توقاەۆ مەجٸلٸس تٶراعاسىن قابىلدادى

ەرلان قوشانوۆتىڭ ايتۋىنشا, قازٸرگٸ ۋاقىتتا دەپۋتاتتار حالىقپەن كەزدەسۋلەر ٶتكٸزٸپ, جەرگٸلٸكتٸ جەرلەردەگٸ احۋالمەن تانىسۋ ٷشٸن ٶڭٸرلەرگە اتتانعان. ولار ازاماتتاردىڭ كٶتەرگەن ماڭىزدى دەگەن پروبلەمالارىن زەرتتەپ, جٷيەلەيدٸ. سودان كەيٸن ٷكٸمەتپەن بٸرلەسٸپ بۇل مەسەلەلەردٸ شەشەتٸن بولادى.

مەجٸلٸس تٶراعاسى پرەزيدەنتكە پارلامەنتتٸڭ تٶمەنگٸ پالاتاسى جۇمىسىنىڭ جاڭا فورماتى, سونىڭ ٸشٸندە قوعامدىق پالاتا قۇرۋ جٶنٸندە ايتتى.

بۇدان بٶلەك, ەرلان قوشانوۆ قاسىم-جومارت توقاەۆقا اMANAT پارتيياسىنىڭ قوعامداعى ەلەۋمەتتٸك ەدٸلدٸكتٸ قامتاماسىز ەتۋگە جەنە ازاماتتاردىڭ ەل-اۋقاتىن ارتتىرۋعا باعىتتالعان جۇمىستارى تۋرالى باياندادى. "جەر اماناتى" جوباسى اياسىندا پايدالانىلمايتىن جەنە اۋىل شارۋاشىلىعى ماقساتىنداعى زاڭسىز بەرٸلگەن جەرلەردٸ مەملەكەت مەنشٸگٸنە قايتارۋ جۇمىستارى جٷرگٸزٸلٸپ جاتىر.

پارتييا ٷكٸمەتپەن بٸرلەسٸپ, "اۋىل اماناتى" جوباسىن جٷزەگە اسىرۋدا. اۋىل تۇرعىندارى بٶلشەك ساۋدا جەلٸسٸنٸڭ تالاپتارى مەن تۇتىنۋشىلاردىڭ سۇرانىسىن ەسكەرە وتىرىپ, اۋىل شارۋاشىلىعى ٶنٸمدەرٸن ٶندٸرۋ جٶنٸندەگٸ جاڭا قۇزىرەتتەردٸ ٷيرەنەدٸ. وسى رەتتە تۇرعىندار سانى 7,7 ميلليون ادام بولاتىن 2400 اۋىلدىق وكرۋگتٸ قامتۋ جوسپارلانىپ وتىر.

سونىمەن بٸرگە مەجٸلٸس تٶراعاسى مەملەكەت باسشىسىنا 23-24 ماۋسىم ارالىعىندا چولپون-اتا قالاسىندا ٶتكەن تٷركٸتٸلدەس مەملەكەتتەردٸڭ پارلامەنتتٸك اسسامبلەياسىنىڭ XI پلەنارلىق وتىرىسىنا قاتىسقان قازاقستان دەلەگاتسيياسى جۇمىسىنىڭ قورىتىندىسى تۋرالى باياندادى.