فوتو: Akorda.kz
پرەزيدەنت قاسىم-جومارت توقاەۆتىڭ الماتى قالاسىنا جۇمىس ساپارى بيىل 1 ماۋسىمدا پايدالانۋعا بەرٸلگەن سەل تاسقىنىنان قورعايتىن بٶگەتپەن تانىسۋدان باستالدى.
«ايۋساي» بٶگەتٸ ٷلكەن الماتى ٶزەنٸنٸڭ باسسەينٸندە ورنالاسقان. ونىڭ جوعارى جاعىندا سەل قاۋپٸ بار 98 ۋچاسكە, 89 مۇزدىق, 20 مورەنالىق جەنە مۇزدى كٶل بار. بٶگەت سەل جٷرۋ قاۋپٸن بارىنشا ازايتىپ, 500 مىڭنان استام حالىق پەن 2 مىڭعا جۋىق نىساننىڭ تابيعات اپاتىنان قورعالۋىن قامتاماسىز ەتەدٸ.
ەلٸمٸزدٸڭ بيٸك تاۋلى ايماقتارىندا 970 مورەنالىق كٶل بار. ونىڭ ٸشٸندە 156 كٶلدە سەل جٷرۋ قاۋپٸ جوعارى. تٶتەنشە جاعدايلار مينيسترٸ سىرىم شەرٸپحانوۆ بيىل سەل جٷرۋٸ ىقتيمال 13 كٶلدە اپاتتىڭ الدىن الۋ جۇمىستارى جٷرگٸزٸلگەنٸن باياندادى.
سونىمەن قاتار «قازسەلدەنقورعاۋ» مەكەمەسٸنٸڭ باسشىسى قايرات بەكەنوۆ مەملەكەت باسشىسىنا تابيعات اپاتتارىنىڭ الدىن الۋ جۇمىستارى جٶنٸندە مەلٸمەت بەردٸ.
ونىڭ ايتۋىنشا, ارنالارداعى سۋدى تۇراقتاندىراتىن جاڭا قورعانىس نىساندارىن سالۋ قاجەت. ولار ٷلكەن الماتى, ەسٸك, تالعار, قاسكەلەڭ جەنە تٷرگەن ٶزەندەرٸنٸڭ باسسەينٸندەگٸ سۋ اعىسىنىڭ جىلدامدىعىن ازايتىپ, اعىن سۋدىڭ ارنادان اسىپ كەتپەۋٸنە سەپتٸگٸن تيگٸزەدٸ.
قاسىم-جومارت توقاەۆقا پيلوتتىق جوبا اياسىندا ورناتىلعان 31 تسيفرلىق گيدروبەكەت تانىستىرىلدى. بۇل قوندىرعىلار سۋدىڭ جىلدامدىعىنا, تەمپەراتۋراسىنا, لايلىلىعىنا جەنە باسقا دا كٶرسەتكٸشتەرگە ونلاين-رەجيمدە مونيتورينگ جٷرگٸزەدٸ. مۇنداي تەحنولوگييالار كەلەشەكتە ەلٸمٸزدٸڭ جەتٸ تاۋلى ايماعىندا قولدانىسقا ەنگٸزٸلەدٸ. گيدروبەكەتتەردەگٸ مەلٸمەت تجم داعدارىس جاعدايىن باسقارۋ ورتالىعىنىڭ بٸرىڭعاي اقپاراتتىق جٷيەسٸمەن ينتەگراتسييالاناتىن بارلىق عىلىمي ۇيىم مەن سالالىق ۆەدومستۆولارعا قولجەتٸمدٸ بولادى.
مەملەكەت باسشىسى قالا تۇرعىندارىنىڭ قاۋٸپسٸزدٸگٸن قامتاماسىز ەتۋ ٷشٸن سەلدەن قورعاۋ شارالارىن جٷرگٸزۋ ماڭىزدى ەكەنٸن اتاپ ٶتتٸ. بۇل رەتتە پرەزيدەنت تٶتەنشە جاعدايلار مينيسترلٸگٸ, الماتى قالاسى ەكٸمدٸگٸ جەنە «قازسەلدەنقورعاۋ» مەكەمەسٸ ٶزارا تىعىز قارىم-قاتىناستا جۇمىس ٸستەۋٸ قاجەت ەكەنٸن ايتتى.
