قاسىم-جومارت توقاەۆ «بۇۇ – ەيەلدەر» قۇرىلىمىنىڭ فرانتسييا جەنە مەكسيكا ٷكٸمەتتەرٸمەن بٸرلەسٸپ ۇيىمداستىرعان «ۇرپاق تەڭدٸگٸ» اتتى جاھاندىق فورۋم قاتىسۋشىلارىنا بەينە ٷندەۋ جاسادى.
بۇل تۋرالى اقوردانىڭ رەسمي سايتى حابارلادى.
ۆيرتۋالدى فورماتتا ٶتكەن جيىن گەندەرلٸك تەڭدٸك سالاسىنداعى جاھاندىق كٷش-جٸگەردٸ ٷيلەستٸرۋگە ارنالعان. فورۋمنىڭ نەگٸزگٸ ماقساتى – وسى پروتسەسكە تارتىلعان بارلىق قاتىسۋشىنىڭ ناقتى مٸندەتتەمەلەرٸنە نەگٸزدەلگەن كٶپجاقتى مەحانيزم قالىپتاستىرۋ.
مەملەكەت باسشىسى ٶز سٶزٸندە قازاقستان تەۋەلسٸزدٸك العاننان باستاپ 30 جىل بويى ەيەلدەردٸ قولداۋعا باعىتتالعان ساليقالى ساياساتتى دەيەكتٸ تٷردە جٷرگٸزٸپ كەلە جاتقانىن اتاپ ٶتتٸ.
– 2030 جىلعا دەيٸنگٸ وتباسى جەنە گەندەرلٸك ساياسات تۇجىرىمداماسىن باستى نەگٸزگە العان بەرٸك قۇقىقتىق بازا قالىپتاستىردىق. ٶتكەن ايدا ادام قۇقىعىنا قاتىستى الداعى ۋاقىتتا اتقارىلاتىن شارالار تۋرالى جارلىققا قول قويدىم. ونىڭ نەگٸزگٸ باعىتتارىنىڭ بٸرٸ – گەندەرلٸك تەڭدٸكتٸ قامتاماسىز ەتۋ. گەندەرلٸك مەسەلەنٸ شەشۋ – ٶڭٸرلٸك ٶلشەم بويىنشا ەلٸمٸزدٸڭ سىرتقى ساياساتتاعى باسىمدىقتارىنىڭ بٸرٸ, – دەدٸ قاسىم-جومارت توقاەۆ.
سونىمەن قاتار پرەزيدەنت قازاقستاننىڭ «گەندەرلٸك زورلىق-زومبىلىققا قارسى ٸس-قيمىل كواليتسيياسى» جەنە «ەكونوميكالىق ەدٸلدٸك پەن قۇقىق جٶنٸندەگٸ ٸس-قيمىل كواليتسيياسى» سيياقتى ەكٸ سەرٸكتەس بٸرلەستٸككە قوسىلاتىنىن مەلٸمدەدٸ. بۇل مەملەكەتتٸڭ بٸرقاتار مٸندەتتەمە قابىلداعانىن بٸلدٸرەدٸ.
اتاپ ايتقاندا ەيەلدەر مەن قىزدارعا قاتىستى زورلىق-زومبىلىقتىڭ تارالۋى تۋرالى جالپىۇلتتىق زەرتتەۋ جۇمىسىن قولعا الۋ جٶنٸندە شەشٸمٸن ايتتى.
مەملەكەت باسشىسى گەندەرلٸك تەڭدٸك جەنە زورلىق-زومبىلىقتىڭ الدىن الۋ بويىنشا وزىق تەجٸريبەمەن بٶلٸسۋ ٷشٸن ورتالىق ازييادا ٶڭٸرلٸك بٸلٸم پلاتفورماسىن قۇرۋ تۋرالى باستاما كٶتەردٸ.
قاسىم-جومارت توقاەۆ بۇۇ مەن ەۋروپالىق وداقتىڭ ورتالىق ازييا مەن اۋعانستانعا ارنالعان «جارىق سەۋلەسٸ» ٶڭٸرلٸك باستاماسىنا ينۆەستيتسييا سالۋعا دايىن ەكەنٸن اتاپ ٶتتٸ.
بۇدان بٶلەك پرەزيدەنت ەيەل كەسٸپكەرلەردٸ قولداۋ ٷشٸن ەلٸمٸزدٸڭ بارلىق ٶڭٸرٸندە رەسۋرستىق ورتالىقتار قۇرۋ جوسپارى تۋرالى مەلٸمەت بەردٸ.
مەملەكەت باسشىسى زاڭنامالىق دەڭگەيدە قابىلدانىپ جاتقان شارالار تۋرالى ايتا كەلٸپ, ەيەلدەر ٷشٸن تىيىم سالىنعان ماماندىقتار تٸزٸمٸن قايتا قاراۋعا, سونداي-اق, ەيەلدەر مەن بالالاردى ەلەۋمەتتٸك جەنە قۇقىقتىق تۇرعىدان قولداۋدى كٷشەيتۋگە نيەتتٸ ەكەنٸن جەتكٸزدٸ.
قاسىم-جومارت توقاەۆ سٶزٸنٸڭ سوڭىندا ەيەلدەردٸڭ تەڭدٸگٸ مەن قاۋٸپسٸزدٸگٸن قورعاۋعا, ولاردىڭ قۇقىقتارى مەن مٷمكٸندٸكتەرٸن كەڭەيتۋگە باعىتتالعان يگٸ ٸستٸ ەلٸمٸزدٸڭ تولىق قولدايتىنىن ناقتىلادى.
