مەملەكەت باسشىسى ۆولونتەر جىلىنىڭ رەسمي جابىلۋ رەسٸمٸنە قاتىستى, دەپ حابارلايدى "ۇلت اقپارات" اقورداعا سٸلتەمە جاساپ.
قاسىم-جومارت توقاەۆ جيىنعا قاتىسۋشىلار الدىندا سٶيلەگەن سٶزٸندە ۆولونتەر جىلىنىڭ تابىستى بولعانىن اتاپ ٶتتٸ. ونىڭ ايتۋىنشا, بۇل جىل بٸزدٸڭ ەلٸمٸزدە عانا ەمەس, بٷكٸل ەلەم تاريحىندا اسا كٷردەلٸ كەزەڭدەردٸڭ بٸرٸ بولعانىنا قاراماستان, «قايىرىمدى ٸستەر» جالپى ۇلتتىق يدەياسى ون مىڭداعان قازاقستاندىقتىڭ قايىرىمدىلىعى مەن جاناشىرلىعىنىڭ ارقاسىندا ٶمٸر شىندىعىنا اينالدى. پرەزيدەنتتٸڭ پٸكٸرٸنشە, وتانداستارىمىز ۇلت رۋحىنىڭ مىزعىماس بەرٸكتٸگٸن, بٸرلٸك پەن ىنتىماقتىڭ, تۇتاستىق پەن تٸلەكتەستٸكتٸڭ, شىنايى ىقىلاس پەن بٸر-بٸرٸنە دەگەن قامقورلىقتىڭ جارقىن ٷلگٸسٸن كٶرسەتتٸ.
– ەرٸكتٸلەر جىلى جالىندى جاستارىمىزدىڭ بويىنداعى ەڭ اسىل قاسيەتتەردٸ دەرٸپتەگەن ەرەكشە جىلعا اينالدى. بۇل جاناشىرلىققا, جاۋاپكەرشٸلٸك پەن قامقورلىققا ٷندەگەن كەزەڭ بولدى. بٸز مۇقتاج جاندارعا قول ۇشىن بەرٸپ, تٷرلٸ قيىندىقتارمەن بٸرگە كٷرەستٸك. وسىلايشا, ادامگەرشٸلٸك قۇندىلىقتاردى جوعارى باعالايتىن قوعام ەكەنٸمٸزدٸ تانىتتىق. ەلەمدٸ جايلاعان ٸندەت قايىرىم مەن مەيٸرٸمنٸڭ قانشالىقتى ماڭىزدى ەكەنٸن انىق كٶرسەتتٸ. قاۋٸپتٸ دەرت ەل-جۇرتتىڭ دەنساۋلىعىن عانا ەمەس, بەكەم بٸرلٸگٸن دە سىنعا الدى. بٸز بٸر ەل, بٸر حالىق بولىپ بۇل سىنعا تٶتەپ بەردٸك, – دەدٸ پرەزيدەنت.
جىل بويى 100 مىڭنان استام ادام ەرٸكتٸ قىزمەت كٶرسەتتٸ. ۆولونتەرلٸكتٸڭ جاڭا باعىتتارى دا تيٸمدٸ دامي باستادى. مەملەكەت باسشىسى جاناشىر ازاماتتارى كٶپ مەملەكەتتٸڭ بولاشاعى دا جارقىن بولاتىنىن اتاپ ٶتتٸ. ەرٸكتٸلەر قىزمەتٸ بارشا ازاماتتارىمىزعا ٷلگٸ بولىپ, ۇلتتىڭ جاڭا ساپاسىن قالىپتاستىرۋعا جول اشاتىنىنا سەنٸم بٸلدٸردٸ.
– «Birgemiz» جالپى ۇلتتىق باستاماسى از عانا ۋاقىتتا كٶپتەگەن مەيٸرٸمدٸ وتانداسىمىزدى جۇدىرىقتاي جۇمىلدىردى. ولار وسىنداي قيىن كەزەڭدە مۇقتاج جاندارعا قول ۇشىن سوزدى. اتالعان باستاما اياسىندا «Qamqor», «Saulyq», «Sabaqtastyq» جوبالارى جٷزەگە اسىرىلىپ, جٷز مىڭداعان تۇرعىنعا كٶمەك كٶرسەتٸلدٸ. ٶزەندەردٸ, ورمانداردى تازالاۋ, اعاش ەگۋ, قوقىستى سۇرىپتاۋ جٶنٸندەگٸ «Taza Alem» ۆولونتەرلٸك قوزعالىسىنىڭ قىزمەتٸ دە كٶپشٸلٸكتٸڭ قولداۋىنا يە بولدى. بٷگٸندە ەكوبەلسەندٸلٸك – سەن قۋۋ ەمەس, شىنايى قاجەتتٸلٸك, ٶمٸر قاعيداتى. سول ارقىلى بٸز تابيعاتىمىزدى ساقتاي الامىز, – دەدٸ قاسىم-جومارت توقاەۆ.
پرەزيدەنت مەملەكەتتٸك ورگاندار, ارحيۆ ۇيىمدارى, عىلىمي ينستيتۋتتار ەرٸكتٸلەردٸڭ رەسۋرسىن پايدالانۋى قاجەت دەپ سانايدى. ونىڭ ايتۋىنشا, ارىس پەن ماقتاارالداعى قايعىلى وقيعالاردى ەسكەرە وتىرىپ, كٷردەلٸ تەحنوگەندٸ اپاتتاردان كەيٸنگٸ قۇتقارۋ جۇمىستارىن جٷرگٸزۋ ٷشٸن ەرٸكتٸلەر دايىندايتىن ارنايى وقىتۋ كۋرستارىن اشۋ قاجەتتٸگٸ تۋىنداپ وتىر. تابيعاتتى جەنە جان-جانۋارلاردى قورعاۋ مەسەلەسٸ دە ەرەكشە نازار اۋدارۋدى قاجەت ەتەدٸ. سونداي-اق قايىرىمدىلىق قىزمەتٸنە جٷيەلٸ تٷردە قولداۋ كٶرسەتۋ مەسەلەسٸنە دە باسىمدىق بەرگەن جٶن. پرەزيدەنتتٸڭ تاپسىرماسى بويىنشا قايىرىمدىلىق سالاسىنداعى كەمشٸلٸكتەردٸ جويۋعا مٷمكٸندٸك بەرەتٸن قايىرىمدىلىق تۋرالى زاڭ جوباسى ەزٸرلەنۋدە.
– ەلەۋمەتتٸك باعىتتاعى قىزمەتتٸ ىنتالاندىرۋ جەنە ونى قولداۋدىڭ بارشاعا تٷسٸنٸكتٸ ەرٸ تيٸمدٸ قۇقىقتىق تەتٸكتەرٸ قاجەت. بۇل ٷشٸن ٷكٸمەت اتقارىلاتىن مٸندەتتەردٸ پىسىقتاۋى تيٸس. قايىرىمدىلىق ۇيىمدارىن العاشقى اشىلعان جىلدارى جەنە ودان كەيٸنگٸ ۋاقىتتا دامىتۋ ٷشٸن ولاردىڭ جەڭٸلدەتٸلگەن نەسيە الۋىنا, مەملەكەت مەنشٸگٸندەگٸ نىسانداردى جەڭٸلدٸكپەن پايدالانۋىنا مٷمكٸندٸكتەر جاساۋ كەرەك. بيزنەس پەن جەكە تۇلعالاردىڭ قايىرىمدىلىق جەنە ۆولونتەرلٸك جوبالارعا قاتىسۋىن جاناما ىنتالاندىرۋ ٷشٸن ونىڭ تيٸمدٸ تەتٸكتەرٸن, سونىڭ ٸشٸندە, مەملەكەتتٸك قولداۋ كٶرسەتۋ شارالارى كەزٸندە ولارعا قۇقىقتىق باسىمدىق بەرۋ ماڭىزدى. قايىرىمدىلىق جەنە ۆولونتەرلٸك ۇيىمدارعا مەملەكەت تاراپىنان دا, بيزنەس تاراپىنان دا كٶرسەتٸلەتٸن قارجىلاي جەنە باسقا دا كٶمەكتەردٸڭ اياسىن كەڭەيتۋ كەرەك. ٷكٸمەتكە تيٸستٸ ۇسىنىستار ەزٸرلەۋدٸ تاپسىرامىن, – دەدٸ مەملەكەت باسشىسى.
قاسىم-جومارت توقاەۆ قايىرىمدىلىق قىزمەتٸنٸڭ اشىقتىعىن قامتاماسىز ەتۋ ماقساتىندا قايىرىمدىلىق ۇيىمدارىنىڭ رەەسترٸن ەنگٸزۋ مەسەلەسٸن ويلاستىرۋدى تاپسىردى. بۇل تٸزبە وسى سالاداعى بارلىق اقپاراتتىق جٷيەگە ەنگٸزٸلٸپ, قايىرىمدىلىق ۇيىمدارىنىڭ قىزمەتٸمەن, ولاردىڭ قارجىلىق ەسەبٸمەن تانىسقىسى كەلەتٸن كەز كەلگەن ازاماتقا قولجەتٸمدٸ بولۋى تيٸس. ەلەكتروندى قايىرىمدىلىق سالاسىندا ازاماتتاردى الاياقتاردان قورعاۋ جٷيەسٸن ەزٸرلەۋ دە ماڭىزدى.
– بٷگٸندە بۇل – قارجىلاي كٶمەك اۋدارۋدىڭ تانىمال تٷرٸ. قازاقستاننىڭ ەربٸر ٷشٸنشٸ ازاماتى ونلاين ساداقا بەرۋدٸ جٶن كٶرەدٸ. الاياقتىققا جول بەرمەي, ازاماتتاردىڭ سەنٸمٸنە كٶلەڭكە تٷسٸرمەۋ ٷشٸن ونلاين-بانكينگتەر ارقىلى ساداقا بەرۋ قىزمەتٸن جەدەل پايدالانۋ تەتٸگٸن ەنگٸزۋ قاجەت. بۇل قاراجاتتىڭ تٷسۋٸن جەنە جۇمسالۋىن باقىلاۋعا مٷمكٸندٸك بەرەدٸ, – دەدٸ پرەزيدەنت.
مەملەكەت باسشىسى ۆولونتەرلٸك ۇيىمداردى قولداۋ جەنە ولارعا ارنايى گرانتتار بٶلۋ جۇمىسىن جالعاستىرۋ قاجەتتٸگٸن اتاپ ٶتتٸ. قايىرىمدىلىق ٸستەردٸ جالعاستىرۋ ٷشٸن ەرٸكتٸلٸكتٸ دامىتۋدىڭ جول كارتاسىن جەنە ولاردى دايارلاۋعا ارنالعان باعدارلاما ەزٸرلەۋ كەرەك. ٷكٸمەتكە ۆولونتەرلٸك قىزمەتتٸ قولداۋدىڭ بٸرىڭعاي ستاندارتىن جاساۋ تاپسىرىلدى.
– ۆولونتەرلٸك – بۇل جاي عانا ەلەۋمەتتٸك قۇبىلىس ەمەس. تٸپتٸ, بٸر كٷندە قالىپتاساتىن ەدەت نەمەسە داعدى دەۋگە دە بولمايدى. بۇل – كٶپتەگەن ادامداردىڭ سانالى تٷردە تاڭداعان ٶمٸر سالتى. قايىرىمدىلىق – ادامنىڭ بالا كەزٸنەن بويعا سٸڭەتٸن قاسيەت. سوندىقتان, ٶسكەلەڭ ۇرپاقتى جاستايىنان جاقسىلىق جاساۋعا تەربيەلەۋ – ٶتە ماڭىزدى مٸندەت. وسى رەتتە, بارلىق بٸلٸم بەرۋ مەكەمەلەرٸندە تاقىرىپتىق ساباقتار مەن فاكۋلتاتيۆتٸك ساعاتتار ەنگٸزۋدٸ ۇسىنامىن. قوعامعا قىزمەت ەتۋدٸ زەردەسٸنە تٷيگەن ۇل-قىزدارىمىز ناعىز ازامات بولارى انىق. دانا اباي ايتقان «ىستىق قايرات, نۇرلى اقىل, جىلى جٷرەك» دەل قازٸرگٸ كەزەڭدە اۋاداي قاجەت. بۇل اسىل قاسيەتتەر ۆولونتەر قاتارىنا قوسىلامىن دەگەن ەربٸر جاستىڭ بويىنان تابىلادى, – دەدٸ قاسىم-جومارت توقاەۆ.
مەملەكەت باسشىسىنىڭ سٶزٸندە ۆولونتەرلٸك جەنە قايىرىمدىلىق قىزمەتتەردٸڭ, سونداي-اق, كورپوراتيۆتٸك ۆولونتەرلٸكتٸ دامىتۋ اياسىندا ەلەۋمەتتٸك سەرٸكتەستٸكتٸڭ ەلەۋەتٸن ارتتىرۋعا باسا مەن بەرٸلدٸ.
قازاقستان ەلەمنٸڭ ەرتٷرلٸ ەلدەرٸندەگٸ مۇقتاج جاندارعا كٶمەك قولىن سوزۋ ارقىلى بٸرٸككەن ۇلتتار ۇيىمىنىڭ ەرٸكتٸلەر باعدارلاماسىن جٷزەگە اسىرۋعا بەلسەندٸ اتسالىسقان ەلدەردٸڭ بٸرٸ بولدى. قاسىم-جومارت توقاەۆ بۇۇ باس اسسامبلەياسىنىڭ 75-سەسسيياسىندا ۆولونتەرلەردٸ جۇمىلدىرۋدىڭ حالىقارالىق جىلىن جارييالاۋ جٶنٸندە ۇسىنىس ايتتى. بۇل باستاما قازاقستاننىڭ ۆولونتەرلٸك دەستٷر مەن مەدەنيەتتٸ ەلٸمٸزدە عانا ەمەس, سونداي-اق, بٷكٸل ەلەمدە دامىتۋعا نيەتتٸ ەكەنٸن بٸلدٸرەدٸ.
– ەندٸ ساناۋلى كٷننەن سوڭ بٸز تەۋەلسٸزدٸكتٸڭ 30 جىلدىعىنا قادام باسامىز. بۇل – ەل دامۋىنداعى اسا ماڭىزدى بەلەس, تاريحي مەجە. سونداي-اق جەتٸستٸگٸمٸزدٸ سارالاپ, بولاشاعىمىزدى باعامدايتىن كەزەڭ. كەلەر جىلعى مەرەيتويلىق ٸس-شارالاردىڭ مازمۇنىنا ەرەكشە مەن بەرەمٸز. ونىڭ ەرقايسىسى تەرەڭ ماعىنالى جەنە قوعام ٷشٸن پايدالى بولۋعا تيٸس. سونىمەن قاتار ٶسكەلەڭ ۇرپاققا تەلٸم-تەربيە بەرۋٸ شارت. وسىعان وراي جالپىۇلتتىق دەڭگەيدە «قايىرىمدى ٸستەر» مارافونىن ۇيىمداستىرۋدى ۇسىنامىن. بۇل – بەرەكە-بٸرلٸگٸمٸزدٸ ارتتىراتىن ماڭىزدى باستاما. قازٸرگٸدەي كٷردەلٸ كەزەڭدە جاقسى ٸستەر جاساۋعا مەن بەرگەنٸمٸز ەلدٸگٸمٸزدٸ نىعايتا تٷسەتٸنٸ انىق. بۇل ٷشٸن ۇلت بولىپ ۇيىسۋدىڭ ماڭىزى زور, – دەدٸ مەملەكەت باسشىسى.
قازاقستان پرەزيدەنتٸ پاندەمييانىڭ قيىن-قىستاۋ كەزٸندە بەيتاراپ قالماي, حالىققا كٶمەكتەسٸپ جٷرگەن, سونداي-اق, ۆولونتەرلەردٸڭ بٸرقاتار ۇسىنىسى مەن باستاماسىنا قولداۋ كٶرسەتكەن ازاماتتارعا العىس بٸلدٸردٸ.
ٸس-شارا بارىسىندا «ۇلتتىق ۆولونتەرلٸك جەلٸ» زاڭدى تۇلعالار بٸرلەستٸگٸنٸڭ تٶرايىمى ۆەرا كيم, ارىس قالاسىنىڭ ەرٸكتٸسٸ ولجاس مامىر, بۇۇ ەرٸكتٸلەر باعدارلاماسىنىڭ ٷيلەستٸرۋشٸسٸ مٸندەتٸن اتقارۋشى تويلي كۋربانوۆ, تەمٸرتاۋ قالاسى ارداگەرلەر كەڭەسٸنٸڭ تٶراعاسى بەرلٸكباي ورداباەۆ, «قوعامدىق باقىلاۋ» توبىنىڭ رەسپۋبليكا بويىنشا ٷيلەستٸرۋشٸسٸ سايدا تەۋەكەلەۆا, رەسەي ۆولونتەرلٸك باستامالار اسسوتسياتسيياسى ورتالىعىنىڭ تٶراعاسى ارتەم مەتەلەۆ, «سانالى ۇرپاق» جوبالىق كەڭسەسٸنٸڭ وفيتسەرٸ بوگدان پەتروۆ, «INUCOBO» جان-جانۋارلاردى قورعاۋ ۇيىمىنىڭ پرەزيدەنتٸ ليلييا سەرسەنوۆا, بۇۇ ەرٸكتٸلەرٸنٸڭ حالىقارالىق ۆولونتەرٸ اينۇر قانافينا, «شاگ ناۆسترەچۋ» شتابىنىڭ ەرٸكتٸسٸ ماكسيم پانچەنكو, «اۆك» اتىراۋلىق ەرٸكتٸلەر كورپۋسىنىڭ باسشىسى بەكاسىل ساميعوللا, «جاس ۇلان» بٸرىڭعاي بالالار مەن جاسٶسپٸرٸمدەر ۇيىمىنىڭ تٶرايىمى دينارا سەدۋاقاسوۆا سٶز سٶيلەدٸ.
