مەملەكەت باسشىسى قاسىم-جومارت توقاەۆ ٷكٸمەتكە زەينەتاقى قورىنداعى قاراجاتتى پايدالانۋعا قاتىستى شەكتٸ مەجەنٸ كٶتەرۋ مەرزٸمٸن 2022 جىلدىڭ 1 سەۋٸرٸنە دەيٸن ۇزارتۋدى تاپسىردى. بۇل تۋرالى پرەزيدەنتتٸڭ باسپاسٶز حاتشىسى بەرٸك ۋەلي Facebook-تە مەلٸم ەتتٸ, دەپ حابارلايدى "ۇلت اقپارات".
«مەملەكەت باسشىسى قاسىم-جومارت توقاەۆ زەينەتاقى جيناقتارىنىڭ شەكتٸ مەجەسٸن كٶتەرۋ تۋرالى شەشٸمگە قاتىستى كٶپشٸلٸكتٸڭ ٶتٸنٸشٸنە قۇلاق استى.
شەكتٸ مەجە كەلەسٸ جىلدان باستاپ ەڭ تٶمەنگٸ جالاقىنىڭ ٶسۋٸنە بايلانىستى كٶتەرٸلەدٸ. زەينەتاقى جٷيەسٸنٸڭ نەگٸزگٸ مٸندەتٸ – ازاماتتاردى زەينەتكە شىققاننان كەيٸن قاجەتتٸ جەتكٸلٸكتٸ تابىسپەن قامتاماسىز ەتۋ. سوندىقتان زەينەتاقى جيناقتارىنىڭ شەكتٸ مەجەسٸن كٶتەرۋ جٶنٸندەگٸ شەشٸم – نەگٸزٸنەن وسى باعىتتاعى دۇرىس قادام.
سونىمەن قاتار مەملەكەت باسشىسى زەينەتاقى قورىنداعى شەكتٸ مەجەدەن اسقان قارجىسىن پايدالانىپ ٷلگەرمەگەن ازاماتتاردى قولداپ, ٷكٸمەتكە بۇرىنعى شەكتٸ مەجەنٸ كٶتەرۋ مەرزٸمٸن 2022 جىلدىڭ 1 سەۋٸرٸنە دەيٸن ۇزارتۋدى تاپسىردى», - دەپ جازدى ۋەلي.
