فوتو: Akorda.kz
قاسىم-جومارت توقاەۆ ۆاتيكاندا ريم پاپاسى فرانتسيسكپەن كەزدەستٸ, - دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
مەملەكەت باسشىسى ريم پاپاسىنىڭ شاقىرۋىمەن قاسيەتتٸ تاققا العاشقى رەسمي ساپارىن جاسادى.
قازاقستان پرەزيدەنتٸ سٶزٸنٸڭ باسىندا ەلەمدەگٸ ادامزاتتىڭ يگٸلٸگٸ جولىنداعى قاجىماس قايراتى مەن قاجىرلى كٷش-جٸگەرٸ ٷشٸن كاتوليك شٸركەۋٸنٸڭ جوعارعى پونتيفيكٸنە ريزاشىلىعىن بٸلدٸردٸ.
– سٸزدٸڭ دٷنيەجٷزٸ حالقىنا بەيبٸتشٸلٸك تٸلەگەن دۇعالارىڭىز مىڭداعان كاتوليكتٸڭ عانا ەمەس, باسقا دٸندەردٸ ۇستاناتىن كٶپتەگەن وتانداستارىمىزدىڭ جٷرەگٸنەن ورىن الىپ, سانالارىنا سەنٸم مەن ٷمٸت ۇيالاتتى. بٷگٸندە ٶركەنيەتتەر توعىسىندا ورنالاسقان كٶپۇلتتى جەنە كٶپكونفەسسييالى قازاقستان ورتالىق ازيياداعى ەڭ ٸرٸ كاتوليك قاۋىمىنىڭ ٶز ٷيٸنە اينالدى, – دەدٸ پرەزيدەنت.
مەملەكەت باسشىسىنىڭ ايتۋىنشا, بارلىق دٸندەردٸڭ ٶكٸلدەرٸ ەدٸلەتتٸ قازاقستاندى قۇرۋعا ەلەۋلٸ ٷلەس قوسۋدا.
– بٸز «بٸرلٸگٸمٸز ەرالۋاندىقتا» قاعيداتىنا نەگٸزدەلگەن بەيبٸتشٸلٸك پەن ۇلتتىق ديالوگتىڭ ٶزٸمٸزگە تەن مودەلٸن قالىپتاستىرا الدىق. ەلٸمٸزدە تٷرلٸ دٸننٸڭ ٶكٸلدەرٸ ٶزدەرٸنٸڭ عيباداتحانالارىندا قۇلشىلىق ەتە الادى. دٸني سەنٸم بوستاندىعى قۇقىعىن قورعاۋ – مەنٸڭ ساياسي باعدارىمنىڭ اجىراماس بٶلٸگٸ, – دەدٸ قاسىم-جومارت توقاەۆ.
قازاقستان پرەزيدەنتٸ ريم پاپاسى فرانتسيسكتٸڭ «قالاعا جەنە ەلەمگە» اتتى دەستٷرلٸ جولداۋىن ەسكە سالا وتىرىپ, ونىڭ «بەيبٸتشٸلٸك – ەڭ الدىمەن قۇدايدىڭ سىيى. بٸراق بۇل – بەرٸمٸزگە جٷكتەلگەن ٷلكەن جاۋاپكەرشٸلٸك» دەگەن سٶزدەرٸن تولىق قولدايتىنىن جەتكٸزدٸ.
– سٸزدٸڭ ۇستانىمىڭىزدى تولىعىمەن قۇپتاي وتىرىپ, بٸز كٶپتەگەن ايىرماشىلىقتارىمىزعا قاراماستان, بەيبٸتشٸلٸك يدەيالارىن, مەدەنيەتتەر مەن دٸندەر اراسىنداعى تۇراقتى ديالوگتى, ەرتٷرلٸ دٸندٸ ۇستاناتىن ادامداردىڭ يگٸلٸگٸ جولىنداعى دامۋدى ٸلگەرٸلەتۋ ٷشٸن بارشامىزعا بٸرلٸك كەرەك ەكەنٸنە سەنٸمدٸمٸن. ٸزگٸ نيەت بٸلدٸرۋگە ۋاقىت جەتكٸلٸكتٸ, كەلٸسسٶزدەر جٷرگٸزۋگە كەڭٸستٸك تە بار, دانالىق تانىتۋعا ەلٸ دە مٷمكٸندٸك مول, – دەدٸ مەملەكەت باسشىسى.
قاسىم-جومارت توقاەۆ ەكٸجاقتى قاتىناستار اياسىندا قازاقستان شىنايى دوستىققا, كەلٸسٸم مەن ٶزارا قۇرمەتكە نەگٸزدەلگەن قاسيەتتٸ تاقپەن اراداعى بۇرىننان كەلە جاتقان سەرٸكتەستٸك بايلانىستاردى جوعارى باعالايتىنىن اتاپ ٶتتٸ. سونداي-اق بەلسەندٸ ساياسي ديالوگ جٷرگٸزٸلٸپ وتىرعانىن, قۇقىقتىق بازانى رەتكە كەلتٸرۋ, كەڭەيتۋ ٷشٸن دەيەكتٸ جۇمىستار اتقارىلىپ جاتقانىن جەتكٸزدٸ.
قازاقستان پرەزيدەنتٸ ەلەمدەگٸ تەكەتٸرەستەر مەن الاۋىزدىق وشاقتارىن توقتاتۋعا باعىتتالعان بەلسەندٸ كٷش-جٸگەرٸ ٷشٸن ريم پاپاسى فرانتسيسككە ريزاشىلىعىن بٸلدٸردٸ.
– شىن مەنٸندە, قازٸرگٸ گەوساياسي تۇراقسىزدىق بٷكٸل جاھاندىق قاۋٸپسٸزدٸك ارحيتەكتۋراسىنا نۇقسان كەلتٸرۋدە, سونداي-اق حالىقتاردى ٷلكەن قايعى-قاسٸرەتكە ۇشىراتىپ, ەكونوميكالىق قيىندىقتار تۋدىرىپ وتىر. قازاقستان ٸزگٸلٸكتٸ جاقتايتىن مەملەكەت رەتٸندە جاھاندىق بەيبٸتشٸلٸك پەن قاۋٸپسٸزدٸكتٸ قولداۋعا ٸس جٷزٸندە ەلەۋلٸ ٷلەس قوسۋدا. بٸز ەلەمنٸڭ تٷرلٸ قاقتىعىس وشاقتارىنداعى بۇۇ-نىڭ بٸتٸمگەرشٸلٸك ميسسييالارىنا اتسالىسامىز, – دەدٸ قاسىم-جومارت توقاەۆ.
ٶز كەزەگٸندە پونتيفيك بەيبٸتشٸلٸك پەن كەلٸسٸمدٸ قامتاماسىز ەتۋ ٸسٸندەگٸ كٷش-جٸگەرٸ ٷشٸن قازاقستان پرەزيدەنتٸنە العىس ايتتى.
كەزدەسۋ سوڭىندا مەملەكەت باسشىسى مازمۇندى كەزدەسۋ ٷشٸن ريم پاپاسىنا العىس ايتىپ, قازاقستان الداعى ۋاقىتتا تولەرانتتىلىق, ٷيلەسٸمدٸلٸك, باۋىرلاستىق يدەيالارىن دەرٸپتەۋ ٸسٸندە قاسيەتتٸ تاقپەن ىنتىماقتاستىق جاساۋعا نيەتتٸ ەكەنٸن راستادى.
