قر پرەزيدەنتٸ قاسىم-جومارت توقاەۆ كٶمٸرتەگٸ بەيتاراپتىعىنا قول جەتكٸزۋ ٶزەكتٸ مەسەلەگە اينالعانىن اتاپ ٶتتٸ, دەپ حابارلايدى قازاقپارات.
«قازٸر دٷنيە جٷزٸ ەكولوگييالىق تٷيتكٸلدەردٸ شەشۋگە ەرەكشە مەن بەرۋدە. كٶمٸرتەگٸ بەيتاراپتىعىنا قول جەتكٸزۋ ٶزەكتٸ مەسەلەگە اينالدى. پايدالى قازبالاردى جاپپاي يگەرۋدەن باس تارتىپ جاتقان ەلدەردٸڭ سانى ارتىپ كەلەدٸ. بٸز بۇل ٷدەرٸستەن تىس قالا المايمىز. مەسەلەنٸ تيٸمدٸ شەشۋ جولىن قاراستىرۋىمىز كەرەك. قازاقستاننىڭ كٶمٸرسۋتەگٸ قورى مول. سوعان قاراماستان, بٸز جاڭارتىلاتىن قۋات كٶزدەرٸن دامىتا بەرەمٸز. بۇل مٸندەت «جاسىل ەكونوميكاعا» كٶشۋ تۋرالى تۇجىرىمدامادا كٶرٸنٸس تاپتى. جوسپارلانعان شارالار 2060 جىلعا قاراي كٶمٸرتەگٸدەن ارىلۋعا جول اشادى. سونداي-اق, الداعى ون جىلدا پارنيكتٸ گاز شىعارۋدى 15 پايىزعا ازايتۋعا مٷمكٸندٸك بەرەدٸ. وسىنىڭ اياسىندا بٸز 2025 جىلعا دەيٸن 500 مىڭ گەكتار جەرگە 2 ميلليارد تٷپ اعاش وتىرعىزۋدى جوسپارلاۋدامىز», - دەدٸ مەملەكەت باسشىسى تٷركٸ مەملەكەتتەرٸ ۇيىمىنىڭ سامميتٸندە.
بۇعان قوسا قازٸر ەلٸمٸزدەگٸ جاڭارتىلاتىن قۋاتتىڭ ٷلەسٸن 3 پايىزعا جەتكٸزٸلدٸ.
«ونى 2030 جىلعا قاراي 15 پايىزعا دەيٸن ارتتىرامىز. سول ماقساتپەن نۇر-سۇلتان قالاسىندا «جاسىل تەحنولوگييالار مەن ينۆەستيتسييالىق جوبالاردىڭ حالىقارالىق ورتالىعىن» اشتىق», - دەدٸ پرەزيدەنت.
سونىمەن قاتار ق. توقاەۆ قازٸر سۋتەگٸ ەنەرگەتيكاسىنىڭ ماڭىزى ارتىپ كەلە جاتقانىن ەسكە سالدى. حالىقارالىق قاۋىمداستىق ونى «تازا» وتىننىڭ جاڭا تٷرٸ دەپ سانايدى.
«بٸز بۇل سالانى دامىتۋ ٷشٸن ارنايى ورتالىق قۇرىپ, يننوۆاتسييانى پايدالانۋ تەجٸريبەسٸن زەرتتەۋگە كٸرٸستٸك. قازاقستاندا جاسىل سۋتەگٸنٸڭ ٶنەركەسٸپتٸك كلاستەرٸن قۇرۋعا مول مٷمكٸندٸك بار. ەلٸمٸزدٸڭ عىلىمي ەلەۋەتٸ جەتكٸلٸكتٸ, بٸلٸكتٸ كادرلارمەن دە قامتاماسىز ەتە الامىز. وسى ورايدا, ەلدەرٸمٸزدٸڭ باستى عىلىمي مەكەمەلەرٸن جۇمىلدىرىپ, حالىقارالىق كونسورتسيۋم قۇرۋدى ۇسىنامىن. بۇل قۇرىلىم سۋتەگٸنٸ ٶندٸرەتٸن, ونى ساقتاپ, تاسىمالدايتىن جاڭا تەحنولوگييانى دامىتۋ ٷشٸن قاجەت. مۇندا عالىمدارىمىز باس قوسىپ, ٶزارا تەجٸريبە الماسۋىنا بولادى», - دەدٸ مەملەكەت باسشىسى.
