قاسىم-جومارت توقاەۆ مەملەكەتتٸك كٷزەت قىزمەتٸنٸڭ 30 جىلدىعىنا ارنالعان ٸس-شاراعا قاتىستى, - دەپ حابارلايدى "ۇلت اقپارات" اقوردانىڭ رەسمي سايتىنا ٸلتەمە جاساپ.
پرەزيدەنت مەملەكەتتٸك كٷزەت قىزمەتٸنٸڭ جۇمىسىمەن تانىستى. بۇدان كەيٸن مكق-نىڭ 30 جىلدىعىنا ارنالعان سالتاناتتى ٸس-شاراعا قاتىسىپ, سالا قىزمەتكەرلەرٸن قۇتتىقتادى.
مەملەكەت باسشىسى بۇل قۇرىلىمنىڭ ۇلتتىق قاۋٸپسٸزدٸكتٸ قامتاماسىز ەتۋ جٷيەسٸندە اسا ماڭىزدى رٶل اتقاراتىنىن, كٷزەت قىزمەتكەرلەرٸنە ايرىقشا جاۋاپكەرشٸلٸك جٷكتەلگەنٸن اتاپ ٶتتٸ.
"ەل باسشىلىعىنىڭ قاۋٸپسٸزدٸگٸن قامتاماسىز ەتۋ, ستراتەگييالىق نىسانداردى, سونداي-اق شەتەلدەن كەلگەن مەرتەبەلٸ مەيمانداردى قورعاۋ وڭاي جۇمىس ەمەس. سٸزدەر وسى مٸندەتتٸ ابىرويمەن اتقارىپ كەلەسٸزدەر. بۇل 30 جىل ٸشٸندە قالىپتاسقان يگٸ دەستٷر, ساباقتاستىق ەكەنٸ سٶزسٸز. بٷگٸندە كٷزەت قىزمەتٸنٸڭ ەلەۋەتٸ وراسان زور. جاۋىنگەرلٸك تەحنيكالىق جەنە جەدەل ەرەكەت ەتۋ مٷمكٸندٸكتەرٸ مول. شىن مەنٸندە, مەملەكەتتٸك كٷزەت قىزمەتٸن ناعىز پاتريوتتاردىڭ ۇجىمى دەۋگە بولادى. ەڭ جاۋاپتى سەتتە وتان ٷشٸن ايانباي, ادال قىزمەت ەتٸپ كەلەسٸزدەر", - دەدٸ قاسىم-جومارت توقاەۆ.
قاسىم-جومارت توقاەۆ قازٸرگٸ شيەلەنٸستٸ گەوساياسي جاعدايدا مەملەكەتتٸك كٷزەت قىزمەتٸنٸڭ تٷرلٸ سىن-قاتەرلەر مەن قاۋٸپتەرگە دەر كەزٸندە تٶتەپ بەرۋ مٷمكٸندٸگٸنٸڭ اسا ماڭىزدى ەكەنٸنە توقتالدى.
"جەكە قۇرامنىڭ بٸلٸمٸ مەن بٸلٸكتٸلٸگٸن ودان ەرٸ دامىتىپ, مەملەكەتتٸك كٷزەتتٸڭ بٷكٸل جٷيەسٸن جەتٸلدٸرۋ قاجەت. مەملەكەتتٸك كٷزەت قىزمەتٸ - ەرەكشە قۇرىلىم. سوندىقتان وعان قويىلاتىن تالاپ تا ەرقاشان جوعارى بولماق. سٸزدەر جٷكتەلگەن مٸندەتتٸ شۇعىل ەرٸ تيٸمدٸ اتقارادى دەپ سەنەمٸن. مٸنسٸز قىزمەتتەرٸڭٸز ٷشٸن بارشاڭىزعا شىنايى ريزاشىلىعىمدى بٸلدٸرەمٸن", - دەدٸ قازاقستان پرەزيدەنتٸ.
مەملەكەت باسشىسى سالا قىزمەتكەرلەرٸنٸڭ ەڭبەگٸنە تابىس تٸلەپ, بٸرقاتارىن مەملەكەتتٸك ناگرادالارمەن ماراپاتتادى. اتاپ ايتقاندا ٸ جەنە ٸٸ دەرەجەلٸ "ايبىن" وردەندەرٸ, "جاۋىنگەرلٸك ەرلٸگٸ ٷشٸن" مەدالدارى تابىستالىپ, پرەزيدەنتتٸڭ العىسى جارييالاندى.
قاسىم-جومارت توقاەۆ ماراپاتتاۋ رەسٸمٸنەن كەيٸن مەرەكەلٸك كونتسەرتتٸ تاماشالادى.
