بٸلٸم الۋ مٷمكٸندٸكتەرٸنە اۋداردى. سونداي-اق جاستاردى جەتەكشٸ تەحنولوگييالىق كومپانييالاردا جۇمىس ٸستەۋگە, ٶز جوبالارىن وزىق عىلىمي ورتالىقتاردا جٷزەگە اسىرۋعا شاقىردى.
– كەز كەلگەن ەلدٸڭ تابىسى ٶز ازاماتتارىنىڭ جەكەلەگەن جەتٸستٸكتەرٸنەن قۇرالادى. ەگەر ەرقايسىسىڭىز الدارىڭىزعا قويعان ماقساتقا قول جەتكٸزٸپ, ٶز قابٸلەتتەرٸڭٸزدٸ ارتتىرساڭىزدار, مەملەكەت تە تابىستى بولادى. بٷگٸنگٸدەي جوعارى بەسەكەگە قابٸلەتتٸ ەلەمدە ەشكٸم تۋعاننان تابىستى بولا المايدى جەنە وعان كەپٸلدٸك تە بەرٸلمەيدٸ. ول ٷشٸن ٷنەمٸ ەڭبەكتەنۋ كەرەك, ەڭ الدىمەن, ٶز-ٶزٸڭدٸ دامىتۋىڭ قاجەت, – دەدٸ مەملەكەت باسشىسى.
پرەزيدەنت جاستاردى قولداۋ جٶنٸندە بٸرىڭعاي كەشەندٸ باعدارلاما جاساۋ قاجەتتٸگٸن ايتتى.
– بٸرىڭعاي باعدارلاما ٶسكەلەڭ ۇرپاقتىڭ ٶزەكتٸ پروبلەمالارىن شەشۋگە باعىتتالادى. ەڭ باستىسى, ونىڭ مەحانيزمٸ جاستارىمىز ٷشٸن قاراپايىم ەرٸ تٷسٸنٸكتٸ بولۋى تيٸس. جەكە جەنە كەسٸبي تۇرعىدان ٶسۋ, جۇمىسقا ورنالاسۋ نەمەسە تۇرعىن ٷي الۋ ٷشٸن قازاقستاننىڭ قاي جەرٸندە, قانداي مٷمكٸندٸكتەر بار ەكەنٸن ەركٸم بٸلۋگە تيٸس, – دەدٸ قاسىم-جومارت توقاەۆ.
قازاقستان پرەزيدەنتٸ بٸلٸم بەرۋ ساپاسى مەن قول جەتٸمدٸلٸگٸن ارتتىرۋ ٸسٸن نەگٸزگٸ مٸندەتتەردٸڭ بٸرٸ رەتٸندە كٶرسەتتٸ. مەملەكەت باسشىسى ديپلوم باسىپ شىعاراتىن جەنە تاراتاتىن مەكەمەگە اينالعان جوعارى وقۋ ورىندارىنا قاتىستى شارا قابىلداۋ قاجەتتٸگٸن تالاپ ەتتٸ. سونىمەن قاتار پرەزيدەنت ٷكٸمەتكە جوعارى وقۋ ورىندارى مەن كوللەدج ستۋدەنتتەرٸنٸڭ ستيپەنديياسىن كٶتەرۋدٸ تاپسىردى.
– جوعارى وقۋ ورىندارى ستۋدەنتتەرٸنٸڭ ستيپەنديياسىن ارتتىرۋ ٶزەكتٸ مەسەلەلەردٸڭ بٸرٸ ەكەنٸن بٸلەمٸن. بۇل مەسەلەگە كٶڭٸل بٶلٸنبەي قالدى. 2016 جىلدان بەرٸ ستيپەندييا كٶبەيگەن جوق. سوندىقتان ستۋدەنتتەردٸ قولداۋ ٷشٸن 2020 جىلدىڭ 1 قاڭتارىنان باستاپ باكالاۆريات, ماگيستراتۋرا مەن دوكتورانتۋرادا وقيتىن ستۋدەنتتەردٸڭ ستيپەنديياسىن 25 پايىزعا ٶسٸرۋ جٶنٸندە شەشٸم قابىلدادىم. بۇل جالپى 130 مىڭعا جۋىق ادامدى قامتيدى. مۇنداي قولداۋ كوللەدج ستۋدەنتتەرٸنە دە كٶرسەتٸلەتٸن بولادى, – دەدٸ مەملەكەت باسشىسى.
قاسىم-جومارت توقاەۆ الداعى ۆولونتەر جىلىنىڭ مٸندەتتەرٸ تۋرالى ايتا كەلٸپ, بٸرنەشە نەگٸزگٸ باعىتتارعا نازار اۋدارۋدى ۇسىندى.
«ساباقتاستىق» جوباسى اياسىندا ەرٸكتٸلەر بالالار ٷيٸنٸڭ تەربيەلەنۋشٸلەرٸن ٶز قامقورلىقتارىنا الا الادى. «ساۋلىق» باعىتى بويىنشا مەديتسينالىق ۆولونتەرلٸك داميدى, ولار اۋىرعان ادامدارعا جەردەم كٶرسەتەدٸ. «تازا ەلەم» جوباسى قورشاعان ورتانى قورعاۋعا باعىتتالعان. «اسىل مۇرا» باعىتى ەرٸكتٸلەردٸ ماتەريالدىق جەنە رۋحاني, مەدەني-تاريحي مۇرالاردى ساقتاۋ جۇمىستارىنا تارتادى. «قامقور» باستاماسى قارتتار ٷيٸندەگٸ ەرٸكتٸلەر جۇمىسىن قامتاماسىز ەتەدٸ. «بٸلٸم» جوباسى اۋىل مەكتەپتەرٸندەگٸ جوعارى سىنىپ وقۋشىلارىن ۇبت-عا دايىنداۋ جۇمىستارىنا, اعىلشىن تٸلٸن ٷيرەتٸپ, كومپيۋتەرلٸك ساۋاتتىلىقتى جەتٸلدٸرۋگە كٶمەكتەسەدٸ. «ٷمٸت» جوباسى بويىنشا ەرٸكتٸلەر ەكٸنشٸ دٷنيەجٷزٸلٸك سوعىستاعى جەڭٸستٸڭ 75 جىلدىعى اياسىندا وتانداستارىمىزدىڭ ەرلٸگٸن باياندايتىن قۇجاتتاردى ٸزدەستٸرۋمەن اينالىسادى.
پرەزيدەنت ۆولونتەرلٸكتٸ ۇلتتىق ماسشتابتا عانا ەمەس, ەربٸر قالا مەن اۋىلدا دامىتۋ كەرەك دەپ سانايدى. سونىمەن قاتار ۇجىمدىق ۆولونتەرلٸكتٸ ٶركەندەتۋگە مەملەكەتتٸك اپپاراتتى دا, ۇلتتىق جەنە ٸرٸ كومپانييالاردى دا اتسالىسۋعا شاقىردى.
– دانا حالقىمىز «جۇمىلا كٶتەرگەن جٷك جەڭٸل» دەگەن. قايىرىمدىلىق پەن مەيٸرٸمدٸلٸك – قانىمىزعا سٸڭگەن قاسيەت. قازاقتا اسار جاساپ, بٸر-بٸرٸنە كٶمەكتەسٸپ, قولداۋ كٶرسەتۋ دەستٷرٸ بار. ونىڭ ۆولونتەرلٸكپەن ٷندەسەتٸنٸ سٶزسٸز. سوندىقتان الداعى جىلى سول دەستٷردٸ زامانعا ساي قايتا جاڭعىرتۋىمىز قاجەت, – دەدٸ مەملەكەت باسشىسى.
شارا سوڭىندا قاسىم-جومارت توقاەۆ جاستاردىڭ بەلسەندٸ ٶكٸلدەرٸن مەملەكەتتٸك ناگرادالارمەن جەنە العىس حاتتارىمەن ماراپاتتادى. سونداي-اق ەكسپو اۋماعىندا اشىلعان «ArtHUB» شىعارماشىلىق باستامالار ورتالىعىنىڭ جوبالارىمەن تانىستى.
مەملەكەت باسشىسىنىڭ سٶيلەگەن سٶزٸنٸڭ تولىق مەتٸنٸمەن مىنا جەردەن تانىسۋعا بولادى.
