سوت جٷيەسٸندە سۋديالاردى ٸرٸكتەۋ مەسەلەسٸنەن باستاپ, تٶرەلٸك پرينتسيپتەرٸن رەتتەۋگە قاتىستى بٸرقاتار رەفورمالار قاجەت. بۇل تۋرالى مەملەكەت باسشىسى قاسىم-جومارت توقاەۆ وتاندىق بيزنەس ٶكٸلدەرٸمەن كەزدەسۋٸندە ايتتى, دەپ حابارلايدى قازاقپارات.
«بٸرٸنشٸ كەزەكتە – كادر مەسەلەسٸ, ٶيتكەنٸ سۋديالاردى ٸرٸكتەۋ پرينتسيپتەرٸن جەتٸلدٸرمەيٸنشە, بۇل باعىتتا جۇمسالعان كٷش تٷگەل تيٸمسٸز بولىپ قالا بەرەدٸ. قازٸر سوت جٷيەسٸندە ەكٸ مىڭنان استام سۋديا قىزمەت ەتەدٸ. جىل باسىنان بەرٸ سوت جٷيەسٸنەن ەمەس, ٶزگە سالالاردان كەلگەن 50 پراكتيك-زاڭگەر سۋديا بولدى. ٸلگەرٸلەۋ بار, بٸراق بۇل - جەتكٸلٸكسٸز. جۇمىستى بارىنشا كٷشەيتۋ قاجەت», - دەدٸ پرەزيدەنت.
مەملەكەت باسشىسى ەكٸنشٸ ماڭىزدى اسپەكت رەتٸندە سوت تٶرەلٸگٸنٸڭ پرينتسيپتەرٸ تۋرالى ايتتى. جەكەمەنشٸك پەن مٷددەنٸڭ سوتتا قورعالۋ كەپٸلدٸگٸ – ەكونوميكانى دامىتۋ مەن ينۆەستيتسييا تارتۋدىڭ, ياعني ەلدٸڭ جالپى العا جىلجۋىن قامتاماسىز ەتۋدٸڭ بازالىق شارتى ەكەنٸنە توقتالدى.
«قازاقستاندا مەملەكەتتٸك جەنە جەكەمەنشٸك قاتار مويىندالادى, تەڭ دەرەجەدە قورعالادى. بۇل - كونستيتۋتسييادا بەكٸتٸلگەن قاعيدا. الايدا, بٸزدە ٸس جٷزٸندە جەكەلەگەن مەملەكەتتٸك ورگانداردىڭ مٷددەسٸن قورعاۋعا باسىمدىق بەرٸلٸپ كەتەدٸ. ولار مەملەكەتتٸڭ مٷددەسٸ رەتٸندە جاڭساق قابىلدانادى. ەكٸمشٸلٸك ەدٸلەتتٸ ەنگٸزۋ ارقىلى بٸز بۇل ٷردٸسكە توسقاۋىل قويا الدىق, بٸراق جۇمىس ەلٸ دە كٶپ», - دەدٸ توقاەۆ.
پرەزيدەنت سوت تٶرەلٸگٸندە ەدٸلدٸك پەن بەيتاراپتىقتان باسقا پرينتسيپ بولۋى مٷمكٸن ەمەستٸگٸن ايتتى.
«سوت جٷيەسٸن رەفورمالاۋدىڭ ۋاقىتى كەلدٸ. بٸز بۇل قاجەتتٸلٸك تۋرالى شەتەلدٸك ينۆەستورلاردان دا, ٶز كەسٸپكەرلەرٸمٸز بەن وتانداستارىمىزدان دا ەستٸپ جٷرمٸز. سوندىقتان, جۋىق ارادا وسى باعىتتا ناقتى ەرٸ اۋقىمدى شارالاردى جارييا ەتەمٸن», - دەدٸ مەملەكەت باسشىسى.
