فوتو: Akorda.kz
پرەزيدەنت قاسىم-جومارت توقاەۆ ۇلتتىق قاۋٸپسٸزدٸك كوميتەتٸنٸڭ تٶراعاسى ەرمەك ساعىمباەۆتى قابىلدادى, - دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
كەزدەسۋ بارىسىندا مەملەكەت باسشىسى تاپسىرمالارىنىڭ ورىندالۋ بارىسى, ۆەدومستۆونىڭ جىل باسىنان بەرٸ اتقارعان قىزمەتٸنٸڭ نەگٸزگٸ قورىتىندىسى مەن الداعى كەزەڭگە ارنالعان جوسپارى تۋرالى مەلٸمەت بەرٸلدٸ.
قاسىم-جومارت توقاەۆقا ۇلتتىق قاۋٸپسٸزدٸك كوميتەتٸنٸڭ بٶلٸمشەلەرٸ بٸرقاتار لاڭكەستٸك قىلمىستىڭ, سونىڭ ٸشٸندە قولدان جاسالعان جارىلعىش قۇرىلعىنى قولدانۋ ارقىلى حالىق كٶپ جينالاتىن ورىنداردىڭ بٸرٸندە جاسالماق بولعان تەرروريستٸك اكتٸگە توسقاۋىل قويىلعانى جٶنٸندە باياندالدى. بەرٸلگەن مەلٸمەت بويىنشا 19 ادام قاماۋعا الىندى. ەرمەك ساعىمباەۆ تەرروريزمگە قارسى ورتالىق شتابىنىڭ جۇمىسىن ٷيلەستٸرۋ كەزٸندە تەررورلىق قاتەرلەرگە قارسى ٸس-ەرەكەت شارالارىن جەتٸلدٸرۋ ٷشٸن جاتتىعۋ جيىندارى مەن دايىندىقتار ٶتكٸزٸلگەنٸن حابارلادى.
سونىمەن قاتار, شەت مەملەكەتتەردٸڭ ارناۋلى قىزمەتتەرٸنٸڭ بارلاۋ ەرەكەتتەرٸنە قارسى ٸس-قيمىل وپەراتسييالارى جٷزەگە اسىرىلدى. انىقتالعان بٸرقاتار دەرەك بويىنشا سوتالدى تەرگەۋ امالدارى جٷرگٸزٸلٸپ جاتىر.
بۇدان بٶلەك, مەملەكەت باسشىسىنا قۇقىق قورعاۋ ورگاندارىمەن بٸرلەسە جٷرگٸزگەن كريمينوگەن جاعدايدى ساۋىقتىرۋ جۇمىستارىنىڭ نەتيجەسٸ تۋرالى باياندالدى. بيىلعى تٶرت ايدا ۇقك 8 قاۋٸپتٸ ۇيىمداسقان قىلمىستىق توپتى قۇرىقتادى. قارۋ-جاراق پەن وق-دەرٸ جاساۋعا قاتىستى 7 جاسىرىن تسەح جويىلدى. زاڭسىز اينالىمنان 268 قارۋ, 21 گراناتا جەنە 30 مىڭنان استام وق-دەرٸ تەركٸلەندٸ. 16 ەسٸرتكٸ لابوراتوريياسىنىڭ, 11 حالىقارالىق جەنە 17 ٶڭٸرلٸك ەسٸرتكٸ كانالىنىڭ جۇمىسى توقتاتىلدى.
مەملەكەتتٸك شەكارانى كٷزەتۋ سالاسىندا 6 987 زاڭبۇزۋشى ۇستالدى. شامامەن 2,8 ميلليارد تەڭگە كٶلەمٸندە ۆاليۋتا, التىن جەنە باسقا دا تاۋارلاردىڭ زاڭسىز تاسىمالدانۋىنا جول بەرٸلمەدٸ. قارۋ مەن وق-دەرٸلەردٸ تاسىمالداۋعا قاتىستى 85 ەرەكەتتٸڭ جولى كەسٸلدٸ. زاڭسىز كٶشٸ-قون بويىنشا 4 ارناعا توسقاۋىل قويىلىپ, ولاردىڭ 6 ۇيىمداستىرۋشىسى ۇستالدى.
ۇلتتىق قاۋٸپسٸزدٸك كوميتەتٸنٸڭ تەحنيكالىق بٶلٸمشەلەرٸ 37,9 ميلليوننان اسا كيبەرشابۋىلدى جەنە ەلدٸڭ ماڭىزدى ينفراقۇرىلىم نىساندارىنا باعىتتالعان 1948 DDoS-شابۋىلعا تويتارىس بەردٸ.
كەزدەسۋ قورىتىندىسى بويىنشا پرەزيدەنت ۇلتتىق قاۋٸپسٸزدٸك ورگاندارى قىزمەتٸنٸڭ باعىتتارى بويىنشا بٸرقاتار ناقتى تاپسىرما بەردٸ.
