فوتو: اقوردا
مەملەكەت باسشىسى قاسىم-جومارت توقاەۆ قازاقستان حالقىن جاڭا جىلمەن قۇتتىقتادى, دەپ حابارلايدى اقورداعا سٸلتەمە جاساپ Ult.kz.
پرەزيدەنتتٸڭ قۇتتىقتاۋ سٶزٸ:
2025 جىل حالقىمىز ٷشٸن مەرەيلٸ جىل بولدى
قىمباتتى وتانداستار!
بٸز بٸرنەشە مينۋتتان كەيٸن جاڭا جىلدى قارسى الامىز. تٶل تاريحىمىزدىڭ تاعى بٸر بەلەسٸنە قادام باسامىز.
جۇرتىمىز جاڭا جىلدى ەرەكشە كٶڭٸل كٷيمەن كٷتەدٸ. ەر ادام وسى سەتتە ارمان-تٸلەگٸن ايتادى. ەسكٸ جىلدىڭ ەڭ ەسەرلٸ سەتتەرٸن ەسكە الادى. بولاشاققا جوسپار قۇرىپ, زور ٷمٸت ارتادى.
2025 جىل حالقىمىز ٷشٸن مەرەيلٸ جىل بولدى. ەلٸمٸز دامۋدىڭ داڭعىل جولىنا تٷستٸ. ەلەمدەگٸ احۋال كٷردەلٸ بولسا دا, ەكونوميكامىز ٶركەندەپ, ٸشكٸ جالپى ٶنٸم 6 پايىزدان استى. قازاقستاننىڭ التىن-ۆاليۋتا قورى 62 ميلليارد دوللاردان استى.
ەلگە اۋقىمدى ينۆەستيتسييا تارتىپ, بٸرقاتار ٸرٸ جوبانى جٷزەگە اسىردىق. "دوستىق – مويىنتى" تەمٸرجولىنىڭ ەكٸنشٸ جەلٸسٸ ٸسكە قوسىلدى. بۇل – تەۋەلسٸزدٸك كەزەڭٸندەگٸ ەڭ ٸرٸ تەمٸرجول قۇرىلىسى.
سونداي-اق ون ٷش مىڭ شاقىرىم اۆتوكٶلٸك جولى سالىنىپ, جٶندەلٸپ جاتىر. سونىڭ ارقاسىندا قازاقستاننىڭ ترانزيتتٸك ەلەۋەتٸ ارتا تٷستٸ.
ديقاندارىمىز ەكٸنشٸ جىل قاتارىنان مول ٶنٸم الىپ, قامبانى استىققا تولتىردى. اۋىلدى جەنە اۋىل شارۋاشىلىعىن دامىتۋعا باسا مەن بەرٸپ جاتىرمىز. شارۋالارعا بۇرىن-سوڭدى بولماعان قارجىلاي قولداۋ كٶرسەتٸلدٸ, ياعني 1 تريلليون تەڭگە وسى ماقساتقا جۇمسالدى.
بيىل جالپى اۋماعى 19 ميلليون شارشى مەتردەن استام تۇرعىن ٷي سالىندى. مىڭداعان وتباسى باسپانالى بولدى.
ەلەۋمەتتٸك سالادا كٶپ شارۋا جاسالدى. جٷزدەن استام مەكتەپ, ەكٸ جٷزگە جۋىق دەنساۋلىق ساقتاۋ نىسانى بوي كٶتەردٸ. ەلەمنٸڭ ٷزدٸك جوعارى وقۋ ورىندارىنىڭ فيليالدارى اشىلدى.
ادام قۇقىقتارىن قورعاۋعا باسا مەن بەرٸلٸپ جاتىر. قوعامدا "زاڭ مەن تەرتٸپ" قاعيداتى ورنىعا تٷستٸ, ازاماتتارىمىزدىڭ قۇقىقتىق سانا-سەزٸمٸ كٷشەيۋدە.
بٸز ەر جەتٸستٸككە جۇرتىمىزدىڭ ەرەن ەڭبەگٸنٸڭ ارقاسىندا جەتتٸك.
ازاماتتارىمىز بٸلٸم, عىلىم, مەدەنيەت سالالارىندا بيٸك بەلەستەردٸ باعىندىردى. ولار حالقىمىزدى رۋحى اسقاق, زيياتكەر ۇلت رەتٸندە تانىتۋعا زور ٷلەس قوستى.
وقۋشىلارىمىز حالىقارالىق بٸلٸم سايىستارىندا توپ جاردى. سپورتشىلارىمىز ەلەمدٸك دودالاردا ٷزدٸك شىقتى, كٶك تۋىمىزدى جەلبٸرەتتٸ.
بيىل بٸز "جۇمىسشى ماماندىقتارى جىلىن" اتاپ ٶتتٸك. ەڭبەك ادامدارىنا ايرىقشا قۇرمەت كٶرسەتتٸك. بۇل ٷردٸس الداعى ۋاقىتتا دا جالعاسىن تابادى.
مەملەكەت مۇعالٸمدەر مەن دەرٸگەرلەرگە جان-جاقتى قولداۋ كٶرسەتتٸ جەنە وسى ساياسات ۇزاقمەرزٸمدٸ ستراتەگييالىق سيپاتقا يە بولدى. ەلٸمٸزدٸڭ مەدەنيەت جەنە عىلىم قايراتكەرلەرٸنە جان-جاقتى قولداۋ كٶرسەتٸلدٸ.
ادال ەڭبەكتٸڭ قادٸرٸن بٸلەتٸن ۇلتتىڭ كەلەشەگٸ دە جارقىن بولماق. ٶز كەسٸبٸنٸڭ ناعىز مامانى بولعان وتانشىل ازاماتتار ەلٸمٸزدٸڭ كٶشٸن العا باستايدى.
وسىلايشا, ححٸ عاسىردىڭ بٸرٸنشٸ شيرەگٸن ابىرويمەن اياقتادىق. ەكونوميكالىق جەنە ەلەۋمەتتٸك كٶرسەتكٸشتەر بويىنشا قازاقستان وسى ساياسي-گەوگرافييالىق كەڭٸستٸكتە كٶش باستادى.
بەرٸمٸز بٸر ەل بولىپ ەدٸلەتتٸ, قاۋٸپسٸز, كٷشتٸ, تازا, وزىق قازاقستاندى قۇرىپ جاتىرمىز.
ەندٸ, مٸنە جىلقى جىلىنا اياق باسقالى تۇرمىز. قازاق ٷشٸن قازاناتتىڭ ورنى قاشان دا بٶلەك. حالقىمىز "جىلقى جىلى جايلى بولادى" دەپ ىرىمدايدى. بٸز كەلەسٸ جىلدان كٶپ جاقسىلىق كٷتەمٸز. ٶركەنيەتتٸ ۇلت رەتٸندە الىسقا كٶز تٸگەمٸز. العا قويعان بيٸك ماقساتىمىز جەنە ناقتى جوسپارىمىز بار.
بٸز مەملەكەتتٸك ماڭىزى ايرىقشا "تازا قازاقستان" جوباسىن بٸر قوعام بولىپ جٷزەگە اسىرا بەرەمٸز. اۋىلدارىمىز بەن قالالارىمىز تازا, جاسىل جەلەگٸ مول ەرٸ ٶمٸر سٷرۋگە قولايلى بولۋعا تيٸس.
بۇل تەۋەلسٸزدٸكتٸڭ 35 جىلدىعىنا وراي ەل دامۋىنا قوسقان ەڭ ٷلكەن ٷلەسٸمٸز بولماق. بٸز وسى تاريحي مەجەنٸ ناقتى ٸسپەن اتاپ ٶتەمٸز.
"بٸرلٸگٸمٸز – ەرالۋاندىقتا" دەگەن قاعيداتقا نەگٸزدەلگەن قوعامدىق كەلٸسٸم مەن تۇراقتىلىق – بارلىق جەتٸستٸگٸمٸزدٸڭ باستاۋى.
مەملەكەت الداعى ۋاقىتتا دا حالىقارالىق قۇقىققا جەنە ۇلت مٷددەسٸنە ساي كەلەتٸن سىندارلى ەرٸ بايىپتى سىرتقى ساياسات جٷرگٸزەدٸ.
قازاقستاننىڭ ۇسىنىسىمەن بٸرٸككەن ۇلتتار ۇيىمى 2026 جىلدى حالىقارالىق ەرٸكتٸلەر جىلى دەپ جارييالادى. حالىقارالىق ەرٸكتٸلەر قوزعالىسى تٸلەۋلەستٸك, مەيٸرٸمدٸلٸك سىندى مىزعىماس ادامگەرشٸلٸك قۇندىلىقتارىن پاش ەتەدٸ. بۇل – بٸزدٸڭ دە حالقىمىزعا تەن اسىل قاسيەتتەر.
جاڭا جىلدىڭ ماڭىزدى ٶزگەرٸستەرگە تولى جىل بولارى سٶزسٸز. بۇل ٶزگەرٸستەردٸڭ قانشالىقتى جەمٸستٸ بولاتىنى ٶزٸمٸزگە بايلانىستى.
بٸز بەرٸمٸز تاباندى ەڭبەك ەتۋٸمٸز كەرەك, سوندا عانا ەلٸمٸز زور تابىستارعا جەتەدٸ. بۇل, ەڭ الدىمەن, حالقىمىزعا قاجەت.
دەل قازٸر جاڭا جىلدى جۇمىستا قارسى الىپ جاتقان ازاماتتارىمىز بار. بۇل – ٶز ٸسٸنە ادالدىق پەن قوعام الدىنداعى جاۋاپكەرشٸلٸكتٸڭ جارقىن كٶرٸنٸسٸ.
مەن سٸزدەردٸڭ تاباندى ەڭبەكتەرٸڭٸزدٸ جوعارى باعالايمىن. سٸزدەرگە ارنايى قۇتتىقتاۋىمدى جولدايمىن. ەلٸمٸزدٸ كٶركەيتۋگە ٷلەس قوسىپ جٷرگەن بارشا ازاماتقا زور العىس ايتامىن.
شىن مەنٸندە, تۋعان ەلگە قىزمەت ەتۋدەن ارتىق باقىت جوق. حالقىمىز "ىنتىماق بار جەردە – ىرىس بار" دەيدٸ. سوندىقتان بەرەكەلٸ بٸرلٸگٸمٸزدٸ ساقتاپ, بٸرتۇتاس ۇلت بولىپ ەلٸمٸزدٸ دامىتا بەرەيٸك.
بٷگٸن وسى ەرەكشە سەتتە جاستار مەن بالالارعا ٷندەۋ جولداعىم كەلەدٸ.
قازٸر – مٷلدەم جاڭا قۇبىلىستار جەنە زور مٷمكٸندٸكتەر دەۋٸرٸ. ەركٸم, ەڭ الدىمەن, ٶزٸنە, بويىنداعى كٷشٸ مەن قابٸلەتٸنە سەنۋٸ كەرەك.
ۇلى ابايدىڭ "ٶزٸڭە سەن, ٶزٸڭدٸ الىپ شىعار, ەڭبەگٸڭ مەن اقىلىڭ ەكٸ جاقتاپ" دەگەن سٶزٸ ەردايىم ٶزەكتٸ. بەلسەندٸ, بٸلٸمدٸ, ەڭبەكقور, تەرتٸپتٸ, ۇشقىر بولىڭىزدار. جولدارىڭىز اشىق بولسىن! ەرقاشان الار اسۋلارىڭىز بيٸك بولسىن!
ەلٸمٸزدٸڭ ەر ازاماتىنا زور دەنساۋلىق, اماندىق جەنە تابىس تٸلەيمٸن!
تٶرت قۇبىلامىز تٷگەل بولسىن! ەر شاڭىراق جاقسىلىققا تولسىن! كٶك تۋىمىز مەڭگٸ جەلبٸرەسٸن! وتانىمىز – قازاقستان رەسپۋبليكاسى, قازاق ەلٸ جاساي بەرسٸن!
جاڭا جىل قۇتتى بولسىن!
