قاسىم-جومارت توقاەۆتىڭ تٷرٸكمەنستانعا جۇمىس ساپارى پرەزيدەنت گۋربانگۋلى بەردٸمۇحامەدوۆپەن تٷرٸكمەنباشى قالاسىنداعى «اۆازا» ۇلتتىق تۋريستٸك ايماعىنداعى كەزدەسۋدەن باستالدى, دەپ حابارلايدى اقوردا.
قازاقستان پرەزيدەنتٸ تٷرٸكمەنستان باسشىسىنا قوناقجايلىعى ٷشٸن ريزاشىلىق بٸلدٸرٸپ, ورتالىق ازييا مەملەكەتتەرٸ باسشىلارىنىڭ ٷشٸنشٸ كونسۋلتاتيۆتٸك كەزدەسۋٸن ٶتكٸزۋ ٶزەكتٸ ەرٸ ۋاقىتىلى باستاما ەكەنٸن اتاپ ٶتتٸ.
– سٸز ۇيىمداستىرعان كەشەگٸ ٸس-شارا تانىمدى, بٸر جاعىنان مازمۇنى دا ماڭىزدى بولدى. ٸس جٷزٸندە, كەشە بٸز بەيرەسمي كەزدەسۋدە وسىنداي كٷردەلٸ كەزەڭدە جۇمىلىپ, ىنتىماقتاستىقتى ودان ەرٸ كٷشەيتۋ ەرٸ جاڭا مٷمكٸندٸكتەرگە جول اشۋ ماقساتىندا ورتالىق ازيياداعى ٶزەكتٸ مەسەلەلەردٸ تالقىلادىق, – دەدٸ قاسىم-جومارت توقاەۆ.
مەملەكەت باسشىلارى ەكٸجاقتى كٷن تەرتٸبٸندەگٸ بٸرقاتار مەسەلەلەردٸ قاراستىرىپ, قازاقستان مەن تٷرٸكمەنستان اراسىنداعى قارىم-قاتىناس دەڭگەيٸن جوعارى باعالادى.
– تٷرٸكمەنستان – قازاقستاننىڭ ستراتەگييالىق ەرٸپتەسٸ. ۇزاقمەرزٸمدٸ ەرٸ ستراتەگييالىق سيپاتتاعى ورتاق جوبالارىمىز كٶپ. بۇدان كەيٸنگٸ كەلٸسسٶزدەر بارىسىندا دا ەكٸجاقتى ىنتىماقتاستىقتى ودان ەرٸ نىعايتۋعا مٸندەتتٸ تٷردە باسا مەن بەرەمٸز. ٷكٸمەتكە تيٸستٸ تاپسىرما بەردٸم. تٷرٸكمەنستانعا رەسمي ساپارىم بويىنشا جۇمىس ٸستەپ جاتىر. جالپى, قول قويىلاتىن نەگٸزگٸ قۇجاتتار توپتاماسى ەزٸر. الداعى ۋاقىتتا قول قويىلاتىن كەلٸسسٶزدەر مەن كەلٸسٸمدەر باۋىرلاس ەلدەرٸمٸز اراسىنداعى ىنتىماقتاستىقتى ودان ەرٸ نىعايتۋعا تىڭ سەرپٸن بەرەتٸنٸنە سەنٸمدٸمٸن, – دەدٸ مەملەكەت باسشىسى.
تاراپتار ساۋدا-ەكونوميكالىق ىنتىماقتاستىقتى دامىتۋعا, جەتكٸزٸلەتٸن تاۋارلار تٷرٸن ارتتىرۋعا, كٶلٸك-ترانزيتتٸك ەلەۋەتتٸ كەڭٸرەك پايدالانۋعا جەنە مەدەني-گۋمانيتارلىق سالاداعى بايلانىستاردى كٷشەيتۋگە نيەتتٸ ەكەندەرٸن جەتكٸزدٸ.
