فوتو: اقوردا
مەملەكەت باسشىسى قاسىم-جومارت توقاەۆ حالىقارالىق جاستار كٷنٸنە ارنالعان Jastar Fest فورۋمىنا قاتىسۋشىلارعا قۇتتىقتاۋ سٶزٸن جولدادى, دەپ حابارلايدى Ult.kz.
پرەزيدەنت ٶز سٶزٸندە جاستاردىڭ ەل دامۋىنا قوسىپ جاتقان ٷلەسٸن جوعارى باعالاپ, ۆولونتەرلٸك قىزمەتتەن باستاپ سپورت پەن بٸلٸم سالاسىنداعى جەتٸستٸكتەرٸن اتاپ ٶتتٸ. توقاەۆتىڭ ايتۋىنشا, ەڭبەكقورلىق, بٸلٸمپازدىق, جاناشىرلىق پەن جاۋاپكەرشٸلٸك – جاس بۋىن بويىندا بولۋى تيٸس ەڭ ماڭىزدى قاسيەتتەر.
بيىل قازاقستاندا جۇمىسشى ماماندىقتارى جىلى ٶتٸپ جاتقانىن ەسكە سالعان مەملەكەت باسشىسى ەڭبەك ادامىنا دەگەن قۇرمەتتٸ ارتتىرۋدىڭ ماڭىزدىلىعىن ايتتى. ول جاستاردىڭ ٶزگەرٸستەردٸڭ الدىڭعى شەبٸندە بولىپ, ٶزٸن-ٶزٸ دامىتۋعا ۇمتىلۋىن ەرەكشە اتاپ ٶتتٸ.
پرەزيدەنت ەلٸمٸزدە جاستارعا بٸلٸم الۋ, جۇمىسقا ورنالاسۋ, كەسٸپكەرلٸكتٸ دامىتۋ, باسپانا الۋ جەنە ساياسي ٶمٸرگە ارالاسۋ ٷشٸن كەڭ مٷمكٸندٸكتەر جاسالىپ وتىرعانىن جەتكٸزدٸ. ونىڭ ايتۋىنشا, بۇل يگٸلٸكتەردەن 600 مىڭنان استام جاس قازاقستاندىق پايدالانىپ وتىر.
«قازاقستان جاستارى – كٶزٸ اشىق, كٶكٸرەگٸ وياۋ, ويى ۇشقىر, جاسامپاز ازاماتتار. ەلٸمٸزدٸڭ جارقىن بولاشاعى – ٶسكەلەڭ ۇرپاقتىڭ قولىندا. مەن سٸزدەرگە سەنەمٸن», – دەدٸ توقاەۆ.
Jastar Fest فورۋمى پاۆلودار قالاسىندا ٶتٸپ جاتىر.
