پرەزيدەنت قاسىم-جومارت توقاەۆ الماتىداعى №199 گيمنازييا مۇعالٸمٸ مارقۇم مەرەي يبراگيموۆتى ادام ٶمٸرٸن ساقتاپ قالۋعا بايلانىستى قيىن-قىستاۋ جاعدايدا كٶرسەتكەن ەرجٷرەكتٸگٸ مەن جانقييارلىعى ٷشٸن ماراپاتتادى, - دەپ حابارلايدى "ۇلت اقپارات" اقورداعا سٸلتەمە جاساپ.
"ادام ٶمٸرٸن ساقتاپ قالۋعا بايلانىستى قيىن-قىستاۋ جاعدايدا كٶرسەتكەن ەرجٷرەكتٸگٸ مەن جانقييارلىعى ٷشٸن الماتى قالاسى "№ 199 مامانداندىرىلعان گيمنازييا" كمم مۇعالٸمٸ مەرەي نۇرعازىۇلى يبراگيموۆ "ەرلٸگٸ ٷشٸن" مەدالٸمەن ناگرادتالسىن (مارقۇم). وسى جارلىق قول قويىلعان كٷنٸنەن باستاپ قولدانىسقا ەنگٸزٸلەدٸ", - دەلٸنگەن قاۋلىدا.
پرەزيدەنتتٸڭ باسپاسٶز حاتشىسى بەرٸك ۋەلي مەملەكەت باسشىسى شارىن شاتقالىنداعى قايعىلى وقيعا كەزٸندە قازا تاپقان مەرەي يبراگيموۆتىڭ جاقىندارى مەن تۋىستارىنا كٶڭٸل ايتاتىنىن حابارلادى. ونىڭ سٶزٸنشە, پرەزيدەنت 29 مامىر كٷنٸ الماتى وبلىسىنداعى شارىن شاتقالىندا بولعان قايعىلى وقيعانى ٷلكەن كٷيزەلٸسپەن قابىل الدى. قاسىم-جومارت توقاەۆ قايتىس بولعانداردىڭ جاقىن تۋىستارىنا كٶڭٸل ايتىپ, جاراقات العانداردىڭ تەزٸرەك ساۋىعىپ كەتۋٸنە تٸلەكتەستٸك بٸلدٸردٸ.
"شەكٸرتتەرٸن قۇتقارامىن دەپ ٶزٸ قۇربان بولعان بٸلٸكتٸ مامان مەرەي نۇرعازىۇلى ٶمٸرٸن ۇستازدىققا ارنادى. وقۋشىلارىنىڭ سٷيٸكتٸ مۇعالٸمٸ بولدى. تابيعات توسىن مٸنەز كٶرسەتكەن اپاتتى جاعدايدا جاس ۇستاز باتىلدىق تانىتىپ, وقۋشىسىنا جانكەشتٸلٸكپەن كٶمەك كٶرسەتۋگە ۇمتىلدى. 26 جاسىندا ٶمٸردەن قىرشىن كەتكەن مەرەي نۇرعازىۇلىنىڭ ەرلٸگٸ مەن جارقىن بەينەسٸ ۇمىتىلمايدى", - دەلٸنگەن كٶڭٸل ايتۋ جەدەلحاتىندا.
ەستەرٸڭٸزگە سالا كەتسەك, 29 مامىر كٷنٸ الماتى وبلىسىنىڭ شارىن شاتقالىندا سەل جٷرٸپ, 2 ادام مەرت بولعانى, تاعى بٸرەۋٸنٸڭ ٸز-تٷزسٸز جوعالعانى حابارلانعان بولاتىن.
كەيٸن بٸلٸم جەنە عىلىم مينيسترلٸگٸ اتالعان وقيعا سالدارىنان 1 وقۋشى مەن 1 مۇعالٸمنٸڭ قازا تاپقانىن, تاعى بٸر وقۋشىنى ٸزدەۋ جۇمىسى جٷرگٸزٸلٸپ جاتقانىن مەلٸم ەتكەن ەدٸ.
«شارىن شاتقالى» قىزمەتكەرلەرٸ شارىن ٶزەنٸنٸڭ بويىن جاعالاي جەر بەتٸندە ٸزدەۋ-قۇتقارۋ جۇمىستارىن جٷرگٸزۋ بارىسىندا 30 مامىر تاڭعى ساعات 09:34-تە 11 جاستاعى قىز بالانى تاپتى.
ول شارىن ٶزەنٸنٸڭ سول جاعالاۋىندا وقيعا ورنىنان 3-4 شاقىرىم جەردەن تابىلعان.
الماتى قالالىق بٸلٸم باسقارماسى شارىن شاتقالىنا ەكسكۋرسييا مەكتەپ ەكٸمشٸلٸگٸمەن كەلٸسٸلمەگەنٸن جەتكٸزدٸ.
