قاسىم-جومارت توقاەۆ XXIV قىسقى وليمپيادا ويىندارىنىڭ اشىلۋ سالتاناتىنا قاتىستى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
مەملەكەت باسشىسى بەيجٸڭدەگٸ «قۇس ۇياسى» ۇلتتىق ستاديونىندا ٶتكەن XXIV قىسقى وليمپيادا ويىندارىنىڭ اشىلۋ سالتاناتىنا قاتىستى.
سالتاناتتى اشىلۋ رەسٸمٸنە قازاقستان پرەزيدەنتٸ قاسىم-جومارت توقاەۆ جەنە قحر تٶراعاسى سي تسزينپينمەن قاتار ارگەنتينا, مىسىر, قىرعىزستان, پولشا, رەسەي, سينگاپۋر, سەربييا, تەجٸكستان, تٷرٸكمەنستان, ٶزبەكستان, ەكۆادور پرەزيدەنتتەرٸ, قاتار ەمٸرٸ, بوسنييا جەنە گەرتسەگوۆينا, گرەكييا, موڭعولييا جەنە پەكٸستان پرەمەر-مينيسترلەرٸ, كامبودجا كورولٸ, ساۋد ارابيياسىنىڭ تاق مۇراگەرٸ, ابۋ-دابيدٸڭ تاق مۇراگەرٸ, موناكونىڭ حانزاداسى, ليۋكسەمبۋرگتىڭ ۇلى گەرتسوگى, تايلاندتىڭ حانشايىمى, بۇۇ باس حاتشىسى, حالىقارالىق وليمپيادا كوميتەتٸنٸڭ پرەزيدەنتٸ, دٷنيەجٷزٸلٸك دەنساۋلىق ساقتاۋ ۇيىمىنىڭ باس ديرەكتورى, شانحاي ىنتىماقتىق ۇيىمىنىڭ باس حاتشىسى جەنە باسقا دا بٸرقاتار شەتەلدٸك رەسمي تۇلعا قاتىستى.
وليمپياداعا قاتىسۋشى مەملەكەتتەر سپورتشىلارىنىڭ سالتاناتتى شەرۋٸندە قازاقستاننىڭ مەملەكەتتٸك تۋىن شورت-ترەكشٸ ابزال ەجٸعاليەۆ پەن كونكيمەن جٷگٸرۋشٸ ەكاتەرينا ايدوۆا الىپ ٶتتٸ. قازاقستاننىڭ ۇلتتىق قۇراما كومانداسىنا قاسىم-جومارت توقاەۆ قول بۇلعاپ, قولداۋ كٶرسەتتٸ.
قىسقى وليمپيادادا 87 جولداما ۇتىپ العان ۇلتتىق قۇراما ساپىنداعى 34 سپورتشى جٷلدەگە تالاسادى. ولار شاڭعى, فريستايل, تاۋ شاڭعىسى, ترامپليننەن شاڭعىمەن سەكٸرۋ, شاڭعى قوسسايىسى, بياتلون, كونكيمەن جٷگٸرۋ جەنە شورت-ترەك سيياقتى سپورتتىڭ سەگٸز تٷرٸ بويىنشا سايىسقا تٷسەدٸ.
16 كٷنگە سوزىلاتىن وليمپيادا ويىندارىندا سپورتتىڭ 15 تٷرٸنەن 109 مەدال ساراپقا سالىنادى.
