پرەزيدەنت قاسىم-جومارت توقاەۆ پرەمەر-مينيستردٸڭ ورىنباسارى – ساۋدا جەنە ينتەگراتسييا مينيسترٸ باقىت سۇلتانوۆتى قابىلدادى, - دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
مەملەكەت باسشىسىنا قازاقستاننىڭ دسۇ-عا مٷشە ەلدەر مينيسترلەرٸنٸڭ 12-كونفەرەنتسيياسىنا تٶراعالىعىنىڭ قورىتىندىسى تۋرالى باياندالدى. جيىن بارىسىندا ماڭىزدى شەشٸمدەر قابىلدانعان. اتاپ ايتقاندا, دسۇ-نى رەفورمالاۋ ٷدەرٸسٸن باستاۋعا جەنە 20 جىلدان استام ۋاقىتقا سوزىلعان بالىق اۋلاۋ سۋبسيدييالارى تۋرالى جاڭا كەلٸسٸمدٸ قابىلداۋعا قولجەتكٸزٸلدٸ.
قاسىم-جومارت توقاەۆقا مينيسترلٸكتٸڭ سىرتقى ساۋدانى دامىتۋ جەنە ەكونوميكالىق ينتەگراتسييا اياسىندا ۇلتتىق مٷددەنٸ قورعاۋ جۇمىستارىنىڭ نەتيجەسٸ ۇسىنىلدى.
پرەمەر-مينيستردٸڭ ورىنباسارى – ساۋدا جەنە ينتەگراتسييا مينيسترٸ بيىلعى 4 ايدىڭ ٸشٸندە شيكٸزاتتىق ەمەس تاۋارلار ەكسپورتى بىلتىرعى وسى كەزەڭمەن سالىستىرعاندا 33,9 پايىزعا ارتىپ, 5,6 ميلليارد دوللاردان 7,5 ميلليارد دوللارعا دەيٸن ٶسكەنٸن مەلٸمدەدٸ. قىزمەت كٶرسەتۋ ەكسپورتى 5,8 ميلليارد دوللارعا جەتكەن.
مەملەكەت باسشىسىنا ترانسشەكارالىق حابتاردى جەنە ساۋدا-لوگيستيكالىق ينفراقۇرىلىمدى ٶركەندەتۋ, سونىڭ ٸشٸندە "سولتٷستٸك – وڭتٷستٸك" كٶلٸك دەلٸزٸ مەن ترانسكاسپيي حالىقارالىق كٶلٸك باعىتى بويىمەن دامىتۋ جٶنٸندەگٸ جوبالاردىڭ جٷزەگە اسىرىلۋ بارىسى تۋرالى مەلٸمەت بەرٸلدٸ.
سونىمەن قاتار باقىت سۇلتانوۆ ٷكٸمەتتٸڭ نەگٸزگٸ ازىق-تٷلٸك تاۋارلارى باعاسىنىڭ تۇراقتىلىعى مەن قولجەتٸمدٸلٸگٸن قامتاماسىز ەتۋ شارالارى جٶنٸندە ەسەپ بەردٸ. ونىڭ ايتۋىنشا, 2022-2024 جىلدارعا ارنالعان ازىق-تٷلٸك قاۋٸپسٸزدٸگٸن قامتاماسىز ەتۋ جٶنٸندەگٸ جوسپاردىڭ جٷزەگە اسىرىلۋى 2024 جىلعا قاراي يمپورتقا تەۋەلدٸ نەگٸزگٸ تاۋارلار بويىنشا حالىقتى جٷز پايىز قامتاماسىز ەتۋگە مٷمكٸندٸك بەرەدٸ.
كەزدەسۋ سوڭىندا پرەزيدەنت سىرتقى ساۋدا قىزمەتٸن جانداندىرۋ جەنە شەتەل نارىعىنداعى قازاقستان ٶنٸمدەرٸن ٸلگەرٸلەتۋ جٶنٸندە تاپسىرما بەردٸ. مەملەكەت باسشىسى ٸشكٸ نارىقتى قامتاماسىز ەتۋ ٷشٸن نەگٸزگٸ ازىق-تٷلٸك تاۋارلارى ەكسپورتىن رەتتەۋ قاجەت ەكەنٸنە باسا مەن بەردٸ.
