فوتو: Akorda.kz
پرەزيدەنت استاناعا رەسمي ساپارمەن كەلگەن ۇلىبريتانييانىڭ سىرتقى ٸستەر مينيسترٸ دجەيمس كلەۆەرليدٸ قابىلدادى, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
كەزدەسۋ بارىسىندا ساياسي, ساۋدا-ەكونوميكالىق, ينۆەستيتسييالىق جەنە گۋمانيتارلىق سالالارداعى ەكٸجاقتى ىنتىماقتاستىقتى ودان ەرٸ نىعايتۋ پەرسپەكتيۆالارى تالقىلاندى.
مەملەكەت باسشىسى ۇلىبريتانييا مينيسترٸنە ٸلتيپات بٸلدٸرە وتىرىپ, ەكٸ ەل اراسىنداعى ىنتىماقتاستىقتى ودان ەرٸ نىعايتۋ ٷشٸن ونىڭ بٷگٸنگٸ ساپارىنىڭ مەنٸ زور جەنە ٶڭٸرلٸك اۋقىمداعى ماڭىزدى وقيعا ەكەنٸنە نازار اۋداردى.
– سٸزدٸڭ ساپارىڭىز قازاقستان مەن ۇلىبريتانييا اراسىنداعى ٶزارا ىنتىماقتاستىقتى ودان ەرٸ نىعايتۋعا تىڭ سەرپٸن بەرەدٸ. مەن سٸزدٸڭ جاقىندا سىرتقى ٸستەر مينيسترلٸگٸندە سٶيلەگەن سٶزٸڭٸزدٸ تىڭدادىم. وندا ۇلىبريتانييانىڭ سىرتقى ساياساتتاعى ۇزاق مەرزٸمدٸ ۇستانىمى قامتىلدى جەنە شىن مەنٸندە, ٶتە ماڭىزدى مەسەلەلەر ايتىلدى, – دەدٸ مەملەكەت باسشىسى.
قاسىم-جومارت توقاەۆ ەكٸجاقتى قاتىناستاردىڭ قارقىندى دامىپ كەلە جاتقانىن اتاپ ٶتتٸ.
– بٸزدٸڭ ىنتىماقتاستىعىمىز, ەسٸرەسە, ەكونوميكا جەنە ساياسي سالالاردا ٶتە تابىستى دەپ باعا بەرگٸم كەلەدٸ. ٶزارا بايلانىستارىمىزدىڭ وڭ باعىتىن ودان ەرٸ ٸلگەرٸلەتۋ ٷشٸن قوسىمشا كٷش-جٸگەر جۇمساۋىمىز كەرەك, – دەدٸ پرەزيدەنت.
ەڭگٸمەلەسۋ بارىسىندا پرەزيدەنت قاسىم-جومارت توقاەۆ پرەمەر-مينيستر ريشي سۋناققا سەلەمٸ مەن ٸزگٸ تٸلەگٸن جولدادى. سونداي-اق ۇلىبريتانييا ٷكٸمەتٸنٸڭ باسشىسىن ەلٸمٸزگە ٶزٸنە ىڭعايلى كەز كەلگەن ۋاقىتتا ساپارمەن كەلۋگە شاقىردى. بۇل ساپار ەكٸجاقتى قاتىناستاردى نىعايتۋعا باعىتتالعان بٸرقاتار ناقتى مەسەلەنٸ تالقىلاۋعا جاقسى مٷمكٸندٸك بەرەتٸنٸن اتاپ ٶتتٸ.
ٶز كەزەگٸندە دجەيمس كلەۆەرلي استانا مەن لوندون اراسىنداعى قارىم-قاتىناستاردىڭ قارقىندى دامىپ كەلە جاتقانىن جەتكٸزدٸ. ونىڭ ايتۋىنشا, ۇلىبريتانييا قازاقستاندا جٷرگٸزٸلٸپ جاتقان ساياسي رەفورمالاردى وڭ باعالايدى.
– سٸزدٸڭ ەلٸڭٸز – ايماقتاعى نەگٸزگٸ ساۋدا سەرٸكتەسٸمٸز. ەكونوميكالىق ٶسٸمگە باعىتتالعان جوسپاردى جٷزەگە اسىرۋ ماقساتىندا بٸرلەسٸپ جۇمىس ٸستەۋ ٷشٸن جاقسى مٷمكٸندٸك بار ەكەنٸن كٶرٸپ وتىرمىز. قازاقستاندا جٷزەگە اسىرىلىپ جاتقان سالىق سالاسىنداعى رەفورمالار باعدارلاماسى ٶزارا تيٸمدٸ ەكونوميكالىق قاتىناستاردى نىعايتۋعا ىقپال ەتەدٸ دەپ ويلايمىن, – دەدٸ ۇلىبريتانييا مينيسترٸ.
سونىمەن قاتار كەزدەسۋ بارىسىندا قاسىم-جومارت توقاەۆ پەن دجەيمس كلەۆەرلي ٶڭٸرلٸك جەنە حالىقارالىق كٷن تەرتٸبٸندەگٸ ٶزەكتٸ مەسەلەلەر جٶنٸندە پٸكٸر الماستى.
