پرەزيدەنت قاسىم-جومارت توقاەۆ جەكە ٶزٸنٸڭ جەنە قازاقستاندىقتاردىڭ اتىنان ٶزبەكستان پرەزيدەنتٸ شاۆكات ميرزييوەۆتٸ جەنە ٶزبەك حالقىن ەل تەۋەلسٸزدٸگٸنٸڭ 30 جىلدىعىمەن قۇتتىقتادى, - دەپ حابارلايدى "ۇلت اقپارات" اقوردا سايتىنا سٸلتەمە جاساپ.
"باۋىرلاس ٶزبەكستان بۇل ايتۋلى كٷنگە ۇلتتىق بٸرتۇتاستىعىمەن, ەكونوميكالىق دامۋىنىڭ جوعارى قارقىنىمەن جەنە ەلەمدٸك قوعامداستىقتا لايىقتى بەدەلٸمەن قۋاتتى ەرٸ ٶركەندەگەن مەملەكەت رەتٸندە جەتٸپ وتىر. ٶزبەك حالقى سٸزدٸڭ جاسامپازدىق ساياساتىڭىز بەن تابىستى جٷزەگە اسىپ جاتقان اۋقىمدى رەفورمالارىڭىزدى قولداي وتىرىپ, تۇراقتى دامۋ جولىن جالعاستىرا بەرەتٸنٸنە سەنٸمدٸمٸن", - دەپ جازىلعان مەملەكەت باسشىسىنىڭ جەدەلحاتىندا.
قاسىم-جومارت توقاەۆ ەكٸ ەل اراسىنداعى تاريحى تەرەڭ ستراتەگييالىق ىنتىماقتاستىققا جوعارى باعا بەردٸ.
"سٸزبەن بٸرلەسٸپ اتقارىپ جاتقان جۇمىسىمىز ەكٸجاقتى دەڭگەيدە دە, ايماقتىق جەنە حالىقارالىق ىنتىماقتاستىق اياسىندا دا قازاقستان مەن ٶزبەكستاننىڭ ٶزارا ٸس-قيمىلىنداعى زور ەلەۋەتتٸ تولىق ٸسكە اسىرۋ ٷشٸن قىزمەت ەتەتٸنٸنە سەنٸمدٸمٸن", - دەلٸنگەن جەدەلحاتتا.
