پرەزيدەنت بەيجٸڭدە ٶتٸپ جاتقان XXIV قىسقى وليمپيادا ويىندارىنىڭ قاتىسۋشىسى ابزال ەجٸعاليەۆتٸ قولداپ, جەدەلحات جولدادى, دەپ حابارلادى مەملەكەت باسشىسىنىڭ باسپاسٶز حاتشىسى بەرٸك ۋەلي فەيسبۋكتەگٸ پاراقشاسىندا.
«قازاقستاندىقتار ٶزٸڭنٸڭ «بەيجٸڭ-2022» XXIV قىسقى وليمپيادا ويىندارىندا كٶرسەتكەن ٶنەرٸڭدٸ اسقان قىزىعۋشىلىقپەن تاماشالادى. وليمپيادانىڭ اشىلۋ سالتاناتىندا كٶك تۋدى جەلبٸرەتٸپ الىپ شىقتىڭ. ٶز جانكٷيەرلەرٸڭنٸڭ سەنٸمٸن اقتاپ, شورت-ترەكتەن 500 مەترگە جٷگٸرۋدە فينالدىق بەسەكەگە دەيٸن جەتٸپ, نەتيجەسٸندە 4-ورىن يەلەندٸڭ. بۇل وسى سپورت سالاسى بويىنشا جوعارى كٶرسەتكٸش ەكەنٸ انىق» دەلٸنگەن مەملەكەت باسشىسىنىڭ جەدەلحاتىندا.
قاسىم-جومارت توقاەۆ سپورتشىعا دٷبٸرلٸ دودادا ناعىز ەرٸك-جٸگەر كٶرسەتكەنٸ جەنە جەڭٸسكە دەگەن ۇمتىلىسى ٷشٸن العىس ايتتى. سونداي-اق ونىڭ الداعى ۋاقىتتا ٷلكەن جەتٸستٸكتەرگە جەتٸپ, وتانداستارىمىزدى قۋانتا بەرەتٸنٸنە سەنٸم بٸلدٸردٸ.
