توقاەۆ پرەزيدەنتتٸككە كانديدات رەتٸندە قۇجاتتارىن تاپسىردى

قازاقستان رەسپۋبليكاسىنىڭ پرەزيدەنتتٸگٸنە كانديدات رەتٸندە قاسىم-جومارت كەمەلۇلى توقاەۆ تيٸستٸ قۇجاتتارىن تاپسىردى, دەپ حابارلايدى "ۇلت اقپارات"  قر ورتالىق سايلاۋ كوميسسيياسىنىڭ رەسمي سايتىنا سٸلتەمە جاساپ.

«2019 جىلعى 23 سەۋٸردە قازاقستان رەسپۋبليكاسى ورتالىق سايلاۋ كوميسسيياسىنا «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسى كونستيتۋتسييالىق زاڭىنىڭ 55-بابىنا سەيكەس «Nur Otan پارتيياسى» قوعامدىق بٸرلەستٸگٸ قازاقستان رەسپۋبليكاسىنىڭ پرەزيدەنتتٸگٸنە كانديدات رەتٸندە قاسىم-جومارت كەمەلۇلى توقاەۆتىڭ مىناداي قۇجاتتارىن ۇسىندى:

1. «Nur Otan پارتيياسى» قوعامدىق بٸرلەستٸگٸ جوعارى ورگانىنىڭ قازاقستان رەسپۋبليكاسىنىڭ پرەزيدەنتتٸككە كانديدات ۇسىنۋ جٶنٸندەگٸ وتىرىسىنىڭ حاتتاماسىنان ٷزٸندٸ;

2. قاسىم-جومارت كەمەلۇلى توقاەۆتىڭ قازاقستان رەسپۋبليكاسىنىڭ پرەزيدەنتتiگٸنە كانديدات بولىپ داۋىسقا تٷسۋگە كەلiسiم بەرگەنٸ تۋرالى ٶتiنiشٸ;

3. ٶمٸرباياندىق دەرەكتەرٸ;

4. قازاقستان رەسپۋبليكاسى ورتالىق سايلاۋ كوميسسيياسىنىڭ شوتىنا سايلاۋ جارناسىن ەنگiزگەنiن كۋەلاندىراتىن قۇجات;

5. جەكە باسىن كۋەلاندىراتىن قۇجاتتىڭ كٶشٸرمەسٸ;

6. جوعارى وقۋ ورنىنداعى بٸلٸمٸ تۋرالى ديپلومدارىنىڭ كٶشٸرمەلەرٸ;

7. مەملەكەتتٸك قىزمەتتە جۇمىس تەجٸريبەسٸنٸڭ بار ەكەنٸن راستايتىن قۇجاتتار. مەملەكەتتٸك تٸلدٸ ەركٸن مەڭگەرگەندٸگٸن انىقتايتىن لينگۆيستيكالىق كوميسسيياسىنىڭ وتىرىسى 2019 جىلعى 23 سەۋٸرگە تاعايىندالدى», - دەلٸنگەن حابارلامادا.