قازاقستان پرەزيدەنتٸ قاسىم-جومارت توقاەۆ پرەزيدەنت مۋن چجە يننٸڭ شاقىرۋىمەن كورەيا رەسپۋبليكاسىنىڭ استاناسى سەۋل قالاسىنا مەملەكەتتٸك ساپارمەن كەلدٸ, دەپ حابارلايدى قازاقپارات مەملەكەت باسشىسىنىڭ باسپاسٶز حاتشىسى بەرٸك ۋەليگە سٸلتەمە جاساپ.
قاسىم-جومارت توقاەۆ پاندەمييا باستالعالى بەرٸ وڭتٷستٸك كورەياعا ساپارمەن كەلگەن ەلەمدٸك دەڭگەيدەگٸ بٸرٸنشٸ كٶشباسشى.
مەملەكەتتٸك ساپار باعدارلاماسى اسا اۋقىمدى. ەرتەڭ, 17 تامىز كٷنٸ پرەزيدەنت مۋن چجە ينمەن كەلٸسسٶز ٶتكٸزۋ جوسپارلانعان. وندا تاراپتار قازاقستان مەن كورەيا اراسىنداعى ستراتەگييالىق ىنتىماقتاستىقتى ودان ەرٸ دامىتۋدىڭ كەڭ اۋقىمدى مەسەلەلەرٸن قاراستىرادى. كەلٸسسٶز قورىتىندىسى بويىنشا بٸرقاتار ەكٸجاقتى قۇجاتقا قول قويىلادى.
قاسىم-جومارت توقاەۆ مۋن چجە ينمەن بٸرگە كورەيا بيزنەسٸنٸڭ جەتەكشٸلەرٸمەن كەزدەسۋ ٶتكٸزەدٸ.
سونىمەن قاتار, مەملەكەت باسشىسى كورەيانىڭ ۇلتتىق باتىرى, ٶمٸرٸنٸڭ سوڭعى جىلدارىندا قازاقستاندا تۇرعان گەنەرال حون بوم دونى ەسكە الۋعا ارنالعان ٸس-شاراعا قاتىسىپ, وتان ٷشٸن قۇربان بولعانداردىڭ مونۋمەنتٸنە گٷل شوعىن قويادى.
بۇدان كەيٸن كورەيانىڭ ٸرٸ كومپانييالارىنىڭ قاتىسۋىمەن بٸرقاتار ەكٸجاقتى كەزدەسۋ ٶتكٸزەدٸ. سونداي-اق بۇۇ-نىڭ بۇرىنعى باس حاتشىسى پان گي مۋنمەن جٷزدەسۋ جوسپارلانعان.
