قازاقستان پرەزيدەنتٸ ۇقشۇ-نىڭ مەسكەۋدە ٶتكەن مەرەيتويلىق سامميتٸنە قاتىستى, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
قاسىم-جومارت توقاەۆ ۇجىمدىق قاۋٸپسٸزدٸك تۋرالى شارتقا قول قويىلعانىنا 30 جىل جەنە ۇيىمنىڭ قۇرىلعانىنا 20 جىل تولۋىنا وراي ٶتكەن ۇقشۇ-عا مٷشە مەملەكەتتەردٸڭ ۇجىمدىق قاۋٸپسٸزدٸك كەڭەسٸنٸڭ مەرەيتويلىق سەسسيياسىنا قاتىستى.
مەرەيتويلىق جيىنعا قازاقستان كٶشباسشىسىنان باسقا ارمەنييانىڭ پرەمەر-مينيسترٸ نيكول پاشينيان, بەلارۋس پرەزيدەنتٸ الەكساندر لۋكاشەنكو, قىرعىزستان پرەزيدەنتٸ سادىر جاپاروۆ, تەجٸكستان پرەزيدەنتٸ ەمومالي راحمون, رەسەي پرەزيدەنتٸ ۆلاديمير پۋتين, سونداي-اق ۇقشۇ-نىڭ باس حاتشىسى ستانيسلاۆ زاس قاتىستى.
مەملەكەت باسشىسى كەزدەسۋگە قاتىسقاندارعا ٸلتيپات بٸلدٸرٸپ, مەرەيتويلىق سەسسييانى ۇيىمداستىرعانى ٷشٸن ۆلاديمير پۋتينگە ريزاشىلىعىن ايتتى.
قازاقستان پرەزيدەنتٸ ۇقشۇ-نىڭ 30 جىل ٸشٸندە ودان ەرٸ دامۋ ٷشٸن زور ەلەۋەتٸ بار كٶپجاقتى ىنتىماقتاستىقتىڭ ناقتى مەحانيزمٸ رەتٸندە قالىپتاسقانىن اتاپ ٶتتٸ.
قاسىم-جومارت توقاەۆ بەيبٸتشٸلٸك پەن تۇراقتىلىقتى, حالىقارالىق جەنە ايماقتىق قاۋٸپسٸزدٸكتٸ ساقتاۋ, مٷشە مەملەكەتتەردٸڭ اۋماقتىق تۇتاستىعى مەن ەگەمەندٸگٸن قورعاۋ ۇقشۇ-نىڭ باستى مٸندەتٸ ەكەنٸن ايتتى. پرەزيدەنت ۇقشۇ-نىڭ تۇراقتى جۇمىس ورگاندارىنىڭ تابىستى قىزمەتٸنە, ەرتٷرلٸ فورماتتاعى تىعىز ىنتىماقتاستىقتى, سونداي-اق ۇيىمنىڭ كٷشتٸك, قۇقىق قورعاۋ جەنە بٸتٸمگەرشٸلٸك ەلەۋەتٸن كٷشەيتۋ مەسەلەسٸنە توقتالدى.
مەملەكەت باسشىسى سٶيلەگەن سٶزٸندە حالىقارالىق تەرروريزم مەن ەكسترەميزمگە, زاڭسىز ەسٸرتكٸ جەنە قارۋ-جاراق اينالىمىنا, كٶشٸ-قونعا, سونىڭ ٸشٸندە اۋعانستانداعى احۋالدىڭ ٶرشۋٸنە قارسى ٸس-قيمىل مەسەلەلەرٸنە ەرەكشە نازار اۋداردى.
– اۋعانستانداعى جاعداي, سونداي-اق وسى ەلدٸڭ اۋماعىنداعى قارۋلى توپتاردىڭ بەلسەندٸ ەرەكەتٸ مەملەكەتتەرٸمٸزدٸڭ قاۋٸپسٸزدٸگٸ مەن تۇراقتىلىعىنا قاتەر تٶندٸرٸپ وتىر. ۇقشۇ بارلىق ىقتيمال قاۋٸپ-قاتەرلەردٸ ەسكەرٸپ, ورتالىق ازييانىڭ وڭتٷستٸك شەكارالارىنىڭ قاۋٸپسٸزدٸگٸن قامتاماسىز ەتۋگە كٶبٸرەك كٶڭٸل بٶلۋٸ كەرەك دەپ ەسەپتەيمٸن, – دەدٸ قازاقستان پرەزيدەنتٸ.
قاسىم-جومارت توقاەۆ ۇقشۇ بٸتٸمگەرشٸلٸك كٷشتەرٸنٸڭ ەلەۋەتٸن نىعايتۋ ۇيىم قىزمەتٸنٸڭ تاعى بٸر ٶزەكتٸ مٸندەتٸ ەكەنٸن ايتتى.
– بٸزدٸڭ ويىمىزشا, قازٸردٸڭ ٶزٸندە ۇقشۇ-نى بۇۇ-نىڭ بٸتٸمگەرشٸلٸك قىزمەتٸمەن بايلانىستىرۋ مٸندەتٸن كٷن تەرتٸبٸنە قويۋ قاجەت. بۇل قادام ۇجىمدىق قاۋٸپسٸزدٸك شارتى ۇيىمىنىڭ سۋبەكت رەتٸندەگٸ قۇقىعىن نىعايتادى. سونداي-اق ۇيىمنىڭ بەيبٸتشٸلٸكتٸ ساقتاۋ جٶنٸندەگٸ حالىقارالىق بٸتٸمگەرشٸلٸك وپەراتسييالارعا قاتىسۋ تەجٸريبەسٸن قامتاماسىز ەتەدٸ, – دەدٸ مەملەكەت باسشىسى.
كەزدەسۋ قورىتىندىسى بويىنشا ۇقشۇ-عا مٷشە مەملەكەتتەردٸڭ باسشىلارى ۇجىمدىق قاۋٸپسٸزدٸك كەڭەسٸنٸڭ مەرەيتويلىق مەلٸمدەمەسٸن قابىلدادى.
