قاسىم-جومارت توقاەۆ قازاقستان مەن رەسەيدٸڭ XVII ٶڭٸرارالىق ىنتىماقتاستىق فورۋمىنا قاتىستى, دەپ حابارلايدى اقوردا.
شەكارا ماڭىنداعى ايماقتار اراسىنداعى ىنتىماقتاستىقتى دامىتۋدىڭ ٶزەكتٸ مەسەلەلەرٸنە ارنالعان فورۋمنىڭ جۇمىسىنا وبلىستاردىڭ باسشىلارى, ەكٸ ەلدٸڭ سالالىق مەملەكەتتٸك ورگاندارى مەن ٸسكەر توپتارىنىڭ ٶكٸلدەرٸ قاتىستى.
قازاقستان پرەزيدەنتٸ جيىنعا قاتىسۋشىلار الدىندا سٶيلەگەن سٶزٸندە فورۋم ەكٸجاقتى قاتىناستاردىڭ, ەسٸرەسە ٶڭٸرلەردٸڭ ٶزارا بايلانىستارىنىڭ قۇرامداس ەرٸ ماڭىزدى بٶلٸگٸنە اينالعانىن ايتتى. مەملەكەت باسشىسى ٸندەتتٸڭ تارالۋىنا بايلانىستى كٷردەلٸ كەزەڭدە قازاقستانعا كٶرسەتكەن كٶمەگٸ ٷشٸن ۆلاديمير پۋتينگە ريزاشىلىعىن بٸلدٸردٸ.
– رەسەي العاشقىلاردىڭ بٸرٸ بولىپ دەرٸ-دەرمەك جەتكٸزدٸ, سىناما جٷيەلەرٸن قايتارىمسىز ۇسىندى, قازاقستان ازاماتتارىن ەۆاكۋاتسييالاۋعا ايتارلىقتاي كٶمەك كٶرسەتتٸ. بٸرنەشە اپتا بويى رەسەيلٸك دەرٸگەرلەر قازاقستاندىق ەرٸپتەستەرٸمەن ەپيدەميولوگييالىق احۋالى كٷردەلٸ ٶڭٸرلەردە يىق تٸرەسە ەڭبەك ەتتٸ جەنە تەجٸريبەلەرٸ مەن بٸلٸمدەرٸن بٶلٸسە وتىرىپ, ٶزدەرٸنٸڭ كەسٸبي مٸندەتتەرٸن ابىرويمەن اتقاردى. ٶزارا ۋاعدالاستىقتاردى ورىنداۋ بارىسىندا رەسەيلٸك «سپۋتنيك V» ۆاكتسيناسىن قاراعاندى فارماتسەۆتيكالىق كەشەنٸنٸڭ بازاسىندا ٶندٸرۋدٸڭ ٸسكە قوسىلۋى وسى كەزەڭدەگٸ ىنتىماقتاستىعىمىزدىڭ ماڭىزدى سەتٸ بولدى. مۇنىڭ بەرٸ رەسەي مەن قازاقستاننىڭ ستراتەگييالىق سەرٸكتەس ەرٸ وداقتاس ەكەنٸن ناقتىلاي تٷستٸ, – دەدٸ قاسىم-جومارت توقاەۆ.
پرەزيدەنتتٸڭ ايتۋىنشا, قازاقستاندا 7500-دەن استام رەسەيلٸك جەنە 3500-گە جۋىق بٸرلەسكەن كەسٸپورىن تابىستى جۇمىس ٸستەپ جاتىر. ىنتىماقتاستىق ورناتقان ۋاقىتتان بەرٸ فورۋم اياسىندا 200-گە جۋىق كەلٸسٸم مەن شارتقا قول قويىلدى. وسى كەزەڭدە تاۋار اينالىمى 3,5 ەسەگە ٶسٸپ, 19 ميلليارد دوللارعا جەتتٸ. رەسەيدەن تارتىلعان تٸكەلەي ينۆەستيتسييانىڭ كٶلەمٸ سوڭعى 15 جىلدا 16 ميلليارد دوللاردان استى. ٶز كەزەگٸندە رەسەيگە سالىنعان قازاقستاندىق ينۆەستيتسييانىڭ كٶلەمٸ 4,5 ميلليارد دوللارعا جۋىقتادى. ەلدەرٸمٸز اراسىنداعى ٸس-قيمىلدار ەكونوميكانىڭ بارلىق سالاسى: ٶنەركەسٸپ, اۋىل شارۋاشىلىعى جەنە ينفراقۇرىلىم باعىتتارى بويىنشا جٷرگٸزٸلۋدە.
– بيىل بٸز مۇناي تاسىمالدايتىن كاسپيي قۇبىر جەلٸسٸ كونسورتسيۋمى – ٸرٸ حالىقارالىق جوبانىڭ 25 جىلدىعىن اتاپ ٶتەمٸز. بۇل كەسٸپورىن قۇرىلعان ۋاقىتتان بەرٸ ەلەمدٸك نارىققا 745 ميلليون توننادان استام مۇناي تاسىمالدادى. مۇناي ٶندٸرۋ ٸسٸنٸڭ ارتۋىنا جەنە جاڭا كەن ورىندارىنىڭ يگەرٸلۋٸنە, سونىڭ ٸشٸندە مۇناي ٶندٸرۋ جٶنٸندەگٸ بٸرلەسكەن جوبالاردىڭ ەزٸرلەنۋٸنە بايلانىستى مۇناي قۇبىرلارىنىڭ ٶتكٸزۋ مٷمكٸندٸگٸن الدىن الا كٷشەيتۋ, وسى كٷردەلٸ حالىقارالىق جوبانى باسقارۋدىڭ تۇراقتىلىعىن قامتاماسىز ەتۋ ماڭىزدى. بٸزدٸڭ كەسٸپورىندارىمىز تەڭٸز, قاراشىعاناق سيياقتى ەلەمدٸك دەڭگەيدەگٸ كەن ورىندارىن بٸرلەسە يگەرۋدە. كاسپييدٸڭ قازاقستاندىق بٶلٸگٸندە جەڭٸس, ەل-فارابي تەڭٸز جوبالارى جٷزەگە اسىرىلۋدا. بۇل جوبالاردىڭ جالپى قۇنى 6,5 ميلليارد دوللار. بۇدان بٶلەك بٸز قالامقاس-تەڭٸز – حازار ٸرٸ كەن ورىندارىن يگەرۋگە كٸرٸسەمٸز. رەسەيمەن اراداعى ستراتەگييالىق سەرٸكتەس انىقتالدى. ول «لۋكويل» كومپانيياسى. جوبانىڭ جالپى قۇنى – 5 ميلليارد دوللارعا جۋىق. بٸز تەڭٸز جوبالارىن جٷزەگە اسىرىپ جاتقان ينۆەستورلار ٷشٸن قولايلى جاعداي جاسادىق, – دەدٸ مەملەكەت باسشىسى.
ونىڭ ايتۋىنشا, قازاقستان ٷكٸمەتٸ ينۆەستيتسيياعا قاتىستى جاڭا مەحانيزم – ٷزدٸك مودەلدٸ كەلٸسٸم ەزٸرلەگەن. اتالعان قۇجات ينۆەستيتسييانىڭ زاڭدىق تۇرعىدان قورعالۋىن جەنە تۇراقتىلىعىن قامتاماسىز ەتەدٸ, سونداي-اق جەڭٸلدٸكتەردٸڭ جاڭارتىلعان توپتاماسىن قامتيدى.
قاسىم-جومارت توقاەۆ ٶندٸرٸستٸك كووپەراتسييا سالاسىنداعى بٸرلەسكەن ٸس-قيمىل جٶنٸندەگٸ باعدارلامالاردىڭ سەتتٸ جٷزەگە اسىرىلىپ جاتقانىن اتاپ ٶتٸپ, رەسەيلٸك سەرٸكتەستەردٸ جاڭا جوبالاردى ٸسكە اسىرۋعا شاقىردى. قازٸرگٸ ۋاقىتتا 3 جوبا ٸسكە قوسىلدى. ولار: «كيروۆەتس» ماركالى تراكتورىن, «Hyundai» اۆتوموبيلٸن جەنە گاز اۆتوكٶلٸكتەرٸنە ارنالعان قوسالقى بٶلشەكتەردٸ شىعارۋ جوباسى. سەۋٸردە قۋاتتىلىعى جىلىنا 3,5 ميلليون دانا دٶڭگەلەك شىعاراتىن زاۋىتتىڭ قۇرىلىسى باستالدى.
– مەملەكەتتەرٸمٸزدەگٸ پورتتاردىڭ قۋاتتىلىعىنىڭ ەلەۋەتٸ زور. قازٸرگٸ جاعدايدا نەگٸزگٸ ەكسپورتتاۋشىلار قالىپتاسقان باعىتتارعا بالاما جولدار قاراستىرۋدا. سوندىقتان قازاقستان مەن رەسەيدٸڭ تەڭٸز پورتتارى ارقىلى مۋلتيمودالدٸ ترانسكاسپيي باعىتىن دامىتۋ ٶتە ٶزەكتٸ بولىپ وتىر. بٸز رەسەيدٸڭ سولتٷستٸك تەڭٸز جولىنا قاتىستى ٷلكەن جوسپارلارى مەن جوبالارى تۋرالى بٸلەمٸز. ٸس جٷزٸندە قازاقستان مەن رەسەي بٸرلەسە وتىرىپ, ەكسپورتتاۋشىلارعا ەۋروپاداعى جەنە باسقا دا ايماقتارداعى كٶلٸك توراپتارىمەن بايلانىستىراتىن بالاما ترانزيتتٸ باعىتتار جەلٸسٸن ۇسىنا الادى, – دەدٸ قازاقستان پرەزيدەنتٸ.
مەملەكەت باسشىسى ەكٸ ەلدٸڭ شەكاراسى ارقىلى ٶتەتٸن جٷك تاسىمالداۋشىلاردىڭ مەسەلەلەرٸنە ارنايى توقتالدى.
– قازاقستان مەن رەسەي شەكاراسىندا 30 اۆتوكٶلٸك بەكەتٸ بار. ونىڭ تەك بەسەۋٸ عانا باقىلاۋ-تەكسەرۋ كەشەندەرٸمەن جابدىقتالعان. ٶكٸنٸشكە قاراي, ولار سەت سايىن ٸستەن شىعىپ جاتادى. بۇل رەتتە ساراتوۆ, ورىنبور, چەليابينسك, كۋرگان, تيۋمەن جەنە باسقا دا وبلىستارمەن شەكاراداعى ٶتكٸزۋ بەكەتتەرٸ تۋرالى ايتىپ وتىرمىن. رەسەيدٸڭ شەكارا قىزمەتٸ اتالعان مەسەلەنٸ قامتاماسىز ەتۋ ٷشٸن كٶلٸكتەردٸڭ جٷك بٶلٸمدەرٸندە «تەحنولوگييالىق ٶتۋ» سيياقتى جاڭا تالاپتار ەنگٸزدٸ. سول تەكسەرۋ ايماعىندا جٷرگٸزۋشٸلەردٸ جٷكتەرٸن تٷسٸرۋگە مەجبٷرلەيدٸ. بۇل كٶبٸنەسە تاۋارلاردىڭ بۇزىلۋىنا ەكەپ سوقتىرادى. وسىدان كەيٸن تاسىمالداۋشىلار كٶلٸگٸنٸڭ 2/3 بٶلٸگٸنە عانا جٷك تيەۋگە مەجبٷر بولادى. نەتيجەسٸندە كٶلٸكتەردٸڭ شىعىنى ارتىپ, تاۋار باعاسى ٶسەدٸ, – دەدٸ قاسىم-جومارت توقاەۆ.
پرەزيدەنت ٶتكٸزۋ پۋنكتتەرٸن كوممەرتسييالىق ترانزيت قاۋٸپسٸزدٸگٸ مەن جىلدامدىق مەسەلەلەرٸن شەشە الاتىن زاماناۋي تەكسەرۋ كەشەندەرٸمەن جابدىقتاۋدى ۇسىندى. قاسىم-جومارت توقاەۆ بٷگٸنگٸ فورۋمنىڭ تاقىرىبى ەكولوگييا مەن «جاسىل ەكونوميكالىق» ٶسٸم سالاسىنداعى ىنتىماقتاستىق ەكەنٸن اتاپ ٶتٸپ, اتالعان مەسەلەنٸڭ ماڭىزدى ەرٸ شۇعىل سيپات الىپ وتىرعانىن ايتتى.
– قازاقستان مەن رەسەيدٸڭ ەكولوگييالىق مەسەلەلەرٸ ۇقساس. بۇل – اۋانىڭ, سۋدىڭ, توپىراقتىڭ لاستانۋى, رادياتسييا مەن ٶندٸرٸستٸك قالدىقتاردىڭ جينالىپ قالۋى. وعان قوسا, كٶرشٸ وتىرعان سوڭ كٶپتەگەن مەسەلە ەكٸ جاققا دا ورتاق. ونى شەشۋ ٷشٸن ٷكٸمەتتەر ەكولوگييا, بيولوگييالىق ەرتٷرلٸلٸكتٸ ساقتاۋ, ترانسشەكارالىق سۋ نىساندارىن بٸرلەسٸپ پايدالانۋ جەنە قورعاۋ سالالارىنداعى 7 كەلٸسٸمگە قول قويدى. كەلٸسٸمدەر جٷيەلٸ تٷردە جٷزەگە اسىرىلىپ جاتىر. الايدا, ەكولوگييالىق احۋالدىڭ ناشارلاۋى توقتايتىن ەمەس. سوندىقتان اتالعان مەسەلەلەردٸ شەشۋ حالىقارالىق دەڭگەيدە بٸرلەسكەن ەرەكەتتەردٸ كٷشەيتۋدٸ تالاپ ەتەدٸ, – دەدٸ مەملەكەت باسشىسى.
پرەزيدەنتتٸڭ پٸكٸرٸنشە, ەكونوميكانى كٶمٸرتەگٸنەن ارىلتۋ مەسەلەسٸن ەكٸ ەل ٷكٸمەتتەرٸ بٸرلەسٸپ پىسىقتاپ, تەجٸريبە الماسۋى قاجەت. سونداي-اق ونىڭ ەكونوميكاعا تيگٸزەتٸن كەرٸ ەسەرٸن جەڭٸلدەتۋ ماقساتىندا حالىقارالىق كەلٸسٸمدەرگە, ەسٸرەسە دسۇ اياسىندا ەنگٸزٸلەتٸن نورمالارعا قاتىستى ورتاق ۇستانىمعا كەلۋٸ كەرەك.
قاسىم-جومارت توقاەۆ جايىق ٶزەنٸنٸڭ ٶتە قاتتى تارتىلۋى جەنە ونداعى ەكولوگييالىق جاعدايدىڭ ناشارلاۋى قازاقستاننىڭ عانا ەمەس, سونداي-اق رەسەيدٸڭ دە شەكارالاس ايماقتارىنداعى تۇرعىندار ٷشٸن اسا قاۋٸپتٸ ەكەنٸن ايتتى.
– ۆلاديمير ۆلاديميروۆيچ, 2019 جىلى ومبى قالاسىنداعى كەزدەسۋٸمٸزدٸڭ قورىتىندىسى بويىنشا جايىق ٶزەنٸ باسسەينٸنٸڭ ەكوجٷيەسٸن ساقتاۋ جٶنٸندەگٸ ىنتىماقتاستىق باعدارلاماسى قابىلداندى. سول ٷشٸن سٸزگە العىسىمدى بٸلدٸرەمٸن. ٷكٸمەتتەرٸمٸزگە اتالعان باعدارلامانىڭ ساپالى ٸسكە اسىرىلۋى جايىندا, سونداي-اق بٸر جىلدا اتقارىلعان جۇمىستار جٶنٸندە بايانداما ەزٸرلەۋدٸ تاپسىرۋدى ۇسىنامىن. شاعىن ٶزەندەردەگٸ بٶگەتتەردٸڭ قۇرىلىسى مەن ولاردى پايدالانۋ تيٸمدٸلٸگٸنە قاتىستى مەسەلەگە, سونداي-اق جاڭا توعاندار قۇرىلىسىن ۇيىمداستىرۋعا ەرەكشە مەن بەرگەن جٶن, – دەدٸ قازاقستان پرەزيدەنتٸ.
كاسپيي يتبالىقتارىنىڭ پوپۋلياتسيياسىن ساقتاۋ ماقساتىندا تەڭٸزدٸڭ سولتٷستٸگٸندە مەملەكەتتٸك رەزەرۆاتتار قۇرۋ مٷمكٸندٸگٸن, سونداي-اق كيٸكتەردٸڭ ماۋسىمدىق قونىس اۋدارۋى كەزٸندە ەكٸ ەلدٸڭ شەكاراسىنان ەركٸن ٶتۋ جولىن قامتاماسىز ەتۋ مەسەلەلەرٸن قاراستىرۋ ۇسىنىلدى.
مەملەكەت باسشىسى قازاقستان مەن رەسەيدٸڭ «جاسىل» ەكونوميكا سالاسى بويىنشا ىنتىماقتاستىعى بەلسەندٸ تٷردە ارتىپ جاتقانىن اتاپ ٶتتٸ. ەلدەرٸمٸزدٸڭ جاڭارتىلاتىن جەنە بالامالى ەنەرگييا كٶزدەرٸن دامىتۋ جٶنٸندەگٸ ەلەۋەتٸ زور.
– قازاقستان جەل ەنەرگيياسى بويىنشا بٸر جىلدا ساعاتىنا ٷش تريلليون كيلوۆاتقا جۋىق قۋات ٶندٸرۋگە قاۋقارلى. ەلٸمٸز – «جاسىل» سۋتەگٸن ەكسپورتتاۋ ەلەۋەتٸ جوعارى ەلەمدەگٸ سەگٸز مەملەكەتتٸڭ بٸرٸ. بالامالى ەنەرگەتيكا سالاسىنداعى جوبالاردى ٸسكە اسىرۋ ٷشٸن ٶندٸرٸستٸك جەنە عىلىمي ينفراقۇرىلىمدى قالىپتاستىرۋ كەرەك, سونداي-اق جوعارى بٸلٸكتٸ ماماندار قاجەت. وسىعان وراي بٸز ەنەرگەتيكا سالاسىندا جوعارى تەحنولوگييالىق يننوۆاتسييالار جٶنٸندەگٸ قۇزىرەتتەر ورتالىعىن اشامىز. رەسەيدٸڭ مىقتى عىلىمي بازاسى مەن تيٸستٸ كادرلىق ەلەۋەتٸ بار. سوندىقتان رەسەي ماماندارىن ٶزارا تيٸمدٸ ىنتىماقتاستىق ورناتۋعا شاقىرامىز, – دەدٸ قاسىم-جومارت توقاەۆ.
فورۋم اياسىندا كيٸكتەردٸ قورعاۋ جەنە ولاردىڭ سانىن كٶبەيتۋ, كاسپيي يتبالىعىن قورعاۋ, سونداي-اق ٶڭٸرلەر مەن كەسٸپكەرلەر اراسىنداعى ساۋدا-ەكونوميكالىق بايلانىستاردى نىعايتۋ جٶنٸندە 13 قۇجاتقا قول قويىلدى.
– فورۋمنىڭ دەستٷرلٸ ٶنەركەسٸپتٸك-ەكونوميكالىق كٷن تەرتٸبٸنە ەكولوگييا جەنە جاسىل ەكونوميكانى دامىتۋ مەسەلەسٸن سەتتٸ ەنگٸزە العانىمىز قۋانتادى. بۇل سەن قۋۋ ەمەس, شىن مەنٸندە, قاجەتتٸلٸك ەرٸ ەلدەرٸمٸزدٸڭ بولاشاعى. وسى سالاداعى جوبالارىمىز ەكٸجاقتى ىنتىماقتاستىقتىڭ دامۋىنا تىڭ سەرپٸن بەرەتٸنٸنە سەنٸمدٸمٸن, – دەدٸ مەملەكەت باسشىسى.
پلەنارلىق وتىرىس اياسىندا رەسەي پرەزيدەنتٸ ۆلاديمير پۋتين, قازاقستان مەن رەسەيدٸڭ سالالىق مينيسترلٸكتەرٸ مەن ٶڭٸر باسشىلارى سٶز سٶيلەدٸ.
فورۋم قورىتىندىسى بويىنشا تٶمەندەگٸ قۇجاتتارعا قول قويىلدى:
قازاقستان رەسپۋبليكاسى ەكولوگييا, گەولوگييا جەنە تابيعي رەسۋرستار مينيسترلٸگٸ مەن رەسەي فەدەراتسيياسى تابيعي رەسۋرستار جەنە ەكولوگييا مينيسترلٸگٸ اراسىنداعى كيٸكتەردٸڭ شەكارا ماڭىنداعى پوپۋلياتسيياسىن قورعاۋ, ٶسٸرۋ جەنە پايدالانۋ تۋرالى كەلٸسٸم (Saiga tatarica tatarica);
قازاقستان رەسپۋبليكاسى ٷكٸمەتٸ مەن رەسەي فەدەراتسيياسى ٷكٸمەتٸ اراسىنداعى قورشاعان ورتانى قورعاۋ سالاسىنداعى ىنتىماقتاستىق جٶنٸندەگٸ كەلٸسٸمدٸ ٸسكە اسىرۋ اياسىندا 2021-2026 جىلدارعا ارنالعان كاسپيي يتبالىعىنىڭ پوپۋلياتسيياسىن ساقتاۋ جٶنٸندەگٸ قازاقستان مەن رەسەي اراسىنداعى بٸرلەسكەن ٸس-قيمىلدار جوسپارى;
اقمولا وبلىسى ەكٸمدٸگٸ مەن چەليابينسك وبلىسى ٷكٸمەتٸ اراسىنداعى ساۋدا-ەكونوميكالىق, عىلىمي-تەحنيكالىق, ەلەۋمەتتٸك, مەدەني جەنە گۋمانيتارلىق ىنتىماقتاستىق تۋرالى كەلٸسٸم;
اقمولا وبلىسى ەكٸمدٸگٸ مەن ومبى وبلىسى ٷكٸمەتٸ اراسىنداعى ساۋدا-ەكونوميكالىق, عىلىمي-تەحنيكالىق, ەلەۋمەتتٸك, مەدەني جەنە گۋمانيتارلىق سالالار بويىنشا حالىقارالىق جەنە سىرتقى ەكونوميكالىق بايلانىستاردى ٸسكە اسىرۋ تۋرالى كەلٸسٸم;
باتىس قازاقستان وبلىسىنىڭ ەكٸمدٸگٸ مەن سامارا وبلىسىنىڭ ٷكٸمەتٸ اراسىنداعى 2021-2023 جىلدارعا ارنالعان ساۋدا-ەكونوميكالىق, عىلىمي-تەحنيكالىق جەنە مەدەني ىنتىماقتاستىق جٶنٸندەگٸ 2018 جىلعى 5 قاراشاداعى كەلٸسٸمدٸ ٸسكە اسىرۋ جٶنٸندەگٸ ٸس-شارالار جوسپارى;
پاۆلودار وبلىسى ەكٸمدٸگٸ مەن كۋرگان وبلىسى ٷكٸمەتٸ اراسىنداعى ساۋدا-ەكونوميكالىق, عىلىمي-تەحنيكالىق, ەلەۋمەتتٸك-گۋمانيتارلىق جەنە باسقا دا سالالارداعى ىنتىماقتاستىق تۋرالى كەلٸسٸم;
جامبىل وبلىسى ەكٸمدٸگٸ مەن لەنينگراد وبلىسى ٷكٸمەتٸ اراسىنداعى ساۋدا-ەكونوميكالىق, عىلىمي-تەحنيكالىق جەنە ەلەۋمەتتٸك-گۋمانيتارلىق سالالارداعى ىنتىماقتاستىق تۋرالى كەلٸسٸم.
كوممەرتسييالىق قۇجاتتار:
«PASTA&NOODLES» جشس پەن «مەرەكە» جشق سٷ اراسىنداعى كەلٸسٸمشارت;
«ارالتۇز» اق پەن «سالينا ترەيد» جشق اراسىنداعى كەلٸسٸمشارت;
«كەنتاۋ ترانسفورماتور زاۋىتى» اق پەن «ترانسەنەرگو» جشق اراسىنداعى كەلٸسٸمشارت;
«تەحنونيكول» كومپانيياسى مەن «KAZAKH INVEST» ۇك اق اراسىنداعى ينۆەستيتسييالار جٶنٸندەگٸ كەلٸسٸمگە قول قويۋعا ىقپال ەتۋ جوباسىن ٸسكە اسىرۋ تۋرالى مەموراندۋم;
«ۆەلفارم» جشق جەنە «روكا» جشس اراسىنداعى ىنتىماقتاستىق تۋرالى كەلٸسٸم;
«قورعاس-شىعىس قاقپاسى» ەەا پەن «تۋلوما سالمون قازاقستان» جشس اراسىنداعى جول كارتاسى.
