مەملەكەت باسشىسى قاسىم-جومارت توقاەۆ ورالمان سٶزٸنە قاتىستى پٸكٸر بٸلدٸردٸ, دەپ حابارلايدى "ۇلت اقپارات".
«مەن بۇدان بۇرىن دا تاريحي وتانىنا كەلگەن قازاقتاردى «ورالمان» دەپ اتاۋدان باس تارتىپ, «قانداس» دەگەنٸمٸز جٶن بولادى دەگەن ەدٸم. جەتٸ اتاسىن بٸلەتٸن حالىققا «قانداس» دەگەن ۇعىم جاراسادى», - دەپ جازادى پرەزيدەنت twitter پاراقشاسىندا.
ەسكە سالساق, قاسىم-جومارت توقاەۆ «Egemen Qazaqstan» جەنە «Aiqyn» گازەتتەرٸنە بەرگەن سۇحباتىندا «قوعامدىق پٸكٸرگە قوزعاۋ سالعان وتانداستار مەسەلەسٸن قولدان ساياساتتاندىرۋعا بولمايدى. شەتەلدەگٸ قانداستارىمىزدى («ورالمان» دەگەن سٶزگە مەن قارسىمىن) اتامەكەنگە قايتارۋ ٸسٸ ەشقاشان نازاردان تىس قالعان ەمەس, قالمايدى دا. ەلەمنٸڭ تٷكپٸر-تٷكپٸرٸندەگٸ قانداستارىمىزدىڭ باسىن تۋعان جەردە بٸرٸكتٸرۋ - بٸزدٸڭ پارىزىمىز» دەگەن بولاتىن.
