مەملەكەت باسشىسى قاسىم-جومارت توقاەۆ حالىق ەرتٸسٸ يۋريي پومەرانتسەۆتٸڭ تۋعان-تۋىستارى مەن جاقىندارىنا كٶڭٸل ايتتى. بۇل تۋرالى مەملەكەت باسشىسىنىڭ باسپاسٶز حاتشىسى بەرٸك ۋەلي مەلٸمدەدٸ, - دەپ حابارلايدى "ۇلت اقپارات".
"پرەزيدەنت قازاقستاننىڭ ەڭبەك ەرٸ يۋريي پومەرانتسەۆتٸڭ قايتىس بولۋىنا بايلانىستى ونىڭ جاقىندارى مەن تۋىستارىنا كٶڭٸل ايتۋ جەدەلحاتىن جولدادى.
ەرەكشە تالانتتى اكتەر, كٶرەرمەننٸڭ كٶزايىمى بولعان تۇلعا يۋريي بوريسوۆيچ قازاق تەاترى مەن كينوسىنىڭ دامۋىنا ٶلشەۋسٸز ٷلەس قوستى. ول بٸزگە تەرەڭ ماعىنالى, شىنايى سەزٸمگە تولى ەرەكشە تۋىندىلاردىڭ تۇتاس شوعىرىن سىيلادى. يۋريي پومەرانتسەۆتٸڭ ٶمٸرٸ مەن شىعارماشىلىق جولى - ٶنەرگە دەگەن ادالدىق پەن ريياسىز قىزمەتتٸڭ, پاتريوتيزمنٸڭ, پاراساتتىلىق پەن جومارتتىقتىڭ ٷلگٸسٸ. يۋريي بوريسوۆيچ حالىقتىڭ سٷيٸسپەنشٸلٸگٸ مەن قۇرمەتٸنە بٶلەنگەن تۇلعا. ول جاس ۇرپاقتىڭ دانا تەلٸمگەرٸ بولدى", - دەلٸنگەن جەدەلحاتتا.
