فوتو: اقوردانىڭ باسپاسٶز قىزمەتٸ
مەملەكەت باسشىسى قوستاناي وبلىسىنىڭ ەكٸمٸ قۇمار اقساقالوۆتى قابىلدادى, - دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
پرەزيدەنتكە قوستاناي وبلىسىنىڭ بىلتىرعى ەلەۋمەتتٸك-ەكونوميكالىق دامۋى تۋرالى ەسەپ بەرٸلدٸ.
وبلىس ەكٸمٸ 2023 جىلدىڭ قورىتىندىسى بويىنشا ٶڭٸردٸڭ نەگٸزگٸ ماكروەكونوميكالىق ٶسٸم كٶرسەتكٸشتەرٸندە وڭ ديناميكا بايقالاتىنىن باياندادى. اتاپ ايتقاندا, ٶڭدەۋ ٶنەركەسٸبٸ 11 پايىز, قۇرىلىس سالاسى 7 پايىز, نەگٸزگٸ كاپيتالعا سالىنعان ينۆەستيتسييا 8,5 پايىز, كٶلٸك تاسىمالى 3 پايىز, تۇرعىن ٷيدٸ پايدالانۋعا بەرۋ كٶلەمٸ 5 پايىز ٶسكەن.
قۇمار اقساقالوۆتىڭ مەلٸمەتٸنشە, جالپى ٶڭٸرلٸك ٶنٸمدەگٸ ٶنەركەسٸپ سالاسىنىڭ ٷلەسٸ 30 پايىزدان استى. ەسٸرەسە, جەرگٸلٸكتٸ ماشينا جاساۋ كەسٸپورنىندا شىعارىلاتىن اۆتوكٶلٸك مودەلدەرٸنٸڭ قاتارى كٶبەيٸپ كەلەدٸ. «سارىارقااۆتوٶنەركەسٸپ» جشس جىلىنا 30 مىڭ Chevrolet وnix اۆتوكٶلٸگٸن قۇراستىرۋ ٷشٸن قۇنى 23 ميلليارد تەڭگە بولاتىن ينۆەستيتسييالىق جوبانى جٷزەگە اسىرا باستادى. نەتيجەسٸندە 400 جاڭا جۇمىس ورنى اشىلماق. سونداي-اق KIA ماشينا جاساۋ زاۋىتىنىڭ قۇرىلىسى باستالدى. كورەيالىق اۆتوكونتسەرنمەن بٸرلەسكەن بۇل جوباعا 90 ميلليارد تەڭگە كٶلەمٸندە ينۆەستيتسييا تارتىلعان. اتالعان جوبا اياسىندا جىلىنا 70 مىڭ كٶلٸك شىعارىلادى جەنە 1,5 مىڭ جاڭا جۇمىس ورنى اشىلادى دەپ جوسپارلانىپ وتىر. بۇعان قوسا, اۆتوكٶلٸكتٸڭ قوسالقى بٶلشەكتەرٸن ٶندٸرەتٸن لوكاليزاتسييالىق ورتالىق سالۋ كٶزدەلگەن. جوبا قۇنى – 13 ميلليارد تەڭگە.
سونىمەن قاتار پرەزيدەنتكە قوستاناي ٶڭٸرٸن سۋمەن قامتۋ, ەلەۋمەتتٸك نىساندار سالۋ بارىسى جٶنٸندە مەلٸمەت بەرٸلدٸ. وبلىس ەكٸمٸنٸڭ ايتۋىنشا, ٶتكەن جىلى ەلدٸ مەكەندەردٸ سۋمەن قامتاماسىز ەتۋ ٷشٸن جالپى قۇنى 21 ميلليارد تەڭگە بولاتىن 69 جوبا قولعا الىنعان. بٷگٸندە 37 جوبا تولىقتاي جٷزەگە اسىرىلدى. نەتيجەسٸندە ايماق تۇرعىندارىن سۋمەن قامتۋ كٶرسەتكٸشٸ 86,6 پايىزعا دەيٸن جەتكەن جەنە قازٸرگٸ ۋاقىتتا 347 اۋىل تازا اۋىزسۋ تۇتىنىپ وتىر.
بٷگٸندە وبلىستا جالپى سىيىمدىلىعى 1 980 وقۋشىعا ارنالعان ٷش مەكتەپتٸڭ قۇرىلىسى جٷرگٸزٸلٸپ جاتىر. وبلىس ورتالىعىندا «IQostanay» وقۋشىلار سارايى اشىلدى. ورتالىقتا 1300 بالانىڭ جان-جاقتى دامۋىنا جاعداي جاسالعان. بۇعان قوسا, 2025 جىلعا دەيٸن 7500 ورىندىق 9 زاماناۋي مەكتەپ سالۋ جوسپارلانعان. ونىڭ ٸشٸندە 8 بٸلٸم ورداسى «جايلى مەكتەپ» جوباسى اياسىندا پايدالانۋعا بەرٸلەدٸ.
قۇمار اقساقالوۆ مەملەكەت باسشىسىنىڭ تاپسىرماسىنا سەيكەس قازٸرگٸ كەزدە اقتٶبە وبلىسىنان قوستاناي قالاسىنا دەيٸن ماگيسترالدى گاز قۇبىرىن تارتۋ ٷشٸن تەحنيكالىق-ەكونوميكالىق نەگٸزدەمە ەزٸرلەنٸپ جاتقانىن جەتكٸزدٸ. بۇل جوبا قوستاناي ٶڭٸرٸنٸڭ ەلدٸ مەكەندەرٸن كٶگٸلدٸر وتىنمەن قامتاماسىز ەتٸپ قانا قويماي, ٸرٸ ينۆەستيتسييالىق جوبالاردىڭ ٸسكە اسىرىلۋىنا قولايلى جاعداي جاسايدى. گازبەن قامتاماسىز ەتۋ كٶلەمٸن ۇلعايتۋ بٸرنەشە جوبانى جٷزەگە اسىرۋعا, سونىڭ ٸشٸندە ىستىق كٷيٸندە بريكەتتەلگەن تەمٸر شىعاراتىن جەنە بولات بالقىتاتىن زاۋىتتار سالۋعا مٷمكٸندٸك بەرەدٸ. ٶز كەزەگٸندە بۇل ٶڭٸردٸڭ ەكونوميكاسىن جانداندىرىپ, جاڭا جۇمىس ورىندارى اشىلادى.
كەزدەسۋ سوڭىندا مەملەكەت باسشىسى قاسىم-جومارت توقاەۆ وبلىس ەكٸمٸنە جىلىتۋ ماۋسىمىن قالىپتى رەجيمدە ٶتكٸزۋ, ٶڭٸردٸ گازبەن قامتاماسىز ەتۋ جوباسىن ۋاقىتىلى جٷزەگە اسىرۋ مەسەلەلەرٸن ٷكٸمەتپەن بٸرگە ايرىقشا باقىلاۋعا الۋدى, سونداي-اق كٶكتەمگٸ ەگٸس ناۋقانىنا ەزٸرلٸكتٸ پىسىقتاۋدى تاپسىردى.
