كەز كەلگەن كٷردەلٸ كەزەڭ ادامنىڭ جٸگەرٸن جانىپ, رۋحىن قايرايدى. «Egemen Qazaqstan» گازەتٸنە بەرگەن سۇحباتىندا قر پرەزيدەنتٸ قاسىم-جومارت توقاەۆ وسىلاي ايتتى, دەپ حابارلايدى.
«تٶتەنشە جاعداي كٷندەلٸكتٸ ٶمٸرٸمٸزگە ەلەۋلٸ ٶزگەرٸس ەنگٸزدٸ. جوسپارلانعان جۇمىستاردى, تٷرلٸ ٸس-شارالاردى كەيٸنگە قالدىرۋعا مەجبٷر بولدىق. وسىنداي كەزدە, ەڭ الدىمەن, نە نەرسەنٸڭ اسا باعالى ەكەنٸن تٷسٸندٸك. بۇل – ادامنىڭ ٶمٸرٸ, ادامي قارىم-قاتىناستار, ازاماتتاردىڭ دەنساۋلىعى, قوعامنىڭ بەرەكە-بٸرلٸگٸ. بٸر-بٸرٸمٸزگە قولداۋ كٶرسەتۋدٸڭ قانشالىقتى ماڭىزدى ەكەنٸن دە اڭعاردىق. قالعان دٷنيەنٸڭ بەرٸن بٸرتٸندەپ رەتكە كەلتٸرۋگە بولادى», - دەدٸ ق.توقاەۆ.
مەملەكەت باسشىسىنىڭ ايتۋىنشا, پاندەمييا كەزٸندە بٷكٸل قوعامىمىز سىنعا تٷستٸ.
«كٶپتەگەن ازاماتتار قيىن سەتتە ەلگە قىزمەت ەتۋدٸڭ وزىق ٷلگٸسٸن تانىتتى. بۇل – پاراساتتى پاتريوتيزمنٸڭ كٶرٸنٸسٸ. كەز كەلگەن كٷردەلٸ كەزەڭ ادامنىڭ جٸگەرٸن جانىپ, رۋحىن قايرايدى. ەلەمگە جايىلعان ٸندەت تۇسىنداعى احۋال حالقىمىزدى ودان ەرٸ ۇيىستىرا تٷسەتٸنٸ انىق.
وسى رەتتە, ۇلى ابايدىڭ «توقتاۋلىلىق, قالىپتى شىدامدىلىق – بۇل قايراتتان شىعادى, بٸلسەڭ كەرەك» دەگەن ٶلەڭ جولى ويعا ورالادى. شىن مەنٸندە, تاباندىلىق پەن تٶزٸمدٸلٸك تانىتساق, قيىندىققا تٶتەپ بەرەمٸز. ەلٸمٸز بۇل قيىندىقتان شيراپ ەرٸ شىڭدالىپ شىعادى دەپ تولىق سەنٸممەن ايتا الامىن. بارلىق قيىندىقتى بٸرگە جەڭەمٸز!», - دەدٸ قازاقستان پرەزيدەنتٸ.
