مەملەكەت باسشىسى قاسىم-جومارت توقاەۆ پەتەربۋرگ حالىقارالىق ەكونوميكالىق فورۋمىنىڭ پلەنارلىق وتىرىسىنان كەيٸن ۆلاديمير پۋتينمەن كەزدەسۋ ٶتكٸزدٸ, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
ەڭگٸمە بارىسىندا كٶشباسشىلار قازاقستان مەن رەسەيدٸڭ ساۋدا-ەكونوميكالىق سالاداعى ىنتىماقتاستىعىنىڭ قازٸرگٸ جاعدايى مەن دامۋ پەرسپەكتيۆالارىن جان-جاقتى تالقىلادى.
قاسىم-جومارت توقاەۆ كٷردەلٸ گەوساياسي احۋالعا قاراماستان قازاقستاننىڭ ماڭىزدى ستراتەگييالىق سەرٸكتەسٸ – رەسەيمەن اراداعى ىقپالداستىقتىڭ قارقىندى دامىپ كەلە جاتقانىن اتاپ ٶتتٸ.
– قۇرمەتتٸ ۆلاديمير ۆلاديميروۆيچ, مەن سٸزدٸڭ وسى بەدەلدٸ فورۋمعا قاتىسۋعا شاقىرۋىڭىزدى ىقىلاسپەن قابىلدادىم. سٸزدٸڭ بايانداماڭىزدى مۇقييات تىڭدادىم. مازمۇنى مەن كٶلەمٸ جاعىنان بۇل بايانداماڭىز حالىققا ارنالعان تۇتاس جولداۋعا تەڭ كەلەدٸ. اۋديتورييا مۇنى ٶتە جىلى قابىلدادى. بۇعان پٸكٸر بٸلدٸرۋشٸلەر دە از بولمايدى دەپ ويلايمىن. ەكٸجاقتى ىنتىماقتاستىققا كەلەر بولساق, الاڭداۋشىلىققا نەگٸز جوق. بەرٸ قالىپتى جاعدايدا. ٶنەركەسٸپ, اۋىل شارۋاشىلىعى سالالارى بويىنشا ناقتى جوبالار جٷزەگە اسىرىلىپ جاتىر. ينۆەستيتسييالىق ىنتىماقتاستىق قارقىندى دامىپ كەلەدٸ. بيىل ەرەكشە جىل – ديپلوماتييالىق قاتىناستارىمىزعا 30 جىل. ەكٸجاقتى ىنتىماقتاستىقتى دامىتۋ تۇرعىسىنان ەلەۋلٸ جەتٸستٸكتەرگە قول جەتكٸزدٸك. بۇل باعىتتاعى قارىم-قاتىناستارىمىز ودان ەرٸ قارقىندى دامي بەرەدٸ دەپ ويلايمىن, – دەدٸ مەملەكەت باسشىسى.
ٶز كەزەگٸندە رەسەي پرەزيدەنتٸ ەكٸ ەل اراسىنداعى ساۋدا-ەكونوميكالىق بايلانىستار ودان ەرٸ نىعايا بەرەتٸنٸن ايتتى.
– پەتەربۋرگ ەكونوميكالىق فورۋمىنا كەلگەنٸڭٸز ٷشٸن كٶپ راحمەت. بٸز ٷشٸن ەلدەرٸمٸز اراسىنداعى ەرەكشە قاتىناستاردى اتاپ ٶتۋ جەنە ٶزٸڭٸزبەن نەگٸزگٸ باعىتتار جٶنٸندە, ەسٸرەسە ەكونوميكا سالاسى بويىنشا پٸكٸر الماسۋ ماڭىزدى. جاڭا عانا فورۋم اياسىندا وسىنى ايتتىق. ايتپاقشى, وسى فورۋمدا 7 ميلليارد دەپ قاتە ايتىپپىن. قازاقستان ەكونوميكاسىنا سالىنعان ينۆەستيتسييا 17 ميلليارد دوللار. تاۋار اينالىمى ارتىپ كەلەدٸ. سٸز جاڭا عانا بۇل تۋرالى ايتىپ ٶتتٸڭٸز. بىلتىر وسى كٶرسەتكٸش 25 ميلليارد دوللار بولسا, بيىل العاشقى ٷش ايدا 12 ميللياردتان اسقان. ەگەر وسىنداي قارقىنمەن دامي بەرسە, رەكوردتىق كٶرسەتكٸشكە قول جەتكٸزەمٸز. بيىل ەلدەرٸمٸز اراسىنداعى ديپلوماتييالىق قاتىناستاردىڭ ورناعانىنا 30 جىل. الدىمىزدا ٶڭٸرلٸك فورۋم بار. جالپى ٷكٸمەتتەرٸمٸز بەلسەندٸ جۇمىس جٷرگٸزٸپ جاتىر, – دەدٸ ۆلاديمير پۋتين.
