پرەزيدەنت «اقوردا» رەزيدەنتسيياسىندا ەلٸمٸزدٸڭ بيزنەس-قوعامداستىعى ٶكٸلدەرٸمەن كەزدەسۋ ٶتكٸزدٸ, دەپ حابارلايدى "ۇلت اقپارات".
قاسىم-جومارت توقاەۆ مەملەكەتتٸ ودان ەرٸ دامىتۋ جولىنداعى وتاندىق كەسٸپكەرلٸكتٸڭ رٶلٸن تالقىلاۋ بٷگٸنگٸ ٸس-شارانىڭ نەگٸزگٸ ماقساتى ەكەنٸن اتاپ ٶتتٸ.
– قازاقستان حالقىنا جولداۋىمدا ەكونوميكالىق ساياساتىمىزدىڭ نەگٸزگٸ ماقساتى – بٷكٸل ەلٸمٸزدٸڭ ەل-اۋقاتىن ساپالى جەنە ينكليۋزيۆتٸ تٷردە جاقسارتۋ ٸسٸ ٶزگەرمەيتٸنٸن ەرەكشە اتاپ ٶتتٸم. بۇل ماقساتقا ەركٸن ەرٸ تيٸمدٸ نارىقتىق ەكونوميكا قۇرۋ ارقىلى عانا قول جەتكٸزۋگە بولادى. مەملەكەتتٸڭ ەكونوميكاداعى جەتەكشٸ رٶلٸ, ەسٸرەسە مەملەكەتتٸڭ بيزنەس ٸسٸنە ارالاسۋى كەلمەسكە كەتەدٸ جەنە سولاي بولۋعا تيٸس. مەملەكەتتٸڭ مٸندەتٸ – زاڭعا باعىناتىن بيزنەسكە ەل ٸشٸندە دە, حالىقارالىق نارىقتا دا قولداۋ كٶرسەتۋ, – دەدٸ مەملەكەت باسشىسى.
ونىڭ ايتۋىنشا, ەكونوميكانى مونوپولييادان ارىلتۋ جەنە جاڭا نارىقتار اشۋ جۇمىستارى جالعاسادى.
– بەسەكەلەستٸك جاعدايى تەڭەستٸرٸلەدٸ. ەندٸ قانداي دا بٸر تۇلعاعا باسىمدىقتار بەرٸلمەيدٸ. مەملەكەتتٸك اپپاراتتاعى بايلانىستارى مەن ونىڭ تاراپىنان جاسالاتىن قامقورلىققا قاراماستان, قازاقستاندا ادال بيزنەسپەن اينالىسۋ كەز كەلگەن ادامعا تيٸمدٸ جەنە قاۋٸپسٸز بولۋعا تيٸس. بۇل – نەگٸزگٸ ۇستانىم. بٸز شاعىن جەنە ورتا بيزنەستٸ دامىتامىز. كەسٸپكەرلەردٸڭ جاڭا بۋىنىن ٶسٸرۋگە, جاڭا يدەيالار مەن وي-پٸكٸرلەردٸ قولداۋعا باسا مەن بەرەمٸز. سونىمەن قاتار مەملەكەت ٸرٸ, قالىپتاسقان بيزنەستٸ قولداۋدان باس تارتپايدى. كەرٸسٸنشە, بٸز, ەڭ الدىمەن, سٸزدەردٸ ەدٸلەتتٸ قازاقستان قۇرۋعا بەلسەنە اتسالىسۋعا شاقىرامىز, – دەدٸ مەملەكەت باسشىسى.
قاسىم-جومارت توقاەۆ بيزنەس ٶكٸلدەرٸنە وسى ماقساتتارعا جەتۋ ٷشٸن بٸرقاتار شەشٸم قابىلداناتىنىن جەتكٸزدٸ. اتاپ ايتقاندا, سالىق ساياساتى مەن سالىق ەكٸمشٸلٸگٸ تٷبەگەيلٸ قايتا قارالادى.
– 2024 جىلى جاڭا سالىق كودەكسٸ كٷشٸنە ەنەدٸ. ونى ەزٸرلەۋگە بيزنەس تٸكەلەي قاتىسادى. بۇل – مەنٸڭ ٷكٸمەتكە بەرگەن تاپسىرمام. 2024 جىلدان «باسىنان باستاپ رەتتەۋ» جٷيەسٸ ٸسكە قوسىلادى. بۇل بيزنەستٸ ارتىق ەكٸمشٸلٸك قىسىمنان بوساتادى. مەملەكەتتٸك ساتىپ الۋ تەسٸلدەرٸ مەن مەملەكەتتٸك-جەكەمەنشٸك ەرٸپتەستٸك مودەلٸ تولىعىمەن قايتا قارالىپ, جەر قويناۋىن پايدالانۋ جٶنٸندەگٸ زاڭناما جەتٸلدٸرٸلەدٸ, – دەدٸ قاسىم-جومارت توقاەۆ.
پرەزيدەنت سالالىق ساياساتىن, ونىڭ ٸشٸندە اگروٶنەركەسٸپ كەشەنٸن, قۇرىلىس سالاسىن, كٶلٸك-لوگيستيكا سەكتورىن دامىتۋعا قاتىستى ەدٸستەردٸ قايتا قاراۋ ماڭىزدى دەپ سانايدى.
– بٸزدٸڭ الدىمىزدا بيلٸكتٸڭ, قوعام مەن بيزنەستٸڭ كٷشٸن بٸرٸكتٸرۋ ارقىلى عانا ورىنداۋعا بولاتىن وراسان زور مٸندەت تۇر. وعان قوسا, 21 قاڭتاردا ٶتكەن كەزدەسۋ بارىسىندا مەن ايتقان مەملەكەت پەن بيزنەستٸڭ ٶزارا ٸس-ەرەكەت قاعيداتتارى ٶزگەرمەيتٸنٸن تاعى دا ناقتىلايمىن. ەستەرٸڭٸزگە سالا كەتەيٸن, بۇل – ادال بەسەكەلەستٸك, قابىلداناتىن شەشٸمدەردٸڭ اشىقتىعى, مەملەكەتتٸك ساياساتتىڭ بولجامدىلىعى, بيزنەستٸڭ سالىققا ادالدىعى, كەسٸپكەرلەردٸڭ ەلەۋمەتتٸك جاۋاپكەرشٸلٸگٸ, – دەدٸ مەملەكەت باسشىسى.
قاسىم-جومارت توقاەۆ ٸرٸ بيزنەس ٶكٸلدەرٸن قوعامدى تولعاندىراتىن ەلەۋمەتتٸك مەسەلەلەردٸ شەشۋدە شەت قالماۋعا شاقىردى.
– ادامي كاپيتالعا, اتاپ ايتقاندا, زاماناۋي بالاباقشالار, جايلى مەكتەپتەر, اۋرۋحانالار, ٸرگەلٸ ۋنيۆەرسيتەتتەر سالۋعا, تۋريزمدٸ دامىتۋعا ينۆەستيتسييا قۇيۋ دا ماڭىزدى. سٸزدەر قايىرىمدىلىق ٸستەر جاساۋدى جالعاستىرا بەرەتٸندەرٸڭٸزگە سەنٸمدٸمٸز. قازٸر ەلٸمٸزدە مەكتەپتەردٸڭ, ستۋدەنتتەر جاتاقحانالارىنىڭ, جاستارعا ارنالعان سپورت عيماراتتارىنىڭ تاپشىلىعى سەزٸلەدٸ. سٸزدەردٸڭ كٶمەكتەرٸڭٸز ەل ٷشٸن ەلەۋلٸ بولار ەدٸ, – دەدٸ پرەزيدەنت.
جيىن سوڭىندا مەملەكەت باسشىسى بيلٸك پەن بيزنەس اراسىنداعى كونسترۋكتيۆتٸ ديالوگتى جالعاستىرۋدىڭ ماڭىزدى ەكەنٸن اتاپ ٶتتٸ.
