قازاقستان پرەزيدەنتٸ قاسىم-جومارت توقاەۆ «قازمۇنايگاز» ۇك» اكتسيونەرلٸك قوعامىنىڭ باسقارما تٶراعاسى اليك ايدارباەۆتى قابىلدادى, دەپ حابارلايدى "ۇلت اقپارات" اقورداعا سٸلتەمە جاساپ.
كەزدەسۋ بارىسىندا مەملەكەت باسشىسىنا ۇلتتىق كومپانييانىڭ بيىلعى 4 ايدىڭ ٸشٸندە اتقارعان جۇمىستارىنىڭ نەگٸزگٸ قورىتىندىلارى مەن الداعى جوسپارلارى تۋرالى مەلٸمەت بەرٸلدٸ.
قاسىم-جومارت توقاەۆقا ٸرٸ ينۆەستيتسييالىق جوبالاردىڭ جٷزەگە اسىرىلۋى, سونداي-اق, كومپانييانىڭ IPO-عا دايىندىعى جٶنٸندە باياندالدى.
قازاقستان پرەزيدەنتٸ باستالعان جوبالاردىڭ بەرٸن مەرزٸمٸندە اياقتاۋدى تاپسىردى. سونىمەن قاتار, مەملەكەت باسشىسى كورپوراتيۆتٸك باسقارۋ ٸسٸن دامىتۋ, ۇلتتىق كومپانيياعا بٸلٸكتٸ جاس مامانداردى تارتۋ قاجەتتٸگٸن ايتتى.
