مەملەكەت باسشىسى قاسىم-جومارت توقاەۆ ۇلتتىق دومبىرا كٷنٸنە ارنالعان كونتسەرتكە باردى, دەپ حابارلايدى اقوردا.
قاسىم-جومارت توقاەۆ قازاقستاندىقتاردى ۇلتتىق دومبىرا كٷنٸمەن قۇتتىقتاي وتىرىپ, ەلباسىنىڭ باستاماسىمەن دومبىرانى ۇلىقتاۋ مەرەكەسٸن ٶتكٸزۋ يگٸ دەستٷرگە اينالعانىن ايتتى.
«بۇل – حالقىمىزدىڭ تامىرى تەرەڭدە جاتقان تٶل ٶنەرٸن دەرٸپتەيتٸن مەيرام. قازاق پەن دومبىرا – بٸر-بٸرٸنەن بٶلە-جارۋعا بولمايتىن ەگٸز ۇعىم. دومبىرا – كٶنە زاماننىڭ اڭىزدارىنا ارقاۋ بولعان كيەلٸ اسپاپ. «اقساق قۇلان» كٷيٸنٸڭ شىعۋ تٶركٸنٸن بٸلمەيتٸن قازاق كەمدە-كەم. ەجەلگٸ دەۋٸردەن جەتكەن قاستەرلٸ دومبىرا ۇرپاقتان-ۇرپاققا ميراس بولىپ كەلەدٸ. قازاق سان عاسىرلىق شەجٸرەسٸنٸڭ كۋەسٸ بولعان قاسيەتتٸ اسپاپتى بويتۇمارىنا بالاعان. قازٸرگٸ تٸلمەن ايتساق, بۇل – بٸزدٸڭ ۇلتتىق برەندٸمٸز», – دەدٸ پرەزيدەنت.
مەملەكەت باسشىسىنىڭ ايتۋىنشا, قۇدٸرەتتٸ قوس ٸشەكتٸڭ ٷنٸندە ۇلى دالانىڭ جىرى, بابالاردىڭ سىرى ساقتالعان. حالقىمىز قۋانىشى مەن قايعىسىن, ارمان-تٸلەگٸ مەن ٷمٸتٸن كٷي ارقىلى جەتكٸزگەن. مەملەكەت باسشىسى دومبىراعا تٸل بٸتسە, تەبٸرەنبەيتٸن قازاق جوق ەكەنٸن, قانداستارىمىز مەكەندەيتٸن قاي ەلگە بارساق تا, دومبىرانىڭ قوڭىر ٷنٸ كٷمبٸرلەپ تۇراتىندىعىن اتاپ ٶتتٸ. بايتاق دالانى دٷبٸرلەتكەن كٷيشٸلەردٸڭ اسىل مۇراسى – رۋحاني قازىنامىزدىڭ باعا جەتپەس بايلىعى.
«قۇرمانعازىنىڭ «سارىارقاسى», تەتتٸمبەتتٸڭ «سارجايلاۋى» كٷي ٶنەرٸنٸڭ شىڭى سانالادى. نۇرعيسانىڭ «اققۋى» – قازاقتىڭ قانىنا سٸڭگەن بەكزات ٶنەردٸڭ بٸرەگەي تۋىندىسى. سونداي دارىن يەلەرٸنەن امانات بولعان كيەلٸ مۇرا بٷگٸندە ادامزاتتىڭ اسىل قازىناسىنا اينالدى. كٷي ٶنەرٸ يۋنەسكو شەڭبەرٸندەگٸ قۇندىلىقتار قاتارىنا قوسىلدى. دومبىرانى ۇلىقتاپ, كٷي ٶنەرٸن دامىتۋ ٷشٸن ەلٸمٸزدە كٶپتەگەن يگٸ ٸستەر اتقارىلۋدا. ەلوردادا كٷي اتاسى قۇرمانعازىنىڭ ەسكەرتكٸشٸ اشىلدى. ال كەشە عانا كٷيشٸ دينا اپامىزدىڭ قۇرمەتٸنە سەۋلەت تۋىندىسى بوي كٶتەردٸ», – دەدٸ قاسىم-جومارت توقاەۆ.پرەزيدەنت وزىق مەدەنيەتٸ بار ۇلتتىڭ رۋحى ەردايىم بيٸك بولارى سٶزسٸز دەپ سانايدى. سوندىقتان ٶسكەلەڭ ۇرپاق وسى كيەلٸ ٶنەردٸ لايىقتى جالعاستىرۋى قاجەت. مەكتەپتە دومبىرا ٷيرەنۋگە ارنالعان فاكۋلتاتيۆ ساباقتارىن ەنگٸزۋ جٶنٸندەگٸ باستامانى قولداعان قاسىم-جومارت توقاەۆ, بۇل ساباقتار بالالارىمىزدىڭ ۇلتتىق ساناسىنىڭ كٷشەيۋٸنە جەنە ولاردىڭ كٶزقاراسى مەن مەدەني تانىمىنىڭ كەڭەيۋٸنە وڭ ىقپال ەتەتٸنٸنە سەنٸم بٸلدٸردٸ.
سٶز سوڭىندا قاسىم-جومارت توقاەۆ مۋزىكا ٶنەرٸ ەشكٸمدٸ ۇلت پەن تٸلگە بٶلمەيتٸنٸن, دومبىرانىڭ ٷنٸ ەلٸمٸزدەگٸ بارشا ەتنوستاردى ورتاق قۇندىلىققا بٸرٸكتٸرٸپ, رۋحاني تۇتاستىققا باستايتىندىعىن اتاپ ٶتتٸ.
«ۇلتىمىزدىڭ رۋحىن كٶتەرەتٸن دومبىراعا ەر شاڭىراقتىڭ تٶرٸندە ورىن بار. سەبەبٸ دومبىرا – قازاقتىڭ جانى», – دەدٸ پرەزيدەنت.
