پرەزيدەنت قاسىم-جومارت توقاەۆ ازاماتتار ٷشٸن قول جەتٸمدٸ ۆاكتسينانى, سونىڭ ٸشٸندە, حالىقارالىق دەڭگەيدە مويىندالعان ەكپەنٸڭ كٶلەمٸن ۇلعايتۋ قاجەت ەكەنٸن ايتتى, دەپ حابارلايدى "ۇلت اقپارات".
«بىلتىر مەن تيٸستٸ تاپسىرما بەردٸم. بٸراق كومپانييانىڭ قازاقستانعا بٶلگەن Pfizer ۆاكتسيناسىن جەتكٸزۋ ٸسٸ توقتاپ قالدى. قول جەتكٸزٸلگەن ۋاعدالاستىقتارعا سەيكەس, Pfizer كومپانيياسى قازاقستانعا بيىل مامىر ايىندا 2 ميلليون دوزا ۆاكتسينا جەتكٸزۋدٸ جوسپارلاعان. ٷكٸمەت ەكپە جەتكٸزۋ ٸسٸنٸڭ توقتاپ قالۋىن Pfizer قويعان بٸرقاتار تالاپتارمەن بايلانىستىرادى. بٸراق اتالعان شارتتار – ۆاكتسينا ساتىپ الاتىن بارلىق ەل ٷشٸن بٸردەي ستاندارت. جۋىردا جاڭا ۇسىنىس كەلٸپ تٷستٸ. وندا بٷكٸل ٸس-قيمىل الگوريتمٸ قامتىلعان. مەملەكەت باسشىسى تيٸستٸ جارلىققا قول قويۋى كەرەك دەيدٸ. ەگەر قاجەت بولسا, مۇنى ٸستەۋگە دايىنمىن. ٷكٸمەتكە, پرەزيدەنت ەكٸمشٸلٸگٸنە قالىپتاسقان احۋالدى تەكسەرٸپ, بٸزدٸڭ نارىق ٷشٸن قاجەتتٸ وسى ەكپەنٸڭ جەتكٸزٸلۋٸنە كەدەرگٸ كەلتٸرگەن لاۋازىمدى تۇلعالارعا قاتىستى شارا قابىلداۋدى تاپسىرامىن. تٷپتەپ كەلگەندە, بٸز ازاماتتارىمىزدىڭ ٶزدەرٸ قالاعان ەكپەنٸ سالدىرۋىنا مٷمكٸندٸك بەرۋٸمٸز قاجەت. Pfizer ۆاكتسيناسىنا قول جەتٸمدٸلٸك مەسەلەسٸن قىسقا مەرزٸم ٸشٸندە شەشۋ كەرەك», - دەدٸ مەملەكەت باسشىسى ٷكٸمەتتٸڭ كەڭەيتٸلگەن وتىرىسىندا.
