Memleket basshysy Qasym-Jomart Toqaev Úkimetke zeinetaqy qoryndaǵy qarajatty paidalanýǵa qatysty shekti mejeni kóterý merzimin 2022 jyldyń 1 sáýirine deiin uzartýdy tapsyrdy. Bul týraly Prezidenttiń baspasóz hatshysy Berik Ýáli Facebook-te málim etti, dep habarlaidy "Ult aqparat".
«Memleket basshysy Qasym-Jomart Toqaev zeinetaqy jinaqtarynyń shekti mejesin kóterý týraly sheshimge qatysty kópshiliktiń ótinishine qulaq asty.
Shekti meje kelesi jyldan bastap eń tómengi jalaqynyń ósýine bailanysty kóteriledi. Zeinetaqy júiesiniń negizgi mindeti – azamattardy zeinetke shyqqannan keiin qajetti jetkilikti tabyspen qamtamasyz etý. Sondyqtan zeinetaqy jinaqtarynyń shekti mejesin kóterý jónindegi sheshim – negizinen osy baǵyttaǵy durys qadam.
Sonymen qatar Memleket basshysy zeinetaqy qoryndaǵy shekti mejeden asqan qarjysyn paidalanyp úlgermegen azamattardy qoldap, Úkimetke burynǵy shekti mejeni kóterý merzimin 2022 jyldyń 1 sáýirine deiin uzartýdy tapsyrdy», - dep jazdy Ýáli.
