كٶرنەكٸ سۋرەت
مەملەكەت باسشىسى IV قىتاي حالىقارالىق يمپورتتىق تاۋارلار كٶرمەسٸنٸڭ اشىلۋ رەسٸمٸندە بەينەٷندەۋ جاسادى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
قاسىم-جومارت توقاەۆ ٶزٸنٸڭ بەينەٷندەۋٸندە جيىنعا قاتىسۋشىلاردى IV قىتاي حالىقارالىق يمپورتتىق تاۋارلار كٶرمەسٸنٸڭ اشىلۋىمەن قۇتتىقتادى.
– بيىل بٸزدٸڭ دوستاس حالىقتارىمىز ٶز تاريحىنداعى ماڭىزدى بەلەسكە جەتتٸ. قازاقستان تەۋەلسٸزدٸگٸنە – 30 جىل. قىتاي كوممۋنيستٸك پارتيياسىنىڭ قۇرىلعانىنا – 100 جىل. سونداي-اق, ەكٸ ايدان كەيٸن تاعى بٸر ايتۋلى وقيعانى اتاپ ٶتەمٸز. قازاقستان مەن قىتاي اراسىندا ديپلوماتييالىق قاتىناستاردىڭ ورناعانىنا 30 جىل تولادى. بٷگٸن بٸزدٸڭ جان-جاقتى ەرٸ مەڭگٸلٸك ستراتەگييالىق سەرٸكتەستٸگٸمٸز كەمەلدەنٸپ, جاڭا كەزەڭگە قادام باستى دەپ نىق سەنٸممەن ايتا الامىن. قارقىندى دامىپ كەلە جاتقان قىتاي ەلٸ ەردايىم ازيياداعى ەڭ باستى جەنە سەنٸمدٸ سەرٸكتەسٸمٸز بولىپ قالا بەرەدٸ, – دەدٸ قازاقستان پرەزيدەنتٸ.
مەملەكەت باسشىسى ٶزارا تيٸمدٸ ەكٸجاقتى ىنتىماقتاستىق كەڭ-بايتاق ەۋرازييا قۇرلىعىندا بٸرلەسە دامۋعا جەنە ٶركەندەۋگە جول اشىپ وتىرعانىنا, ساۋدا-ەكونوميكالىق قاتىناستار – ىقپالداستىعىمىزدىڭ بەرٸك ٸرگەتاسى ەكەنٸنە توقتالىپ, الداعى كەزەڭدە سولاي بولا بەرەتٸنٸن اتاپ ٶتتٸ.
– قيىندىققا قاراماستان, كٷردەلٸ 2020 جىلدىڭ ٶزٸندە ەكٸجاقتى تاۋار اينالىمى 5 پايىزعا ٶسٸپ, 15 ميلليارد دوللاردان استى. «ٶزگەرٸستەر جەلٸ سوققاندا, بٸرەۋلەر قابىرعا تۇرعىزادى, ەندٸ بٸرەۋلەر جەل ديٸرمەن سالادى», – دەگەن كٶنە قىتاي ناقىلى بار. پاندەميياعا بايلانىستى قازاقستان-قىتاي شەكاراسىنا ەنگٸزٸلگەن ۋاقىتشا شەكتەۋ شارالارى تەزٸرەك اياقتالىپ, الىس-بەرٸس قايتادان جاندانا تٷسەدٸ دەپ سەنەمٸز, – دەدٸ قاسىم-جومارت توقاەۆ.
قازاقستان پرەزيدەنتٸ قۇتتىقتاۋ سٶزٸندە ساۋدا-ساتتىق ەردايىم ٶركەندەۋدٸڭ جەنە حالىقارالىق ىنتىماقتاستىقتىڭ باستى قوزعاۋشى كٷشٸ سانالاتىنىن, بۇل قاعيدات عاسىرلار بويى ۇلى جٸبەك جولىنىڭ بويىندا ورنالاسقان بٸزدٸڭ ٶڭٸر ٷشٸن دە اسا ماڭىزدى ەكەنٸن ايتتى.
– وسى ەجەلگٸ ساۋدا جولى تٶراعا سي تسزينپيننٸڭ «بەلدەۋلەر مەن جولدار» اتتى اۋقىمدى باستاماسىنىڭ ارقاسىندا قايتا جاڭعىردى. قازٸر جىل سايىن قىتايدان ەۋروپاعا قازاقستان اۋماعى ارقىلى 500 مىڭنان استام كونتەينەر تاسىمالدانادى. قۇرىق تەڭٸز ايلاعى ٸسكە قوسىلعاننان كەيٸن «ليانيۋنگان – كارس» تاسىمال دەلٸزٸمەن قورعاستان ىستانبۇلعا جٷك جەتكٸزۋ مەرزٸمٸ بەس ەسەگە, ياعني 60 كٷننەن 13 كٷنگە دەيٸن قىسقاردى. بٸز قورعاستان بٶلەك, بٸرقاتار كٶرشٸلەس ەلدەرمەن جاڭا شەكاراارالىق حاب قۇرىپ جاتىرمىز, – دەپ اتاپ ٶتتٸ مەملەكەت باسشىسى.
قاسىم-جومارت توقاەۆ بٷكٸل ەلەمدٸ شارپىعان كوروناۆيرۋس ٸندەتٸ جاھاندىق ساۋدا جەلٸسٸنٸڭ جۇمىسىنا ايتارلىقتاي نۇقسان كەلتٸرگەنٸنە توقتالدى. سونداي-اق قازاقستان تۇراقتى ترانزيتتٸك تاسىمال باعدارىن نىعايتىپ, ونى ەرتاراپتاندىرىپ, يننوۆاتسييالىق لوگيستيكالىق ەدٸس-تەسٸلدەردٸ ەنگٸزۋ ٷشٸن بارلىق مٷددەلٸ تاراپپەن تىعىز جۇمىس جٷرگٸزە بەرەتٸنٸن ايتتى.
– بٷگٸن ەسٸگٸن ايقارا اشقان قىتاي حالىقارالىق يمپورتتىق تاۋارلار كٶرمەسٸ, شىن مەنٸندە, دٷنيەجٷزٸنٸڭ ەر تٷكپٸرٸندەگٸ ەكسپورتشىلاردى ۇيىستىراتىن ورتالىققا اينالدى. وسى ماڭىزدى شاراعا 120-دان استام مەملەكەتتەن تاۋار ٶندٸرۋشٸلەر جينالىپ وتىر. بۇل شانحاي كٶرمەسٸ قىتايداعى الىپ نارىققا كٸرەتٸن «التىن قاقپا» ەكەنٸن ايقىن كٶرسەتتٸ. وسى كٶرمەگە قازاقستاننان 30 ٸرٸ ٶنٸم ٶندٸرۋشٸ قاتىسۋدا. ولار جالپى قۇنى 100 ميلليون دوللاردان اساتىن ازىق-تٷلٸك جەنە اۋىل شارۋاشىلىعى ٶنٸمدەرٸن ساتۋعا كەلٸسٸم شارت جاسايدى دەپ جوسپارلانىپ وتىر, – دەدٸ قازاقستان پرەزيدەنتٸ.
قازاقستان پرەزيدەنتٸ سٶزٸن قورىتىندىلاي كەلە, شانحاي كٶرمەسٸنە قاتىسۋشىلاردىڭ جۇمىسىنا تابىس تٸلەپ, ٶزارا تيٸمدٸ ساۋدا بايلانىستارى كٶكجيەگٸنٸڭ كەڭەيە بەرۋٸنە نيەتتەستٸك بٸلدٸردٸ.
