قاسىم-جومارت توقاەۆ ساۋد ارابيياسى كورولدٸگٸ كونسۋلتاتيۆتٸك كەڭەسٸنٸڭ تٶراعاسى ابداللا ەل اش-شەيحتٸ قابىلدادى, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
قازاقستان پرەزيدەنتٸ ساۋد ارابيياسىن يسلام ەلەمٸندەگٸ سەنٸمدٸ سەرٸكتەس ەرٸ قازاقستاننىڭ تەۋەلسٸزدٸگٸن تانىعان العاشقى اراب مەملەكەتتەرٸنٸڭ بٸرٸ ەكەنٸن اتاپ ٶتتٸ.
– ساۋد باسشىلىعىمەن ەردايىم بايلانىستامىز. تامىزدا تاق مۇراگەرٸ مۇحاممەد بەن سالمان ەل ساۋدمەن تەلەفون ارقىلى ەڭگٸمەلەسكەن كەزدە بٸرقاتار ۋاعدالاستىقتارعا قول جەتكٸزٸلدٸ. ال قىركٷيەك ايىندا ينۆەستيتسييا مينيسترٸ حاليد ەل-فاليحپەن كەزدەستٸم. بۇل بايلانىستار ەكٸ ەل اراسىنداعى ىنتىماقتاستىققا سەرپٸن بەرەدٸ دەپ ەسەپتەيمٸن, – دەدٸ مەملەكەت باسشىسى.
كەزدەسۋدە ەكٸجاقتى ساۋدا-ەكونوميكالىق قارىم-قاتىناستار تالقىلاندى. قاسىم-جومارت توقاەۆ ساۋد كومپانييالارىنىڭ ەلەمدٸك نارىقتاعى مٷمكٸندٸكتەرٸ مەن تەجٸريبەسٸن ەسكەرە وتىرىپ, قازاقستانداعى جوبالارعا بەلسەندٸ قاتىسۋعا شاقىردى.
ساۋد ارابيياسى كورولدٸگٸ كونسۋلتاتيۆتٸك كەڭەسٸنٸڭ تٶراعاسى ابداللا ەل اش-شەيح قابىلداعانى ٷشٸن قازاقستان پرەزيدەنتٸنە العىس ايتىپ, ەلٸمٸزدەگٸ ساپارىنىڭ تابىستى ٶتٸپ جاتقانىن ايتتى.
– مەن باۋىرلاس, دوستاس قازاقستانعا كەلگەنٸمە قۋانىشتىمىن. بٸز پارلامەنتتٸك دەڭگەيدە بٸرقاتار جەمٸستٸ كەزدەسۋ ٶتكٸزدٸك. مۇنداي جٷزدەسۋلەر ەلدەرٸمٸزدٸ جاقىنداستىرا تٷسەدٸ. مەملەكەتتەرٸمٸزدٸڭ باسشىلارى دەڭگەيٸندە قابىلدانعان شەشٸمدەردٸ جٷزەگە اسىرۋدا وسىنداي ساپارلاردىڭ مەنٸ زور دەپ ەسەپتەيمٸن, – دەدٸ ساۋد ارابيياسى كورولدٸگٸ كونسۋلتاتيۆتٸك كەڭەسٸنٸڭ تٶراعاسى.
سونىمەن قاتار ەكٸ ەل اراسىنداعى تاۋار اينالىمىن ارتتىرۋ مەسەلەلەرٸ تالقىلاندى.
كەزدەسۋ سوڭىندا قاسىم-جومارت توقاەۆ ابداللا ەل اش-شەيحتٸ ٸٸ دەرەجەلٸ «بارىس» وردەنٸمەن ماراپاتتادى.
