مەملەكەت باسشىسى قاسىم-جومارت توقاەۆتىڭ تٶراعالىعىمەن ٶكٸلەتتٸ ورگاندار باسشىلارىنىڭ كەڭەسٸ ٶتتٸ, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
جيىنعا باس پروكۋراتۋرانىڭ, ۇلتتىق قاۋٸپسٸزدٸك كوميتەتٸنٸڭ, قورعانىس جەنە ٸشكٸ ٸستەر مينيسترلٸكتەرٸنٸڭ بٸرٸنشٸ باسشىلارى, سونداي-اق پرەزيدەنت ەكٸمشٸلٸگٸنٸڭ باسشىلىعى مەن قاۋٸپسٸزدٸك كەڭەسٸنٸڭ اپپاراتى قاتىستى.
مەملەكەت باسشىسىنا قاڭتار ايىنىڭ بٸرٸنشٸ ونكٷندٸگٸندە ەلٸمٸزدٸڭ بٸرقاتار ٶڭٸرٸندە بولعان وقيعالار بويىنشا سوتقا دەيٸنگٸ الدىن الا تەرگەۋ امالدارىنىڭ بارىسى, سونداي-اق ارنايى جٷرگٸزٸلگەن وپەراتسييالاردىڭ نەتيجەلەرٸ, ەلٸمٸزدە قوعامدىق قاۋٸپسٸزدٸك پەن قۇقىقتىق تەرتٸپتٸ قامتاماسىز ەتۋ شارالارى تۋرالى باياندالدى.
كەڭەس قورىتىندىسى بويىنشا قاسىم-جومارت توقاەۆ بٸرقاتار ناقتى تاپسىرمالار بەردٸ. قازاقستاندا, سونىڭ ٸشٸندە الماتىدا بولعان قايعىلى جاعدايلاردى جان-جاقتى زەرتتەۋ مەسەلەسٸنە, قازا بولعان بەيبٸت تۇرعىنداردىڭ ناقتى سانىن انىقتاۋعا, قيىن-قىستاۋ كەزدەردە كٷشتٸك قۇرىلىمداردىڭ ٸس-قيمىلدارىن ٷيلەستٸرۋدٸڭ جاڭا نورماتيۆتٸك بازاسىن ەزٸرلەۋگە باسا مەن بەرٸلدٸ.
قاسىم-جومارت توقاەۆ قاۋٸپسٸزدٸك كەڭەسٸنٸڭ حاتشىسىنا ارناۋلى وپەراتسييالار كٷشتەرٸن جاساقتاۋ جۇمىستارىن جەدەلدەتۋدٸ جەنە ۇلتتىق قاۋٸپسٸزدٸك جٷيەسٸن قايتا قۇرۋ جٶنٸندە ناقتى ۇسىنىس بەرۋدٸ تاپسىردى.
پرەزيدەنت لاڭكەستٸككە قارسى وپەراتسييالار مەن تەرگەۋ شارالارىن جٷرگٸزۋ بارىسىندا ازاماتتار قۇقىعىنىڭ بۇزىلۋىنا جول بەرمەۋدٸڭ ماڭىزدى ەكەنٸن ايتتى.
