پرەزيدەنت قاسىم-جومارت توقاەۆ قاتار ەمٸرٸ تاميم بەن حاماد ەل تەنيدٸڭ جەكە شاقىرۋىمەن «جاھاندىق ەكونوميكانى قالىپقا كەلتٸرۋدە تەڭدٸككە قول جەتكٸزۋ» اتتى ەكٸنشٸ قاتار ەكونوميكالىق فورۋمىنىڭ اشىلۋ رەسٸمٸنە قاتىستى, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
اتالعان ماڭىزدى ٸس-شارا Bloomberg اگەنتتٸگٸنٸڭ قولداۋىمەن ۇيىمداستىرىلدى جەنە شەيح تاميم بەن حاماد ەل تەنيدٸڭ قامقورلىعىمەن ٶتكٸزٸلٸپ وتىر.
فورۋم «مەملەكەتتەردٸڭ ەكونوميكالىق داعدارىستان شىعۋ مەسەلەسٸ» تاقىرىبىنا ارنالعان.
فورۋم جۇمىسىنا مەملەكەت باسشىسىنان بٶلەك توگو پرەزيدەنتٸ فور گناسسينگبە, ناميبييا پرەزيدەنتٸ حاگە گەينگوب, گرۋزييانىڭ پرەمەر-مينيسترٸ يراكليي گاريباشۆيلي, سونداي-اق ەۋروپا, ازييا جەنە افريكا ەلدەرٸنٸڭ بٸرقاتار مينيسترٸ مەن ٷكٸمەتتەرٸنٸڭ لاۋازىمدى تۇلعالارى قاتىسادى.
سونىمەن قاتار فورۋم سەسسييالارىنا Honeywell, Asyad Group, يسلام دامۋ بانكٸ, Tesla, Qatar Airways, The Boeing Company, QatarEnergy, Kuwait Petroleum Corporation, Southwest Holdings, Accor, Marriott International, Tingo, National Petroleum Corporation of Namibia, MeTL Group, Volkswagen, Dorna Sports, International Airlines Group, Infarm, Vitol, Franklin Templeton, تhyssenkrupp, Roubini Macro Associates, DAMAC Properties, Trip com Group, Standard Chartered, Exxon Mobil Corporation, Google Cloud جەنە باسقا دا حالىقارالىق جەتەكشٸ كورپوراتسييالار مەن ۇيىمداردىڭ باسشىلارى جينالدى.
پرەزيدەنت قاسىم-جومارت توقاەۆ In Conversation with President Tokayev اتتى ارنايى پانەلدٸك سەسسيياعا قاتىسادى دەپ جوسپارلانعان. ونى «Bloomberg Television» جٷرگٸزۋشٸسٸ مانۋس كرەنني جٷرگٸزەدٸ.
قاتار ەكونوميكالىق فورۋمىنىڭ قورىتىندىسى بويىنشا جاھاندىق ٶسٸمنٸڭ كەلەسٸ كەزەڭٸنٸڭ جوسپارى ەزٸرلەنٸپ, پاندەمييادان كەيٸنگٸ ەلەمدٸ قالىپتاستىرۋ ٷشٸن ناقتى شەشٸمدەر ۇسىنۋ كٶزدەلٸپ وتىر.
