قازاقستان پرەزيدەنتٸ ەلشٸلەردەن سەنٸم گراموتالارىن قابىلدادى, دەپ حابارلايدى "ۇلت اقپارات" اقورداعا سٸلتەمە جاساپ.
مەملەكەت باسشىسى اقوردادا تايلاند كورولدٸگٸنٸڭ تٶتەنشە جەنە ٶكٸلەتتٸ ەلشٸسٸ راسسا دجاليچاندرادان, يوردانييا حاشيميتتٸك كورولدٸگٸنٸڭ تٶتەنشە جەنە ٶكٸلەتتٸ ەلشٸسٸ يۋسەف ەبدەلعانيدان, ۆەنەسۋەلانىڭ تٶتەنشە جەنە ٶكٸلەتتٸ ەلشٸسٸ ەنريكە انتونيو اكۋنيا مەندوزادان سەنٸم گراموتالارىن قابىلدادى.
قاسىم-جومارت توقاەۆ ەلشٸلەردٸڭ بەرٸن قازاقستانداعى ديپلوماتييالىق ميسسييالارىنىڭ رەسمي تٷردە باستالۋىمەن قۇتتىقتاپ, مەملەكەتارالىق قاتىناستاردى ودان ەرٸ نىعايتۋ ٸسٸندە تابىس تٸلەدٸ.
مەملەكەت باسشىسى راسسا دجاليچاندرامەن كەزدەسۋ بارىسىندا تايلاندتاعى سايلاۋدىڭ تابىستى ٶتۋٸمەن جەنە ەلدٸڭ جاڭا پرەمەر-مينيسترٸنٸڭ سايلانۋىمەن قۇتتىقتادى.
– قازاقستان مەن تايلاند بارلىق سالادا, سونىڭ ٸشٸندە ساياسي, ەكونوميكالىق جەنە مەدەني باعىتتاردا دوستىق قاتىناستاردى جەمٸستٸ دامىتىپ كەلەدٸ. تايلاندقا بٸزدٸڭ ەلٸمٸزدەن تۋريستەر كٶپ بارادى. سٸزدٸڭ ەلٸڭٸز – قازاقستاندىقتاردىڭ سٷيٸكتٸ جەرلەرٸنٸڭ بٸرٸ. ەلدەرٸمٸز اراسىنداعى ٶزارا قارىم-قاتىناستاردى ودان ەرٸ دامىتۋعا سەپتٸگٸڭٸزدٸ تيگٸزەتٸنٸڭٸزگە سەنٸمدٸمٸن, – دەدٸ مەملەكەت باسشىسى.
قاسىم-جومارت توقاەۆ يۋسەف ەبدەلعانيمەن كەزدەسۋدە قازاقستان مەن يوردانييا اراسىنداعى ىقپالداستىقتىڭ جوعارى دەڭگەيدە ەكەنٸن اتاپ ٶتتٸ.
– ەلدەرٸمٸز اراسىنداعى قارىم-قاتىناستاردىڭ جاقسى دامۋىنا كورول ٸٸ ابداللا زور ٷلەس قوستى. بٷگٸندە ەكٸجاقتى ىنتىماقتاستىق ٶزارا دوستىق پەن سەنٸم نەگٸزٸندە تابىستى دامىپ كەلەدٸ, – دەدٸ قازاقستان پرەزيدەنتٸ.
قاسىم-جومارت توقاەۆ ەنريكە مەندوزامەن كەزدەسۋدە ٶزارا بايلانىستاردىڭ ودان ەرٸ نىعايا بەرەتٸنٸنە سەنٸم بٸلدٸرٸپ, ديپلوماتييالىق جۇمىستا تابىس تٸلەدٸ.
– ەلشٸ مىرزا, جاڭا قىزمەتٸڭٸزبەن قۇتتىقتايمىن. سٸز قازاقستانداعى ۆەنەسۋەلانىڭ بٸرٸنشٸ تٶتەنشە جەنە ٶكٸلەتتٸ ەلشٸسٸ بولعاندىقتان, ەكٸ تاراپ ٷشٸن دە بۇل سەنٸم گراموتاسىن تاپسىرۋ رەسٸمٸنٸڭ ماڭىزى زور. باسشىلارىڭىزدىڭ بٸزدٸڭ ەلٸمٸزدە ەلشٸلٸك اشۋ جەنە ديپلوماتييالىق ميسسييا باسشىسى رەتٸندە سٸزدٸ جٸبەرۋ جٶنٸندەگٸ شەشٸمٸنە ريزاشىلىق بٸلدٸرەمٸن, – دەدٸ قاسىم-جومارت توقاەۆ.
